PAWTDAWKNA 4:21 - PATHIEN LEKHABU THIENGTHO (BSI)

²¹ Chun, Lalpa’n Mosi kawmah, “Aigupta gam na tun tieng leh na khuta thilmak ka hun hihsak chengcheng kha Pharaoh masangah hih ngêi ngêi in; himahlele a lungthim sukkhauh sak ing ka ting, tichun mihaw chuh pawt sak phal puo’n a.

PAWTDAWKNA 4:21 ပူးပေါင်းရင်းမြစ်များ

ROME 9:18

Khutichun, Pathien in a deih cheng chuh a khuotuoh sek a, a ut leh a sulochal sek hi.

ISAI 63:17

Aw Lalpa, bang zieka na lampi apat a petmang dinga ka lungthim uh na suktak a hi? Bang zieka nang hun lau lo dinga ka lungthim uh nei suktak sak ahi? Na suokte ziek leh na gochan namte ziekin hung kihei kitin.

JOSHUA 11:20

Lalpa’n Mosi thu a piek banga a hihchimit suok a, lungsietna neilo hiela a hih mangthai theihna dingin a lunggil uh a hihkhauh sak a, Israel te do sak sek pa chuh Lalpa ahi ngâl a.

JOHAN 12:40

“Pathien in a mit uh a hih dûk a, a lungthimteu a khâk sak a, Khutilochun a mit un mu khau un tin uh, A lunggil un he kha’n au, Tichun, hung kihei kit khau untin, Ken amau haw a na hihdam khang ka,” ti a a na gen ziek hin.

PAWTDAWKNA 14:8

Chun, Lalpa’n Aigupta lengpa Pharaoh lunggil chuh a sukkhauh sak a, Israel chate chuh a delh ta a: Israel chate chula guolzawhna lopitak tawh pawt ahiu a.

PAWTDAWKNA 9:35

Tichun, Pharaoh lunggil chuh sukkhauh in a um a, Israel chate chuh a pawtdawk sak nuom ta puoh a; Lalpa’n Mosi manga a na gen tâksa guol khan.

PAWTDAWKNA 9:12

Himahlele, Lalpa’n Pharaoh lunggil chuh a sutak a, tichun, a thuu chuh a ngaitha nuom diek ta puoh a; Lalpa’n Mosi leh Aron kawma a gen tâksa guol khan.

PAWTDAWKNA 7:13

Chun, Lalpa’n a gen sa bang khan, Pharaoh lunggil chuh sukkhauh in a um a, tichun a thugen u chuh a ngaitha nuom ta puoh a.

PAWTDAWKNA 3:20

Tichun ka khut zak ing ka ting, Aigupta te chunga thil lauh-um ka hih ding chengcheng chun gawt ing ka, zie tieng chuleh vang hun pawtsak ta’n a.

PAWTDAWKNA 10:20

Himahlele, Lalpa’n Pharaoh lunggil chuh a hihkhauh sak a, tichun, Israel chate chuh a pawtdawk sak nuom ta puoh a.

PAWTDAWKNA 7:3

Chun, Pharaoh lunggil chuh sukhauh ing ka ting, melchikna leh thilmak haw Aigupta gama ka hihsa’n le na thugen chuh ngaitha lo ding ahi.

ISAI 6:10

Chun, ka kawmah, “Zie mite lunggil hi hih thim unla a bilteu sungawng unla, a mitteu sîn sak un; khutilochun, a mit un muu untin, a bil un zau untin, a lunggil un le heu untin, hung kihei kit untin, sukdam in um kha’n au,” a ti a.

PAWTDAWKNA 14:4

Chun, Pharaoh lunggil chuh sukkhauh sak ing ka ting, tichun hun delh intin; chun, ken Pharaoh leh a sepaih haw chengcheng akipat chuh limbawlna lawh ing ka; tichun Aigupta mite’n kei hi Lalpa chuh ka hi tih he’n au,” ti’n. Tichun, zie tawbang chun ahih ta a.

