PAWTDAWKNA 5:21 - PATHIEN LEKHABU THIENGTHO (BSI)

²¹ a kawm u ah, “Lalpa’n na thilhhih u chuh a mu a, na chungthuu hun vaihawm sak hen; a ziek chuh, Pharaoh leh a suokte mitmuh ah hawtna nei siem sak u a; kei uh ei thah na dingin a khut u ah chemzâm a chawih ziekun,” a tiu a.

PAWTDAWKNA 5:21 ပူးပေါင်းရင်းမြစ်များ

THILSIEMBUL 34:30

Chun, Jakob in Simeon leh Levi kawm achun, “Nang un zie gama um haw lak ahin Kanaan haw leh Periz te hawt in nei siem u a, nei sulungkham mah mah ui tawmcha ka hih ziekin ei do dingin hung kikhawm khawm untin, ei that mai ding ahiu hi; tichun sukmangthai a um ding ka hi, kei leh ka inkawte hi tawh,” a ti a.

1 KHANGTHUBU 19:6

Ammon suonte chun, David zakdah lam tak a hih ui tih a hung kihet phet u chun, Mesopotamia gama mite, Aram-maakah a mite, Zobah-a mite, kangtalai leh sakawl chung chuong mite gawihna dingin, dangkaguo talent sangkhat a thak u a.

2 SAMUEL 10:6

Chun, Amon suonte chun David lungnatna a hih kha tau hi tih a hung kihet phet un, Beth-rehon a Suria te leh Zobah a Suria te, sepaih singnih leh, leng Maakah sepaih sangkhat tawh, Tob mite singkhat leh sangnih tawh a thuthak u a, a guoi tau a.

1 SAMUEL 27:12

Chun, Akish chun David thugen chu taksang in, “Amah mi Israel te hi a kimuhdah sak ta ngâl in; zieziekchun, a damsung cheng chu ka suok in um ta lo ding ahim,” ti’n a ngaihtuoh a.

1 SAMUEL 13:4

Chun, Israel te chengcheng chun Saul in Philistia sepaihte a do hi tih leh Israel te chu Philistia te’n a mudah ui tih thu haw chu a hun he tau a. Khutichun, mipite chu Gilgal a Saul kawmah sapkhawm ahiu a.

PAWTDAWKNA 6:9

Chun, Mosi’n Israel chate kawmah zie thu chuha va gen a, himahlele suok a hihnau a a lungthim uh gimtheih na leh nasa taka sukgimtheihna haw ziek chun Mosi thugen chuh ana ngaitha nuom puou hi.

THILSIEMBUL 16:5

Tichun, Sarai in Abram kawmah, “Ka thil thawk hi nangin amawh na puok ding ahi: ka suoknu hi na pawm dingin ka hun pie a; nau a vawp hi tih a kihet phetin ei musit mai ta a: Lalpa’n nang leh kei thu hi ngaihtuoh hen,” a ti a.

JOEL 2:20

Mâllam sepaihte chuh na kawm u apat chawn mang kêi ka ting; thalek gamgaw ah chiehsak ing ka. A masa lawi chu suohlam Tuipi Thi ah sawl ka ting; a nunung lawi chu tumlam Tuipi ah paih ka ting, hung uih dawk un tin, gimsie takin hung um un au. Na chunguh a thil nasatak a hih tâk ziekun amau haw chuh sumangthai ing ka.

THUGENPA 10:1

Tho thi chun gimlim bawma thil gimlim a hih namsie a, zie tawbang chun ngawlna neucha chun pilna nasatak a sumangthai sek hi.

PAWTDAWKNA 14:11

Mosi kawmah, “Aigupta gam akhan thân a umloh ziek ahim gamthip ahi thi dinga keihaw nei puihdawk? Bang zieka hitibang ahi bawl dinga Aigupta gam apat a nei puihdawk ahi?

PAWTDAWKNA 4:31

Chun, mipite chun a gingcha tau a: chun, Lalpa’n Israel chate gimtheih zie a mu tai tih a het un, a bawkkhup u a, a ho tau hi.

THILSIEMBUL 31:53

Abraham Pathien, Nahor Pathien, a pileputeu Pathien chun I kalthu hi ngaihtuoh hen,” a ti kit a. Chun, Jakob chun a pa Isak kihchak chuh sâm in a kihâksiel ta a.

PAWTDAWKNA 5:20

Chun, Pharaoh kawm apat a a hung pawt lai u chun Mosi leh Aron in lampi a ana ngak u chuh a vak muu a.

PAWTDAWKNA 15:24

Tichun mipite chun, “Bang ahim ka dâwn ding uh?” ti’n Mosi chungah a phunchiek tau a.

PAWTDAWKNA 16:2

Thalek achun Israel chate chengcheng chuh Mosi leh Aron chung achun a phunchiek tau a.

KISIMNA 14:3

Bang zieka Lalpa’n zie gam ahi chemzâm a thah a um ding leh I zi leh chateu hi galhing a mat dinga ei puihdawk ahi? Aigupta gama vaihkit chuh pha zaw lo ding ahim? ti’n a phunchiek tau a.

KISIMNA 14:22

Zie mipite lak ahin ka lopina leh Aigupta gama melchikna haw mu ngâla ei ginchak loh u a sawm vei hiel ei patep a, ka thu awilote lak ahin,

ISAI 30:6

Ziehi simlam a gamsate chunga chunggik na hungtung ding chuh ahi: “Buoina leh lungzînna adim gam achun, sakeibaknei-nu leh sakeibaknei humham leh gûl gu nei leh gûl leng theite umna gam achun; A neih leh lam teu chuh a sabiltungteu a puok sak u a, a sangawngsau teu chuh a sana leh dangkate chuh a puok sak u a, amau haw panpih theilo namte kawma chun a chieh u a.