PAWTDAWKNA 4:13 - PATHIEN LEKHABU THIENGTHO (BSI)

¹³ Himahleh Mosi chun, “Hilo e, Lalpa, mi dang sawl zaw dingin ka hun ngên hi,” a ti a.

PAWTDAWKNA 4:13 ပူးပေါင်းရင်းမြစ်များ

JONA 1:3

Himahlele, Jona chuh Lalpa masang apat chun Tarshis gama taimang dingin a kipan ta a; chun, Joppa khuo ah a chieh suk a, Tarshis zuon ding kuong a mu a, tichun, a chieh man ding chuh a pie a, Lalpa masang apat chun Tarshis zuon dingte chu tawh kitawn dingin kuong achun a lut suk ta a.

PAWTDAWKNA 4:1

Chun, Mosi chun “Ngaitie, Israel chate chun ei gingcha puou intin, ka aw le ngaitha puou intin, ‘Lalpa chuh na kawmah a kilak puoi,’ ti mai ding ahi ngâl u a,” ti’n a dâwng a.

JOHAN 6:29

Isu’n a kawm u ah, “Pathien nasep chuh ziehi ahi: a mi sawl hi gingchau in,” a ti a.

MATTHAI 13:41

Mihiem Chapa hin a vânsâwlchâkte chuh sawl dawk intin, a gam apat mipi gitloh sakte leh, hih gilo chengcheng lakhawm un tin,

JONA 1:6

Khutichun, kuong hotupa chuh a kawmah va chieh a, “Nang, ipmupa, bangti dana ipmu mai thei na hi? Tho inla, na Pathien panpihna ngenin paucham ah. Pathien chun ei uh ei khawksak in ei hinghawih kha mawh die,” a ti a.

JEREMIA 20:9

“Amah min chuh gen kha ta puo’ng ka ting, Amah min in le thu gen ta puo’ng ka,” ka ti a. Himahleh, ka guh sung ahin mei-âm kikhum bang mai in ka lunggil sung ahin a sa hut hut a, ka thip hiet hiet thei puoh a, ka kichawl thei puoh ngâl a.

JEREMIA 1:6

Chun, kei chun, “E! Lalpa Pathien, ngaitie, thu ka gen thei puoi; ka naupang taluo ngâla,” ka ti a.

VAIHAWMTE 2:1

Chun, Lalpa vânsâwlchâk Gilgal apat in Bokim ah a kilak a, Israel chate kawm achun, “Aigupta apat in ka hun puidawk a, ahun suonte kawma kipautiem a ka na piek gam akhan ka hun puilut a, na kawm u a ka thugawlh kha bawhsie hiel puo’ng ka.

PAWTDAWKNA 23:20

“Ngaitie, nang haw lampi a hun veng zel ding leh, mun ka siemna a hun puilut dingin na masang u ah vânsâwlchâk sawl ding ka hi.

THILSIEMBUL 48:16

Gitlohna chengcheng apat a ei hukdawk sek vânsâwlchâk chun, naupangte hi vangsak hen! Chun, ka min leh ei suonte Abraham leh Isak min chuh zie naupangte chung ahin um zing hen! chun, khawvel lailung ah mipi nasa tak hiding in hung pung u hen,” a ti a.

1 LENGTE 19:4

Himahleh, amah chu gamthip lam ah ni khat lam hiela gamla achun a chieh a, Juniper thing nuoi ahin a chu a; thih a ngên ta a, “Aw Lalpa, a hun tai; tuhin ka hinna hi la mai ta’n, ka pulepate sangin ka phazaw diek puoh ngâl a,” a ti a.

THILSIEMBUL 24:7

Lalpa van Pathien, ka pa In apat leh ka pienna gam apat a ei puidawkpa leh, ei hopihpa ‘Zie gam hi na suonte pie’ng ka,’ ti a ka kawma kihâksielpa chun, amah ngêi in a vânsâwlchâk chuh na ma ah sawl intin, zie apat chun ka chapa hi zi na hun neihsak ding ahi.

PAWTDAWKNA 4:12

Zieziekchun chieh mai ah, na kam chuh ken umpih zel ing ka ting, na thugen ding chuh hun hilh zel ding ka hi,” a ti a.

PAWTDAWKNA 4:14

Tichun Lalpa chuh Mosi chungah a lungna ta a, a kawmah, “Na suohpihpa Aron, Levi suon a mi chuh a um hilo ahim? Amah chun thu a gen thiem hi tih ka hêi, Ngaitie, nang hun tuok dingin a hunga, a hun muh tieng leh a lunggil kipâk mah mah in a,” a ti a.

THILSIEMBUL 41:35

Tichun amah chun kum phat kum, kum sagih sunga buh chengcheng chuh lakhawm henla, khawpi haw achun nek dingin buh sungkhawm henla, Pharaoh thunuoi a kawih hi henla, phatak in enkawl u hen.