PAWTDAWKNA 40:13 - PATHIEN LEKHABU THIENGTHO (BSI)

¹³ Chun, Aron chuh silhlechen thiengtho na silh sak ding ahi; tichun thiempu na sema kei dinga a pan theihna dinga thau nuh in, na kawihchuom ding ahi.

PAWTDAWKNA 40:13 ပူးပေါင်းရင်းမြစ်များ

PAWTDAWKNA 28:41

Ziehaw chun na suohpihpa Aron leh a chapate chuh na thuom ding ahi; kei dinga thiempu na sem a, zenvielna a sep theihna ding un, amau haw chuh thau nuh in, kawihchuom in, na hih thientho ding ahi.

1 JOHAN 2:27

Nanguh vangin, Krista kawm apat thau nuhna chang na hiu kha. Zie Thagau Thiengtho chuh nangmau a a um sung cheng, kuomah hun sinsak ngai puon lau. Thagau Thiengtho chun bang cheng a hun sinsak a, thu dik lo hilo in, thudik tak a hun sinsak sek ziekin. Khutichun, Thagau hun sinsaknate chuh zawp unla, amah tawh pumkhat a um hiding na hiu hi.

1 JOHAN 2:20

Krista apat in Thagau Thiengtho thau nuhna chuh na chang uh a, zieziekchun, na bawn un thudik chuh na he tau hi.

HEBRAI 10:29

Pathien Chapa tawhden a, thugawlh thisan, amah sukthienna chuh musit a, lungsietna Thagau sumuolpho chuh, zie sanga bangti tienga na zaw a thuok taka ngaih hi dingin a na ginchak?

HEBRAI 10:10

Khutichun, Isu Krista chun, Pathien in hih dinga a deihlam chuh hun hih in, amah sapum ngêi chuh khatvei a hun lân in, I gitlohnateu apat chun sukthientho in I um tau hi.

JOHAN 17:19

Amau haw ziekin keimah ngêi nang kawmah ka kilân thiengtho ahi, ti a chuh, amau haw le nangmah kawma dik taka a kilân thiengtho theihna dingun.

JOHAN 3:34

Pathien sawl chun, Pathien thu mah a gen sek. Amau chuh Pathien in tehkhel khelin thagau a pie puoh ngala.

ISAI 61:1

Liengvaite kawma Chanchin Pha gen dinga Lalpa’n thau ei nuh ziekin, Lalpa Pathien thagau chuh ka chungah a um. Amah chun lunggil thasie te sudam ding leh, saltâng te kawma pawt na thu leh, suongkul tângte pawtna thu phuong ding leh,

PAWTDAWKNA 40:14

Chun, a chapate le hun pui in, puonâk chuol na âksak ding ahi:

THIEMPUDANTE 7:36

Zie hi thau nuh ahih niu apat a Israel chate’n a piek ding u a Lalpa’n thu a piek Israel chate’n akhang akhang a a zuih dingu chuh ahi.

THIEMPUDANTE 8:13

Chun, Lalpa’n thu a piek guol tak chun, Mosi chun Aron chapate chuh malam ah a pui a, puonâk chuol a âksak a, kâwnggak a gâk saka, a luchang uh achun lukhuk a khuk sak ta a.

PAWTDAWKNA 29:7

Tichun, thau nuh chi hun la’n la, a luchang a sunkhum in na nuh ding ahi.

THIEMPUDANTE 7:35

Zie hi Lalpa a dinga thiempu na sem ding Aron leh a chapate thau nuh ahih niu akipat Lalpa a dinga mei thillat apat a chanvo dinguh chuh ahi.