1 PETER 2:8

Chun, Pathien Lehkhabu mun danga, “Pukna suong leh dalna suongpi tawh” ti a a gen guol khan. Thu chuh a taksan loh ziekun a kipalpai sek uh a; zie chuh, Pathien in amau haw dinga a phasak chuh ahi.

2 KORINTH 2:16

Beimang dingte chun, thihna gu gim I na hiu a, hukdam dingte chun, hinna gimnam I hiu hi. Zie tawbang hi ding chun kuo a ting zo ding?

ROME 1:28

Chun, a lungthim u a Pathien het a nawp loh ziekun, thil kilawmlo tak hih dinga a deihloh lam lungthim neih phalsak in, Pathien in a nungngat ta a.

SAM LEHKHABU THE PSALMS 105:25

A mite mudah dingin a lungthim uh a leh ngat sak a, A suokte chunga gukhah taka hih dingin.

1 LENGTE 22:22

Chun, Lalpa’n a kawmah, ‘Bangti’n na thêm die?’ a ti a. Amah chun, ‘Va chieh ing ka ting, a thiemgauteu mûk a khun thagau lepchieh va hi’ng ka ting,’ a ti a. Lalpa chun, ‘Va thêm in na tin, lawh le lawh ting inla; va chieh inla, khutibang chun va hih in,’” a ti a.

DAN NIHNA 2:36

Amon phai guom panga um Aroer apat leh guom sunga khuo apat Gilead chan chun khuo I lak zawh loh ding khawp u a hât leh det a um puoh kha, Lalpa I Pathien un ei piek vek tâk ziek khan.

THILSIEMBUL 6:3

Tichun Lalpa chun, “Ka thagau in mihiem chuh chenpih zing puo’n a, amau haw chuh phehlevo ahi ngâl u a; himahleh kum za leh sawmnih chuh dam in au,” a ti a.

PAWTDAWKNA 8:32

Himahleh Pharaoh chun zie chung hinle a lungthim chuh a hihkhauh kit a, tichun a mite chuh a pawtsak nuom diek puoh a.

PAWTDAWKNA 10:1

Chun, Lalpa’n Mosi kawmah, “Chieh inla, Pharaoh va kimuhpih in. A lunggil leh a suokte lunggil chuh ka sukkhauh sak ta a, zie ka thilmak hih haw hi a kawm u a ka etsak theihna dingin;

PAWTDAWKNA 10:27

Himahlele, Lalpa’n Pharaoh lunggil chuh a sukkhauh sak a, tichun, a pawt sak phal ta puoh a.

PAWTDAWKNA 11:9

Chun, Lalpa’n Mosi kawm achun, “Pharao’n na thuu zawp puo’n a: ka thilmak haw Aigupta gam ahin hihpuna a um theihna dingin,” a ti a.

PAWTDAWKNA 11:10

Chun, Mosi leh Aron chun Pharaoh masang achun zie thilmak chengcheng chuh a hih u a: chun, Lalpa’n Pharaoh lunggil chuh a sukkhauh sak a, tichun Israel chate chuh a gam apat chun a pawtdawk sak nuom puoh a.

SAM LEHKHABU THE PSALMS 78:43

Aigupta gama a tiemtehna te a kawih dân leh Zoan phaicham a a thilmak hih haw chuh.

PAWTDAWKNA 3:19

Himahleh, Aigupta lengpa chun khut hattak a a chamlo a thil kihih tello in hun pawtsak puo’n a tih ka hêi.

PAWTDAWKNA 8:11

Chun, ukeng haw chun nang leh na Inhaw leh na suokte leh na mite chuh pawtdawk san vek untin, Nile lui mai achun um ta’n au,” a ti a.

PAWTDAWKNA 8:15

Himahlele, Pharaoh chun ukeng chuh a bei tai tih a het phet chun a lungthim a sukhauh a, tichun a thuu a zawp nuom ta puoh a; Lalpa’n a gen tâksa guol khan.

PAWTDAWKNA 14:17

Chun, ngaitie, ken Aigupta mite lunggil chuh sukkhauh sak ing ka ting, tichun hun delhzui un au; chun, lengpa leh a sepaihte leh, a kangtalaite leh a sakawl chung chuong mite apat chun lopina chang ing ka.