PAWTDAWKNA 4:12 - PATHIEN LEKHABU THIENGTHO (BSI)

¹² Zieziekchun chieh mai ah, na kam chuh ken umpih zel ing ka ting, na thugen ding chuh hun hilh zel ding ka hi,” a ti a.

PAWTDAWKNA 4:12 ပူးပေါင်းရင်းမြစ်များ

JEREMIA 1:9

Tichun, Lalpa chun a khut in ei hun bana, ka kam a khawih a, chun Lalpa chun ka kawmah; “Ngaitie, na kam ah ka thu haw chuh ka kawih tai.

MARK 13:11

Chuleh, a hun mat u a, vaihawmna In a a hun puih hun u leh, bang ka gen die aw ti’n ngaihtuoh khawl kiu in, a hun taka hung kipie chuh gen zawu un. A gen ding chuh nanguh hilo in, Thagau Thiengtho hi zaw ding ahi ngâl a.

ISAI 50:4

Lalpa Pathien chun, hatlote chuh ka sukhat theihna dingin ka thugen dingte chuh ei sinsak a. Zingkal chengin ei phawng halh a, ka nakhang ahin ei suhalh seka, A sinsakna te chuh ka hethiem deuh deuh a.

EPHESI 6:19

Chun, keile, thugen dinga ka kiguot zawh phat leh, Pathien in ka thugen ding ei piek theihna dingin ei paucham pih zing un, ti a chuh hangsan taka Chanchin Pha thuguk chuh ka hetsak theihna dingin.

JOHAN 14:26

Chun, Lungmuonpa Thagau Thiengtho, Pa’n, ka min a a hun sawl ding khan, zie chun bangakai nanguh hun sinsak intin, na kawm u a ka gen chengcheng kha hun het dawk sak kit ina.

LUKE 11:1

Chun, tihi ahi a, Isu chuh khawitak mun ahim ah a paucham a. A paucham zawh phet chun, a sinsakte laka khat chun, “Lalpa, Johan in a sinsakte paucham dân a hilh guol khan, kei u le ei sinsak ta” a ti a.

ISAI 49:2

Ka kam chuh chemzâm hiem tak guolin a siem a; amah khut lim ngêi achun ei na selgu a. Thalpi chang banga hiem in, mat dingin ei na siem ta a.

SAM LEHKHABU THE PSALMS 143:10

Na deih dân hih dingin ei sinsak inla; ka Pathien na hi ngâla; Na thagau phatak chun; lamphei achun ei pui hen.

SAM LEHKHABU THE PSALMS 32:9

a hinnau chuh kaihheina thikpeh leh sahdinna khau mamawh ahiu hi, Khutilochun na kieng nai ah hung puo’n au.

PAWTDAWKNA 3:12

Chun, Lalpa Pathien chun, “Na kawma um ding ka hi a, tichun keimah hun sawl ngêi na hi tih ziehi nanga dingin melchikna hi’n a; Mipite chuh Aigupta gam apat a na hun puihdawk tak chuleh, zie tâng ngêi ahin Pathien hun ho inlau,” a ti a.

PAWTDAWKNA 4:13

Himahleh Mosi chun, “Hilo e, Lalpa, mi dang sawl zaw dingin ka hun ngên hi,” a ti a.

PAWTDAWKNA 4:15

“Khutichun amah chuh hopih in, thumawp in la; tichun, na nih u chun thugen dingin hun panpih ing ka ting, na hih ding u chuh hun hilh zel ing ka.

PAWTDAWKNA 4:16

Tichun, amah chuh mipite kawma na thu gensawn in pang intin; nang chuh amah a dingin Pathien tawbang hi’n la.

KISIMNA 16:28

Chun, Mosi’n, “Zie thil hi keimah deihtelna apat a hih ahi puoh a, zie thil haw hih ding hin Lalpa’n ei sawl a hi tih zie a hin he’n lau.

DAN NIHNA 18:18

A suohpihteu lak apat ngêi in amau dingin nang tawbang thiemgau tungdawk ing ka ting; a kam ah ka thu haw chuh kawih ing ka ting, a kawma thu ka piek cheng chuh a kawm u ah gen ina.

SAM LEHKHABU THE PSALMS 105:26

A suok Mosi tawh a mi tel Aron chuh a sawl a.