PAWTDAWKNA 39:30 - PATHIEN LEKHABU THIENGTHO (BSI)

³⁰ Chun, lukhuk thiengtho dingin; sana pêk chu sana thieng in a siem u a, a chung achun minnamna a chuong tawbang, “Lalpa DINGA THIENGTHO,” tih geikuok in a chuon sak u a.

PAWTDAWKNA 39:30 ပူးပေါင်းရင်းမြစ်များ

THUPHUON 5:10

Ka Pathien dingun khuoletui leh thiempu’n na siem ta a; Amau haw chun lei chung achun vaihawm un au,” ti’n la thak a sau a.

HEBRAI 7:26

Khutichun, Thiempu Lienpen, mi thiengtho, zumlezuol tuoh lo, nin beklo, mi gilote apat a kikawih chuom; vante haw chunglama um, I mamawhteu cheng ei hihsakpa chuh ahi.

HEBRAI 1:3

Amah chuh Pathien lopina eng leh, Pathien hihna kibatpih ngêi, a thu thilhih thei taka bangakai vawp det pa chuh ahi. Mi chengcheng dinga gitloh ngaihdamna a siem nung in, van a, Pathien Bangakai hihtheipa khut changlam akhun a va chu ta a.

TITA 2:14

Amah chuh sukkhelhna chengcheng lak apat ei hukdawk ding leh, amah a mai hi a, a mi thiengthote I hih theihna dingun leh, thilpha hih a phachuom ngai dingin I sik un a hung kipie ta a.

2 KORINTH 5:21

Amah a chuh, mi diktat I hung hih theihna dingun, gitloh himhim helo hiel pa chuh, Pathien in eimau haw ziekin, gilo in a siem ta ngâl a.

1 KORINTH 1:30

Himahlele, nang haw vang chuh, amah zalin Krista tawh pumkhat in a hun siem a, amah chuh Pathien apat ei uh a ding a chitna, diktatna, thienthona leh tatdawkna dinga siem ahi.

ZEKARIA 14:20

Zie ni chuleh, sakawl lawng-awh chunghaw achun, “Lalpa ADING A THIENGTHO,” tih thu chuong ina. Lalpa ina ûmlebel vantângte chuh, maichâm maa kuong tawbanga thiengtho hung hi’n a.

PAWTDAWKNA 26:36

“Chun, puon-In kawtkhaka zak ding patngat puonkawp haw, a dumhaw, a sanduphaw, a sandâng haw mang in puon khuih thiemtak in pin a khuih na siem ding ahi.

PAWTDAWKNA 39:29

patngatpuon kawpte, a dumte, a sandupte, a sandângte sangin puon gat thiemte bât, kâwnggak te tawh, Lalpa’n Mosi thu a piek bang khan a hih a.

PAWTDAWKNA 39:31

Zie chuh thiempu lukhuk mai lam achun khau dum in a gâk dên u a; Lalpa’n Mosi thu a piek bang khan.