PAWTDAWKNA 36:1 - PATHIEN LEKHABU THIENGTHO (BSI)

¹ “Chun, Bezalel, Oholiab leh mi themthiem, kuole Lalpa’n thu a piek bang zela mun thiengtho a nasepna tincheng sem thei dinga chitna leh hetthiemna a piekte chauh chun a sep ding uh ahi,” a ti a.

PAWTDAWKNA 36:1 ပူးပေါင်းရင်းမြစ်များ

PAWTDAWKNA 28:3

Chun, mi khutthiem haw, hihtheihna ka piekte chengcheng chuh sam inla, Aron chun thiempu nasep na chuh kei a dinga thiengtho taka a sep theihna dingin a kicheinahaw chuh siem sak u hen.

PAWTDAWKNA 39:1

Chun, Lalpa’n Mosi thu a piek guol khan, patdumte, sandupte, sandângte mang in mun thiengtho a nasepna dinga silhlechen ding hawihtak a siem u a. Aron a dingin thiempu silhlechen thiengthote le a siem u a;

PAWTDAWKNA 25:8

Chun, Munthiengtho ei siem sak u hen, a lak u a ka chên theihna dingin.

LUKE 1:6

A nih uh chun Pathien mitmuh in diktat takin a um sek uh a, bukim takin Lalpa thupiek leh a dante chuh a zawp sek ui.

MATTHAI 28:20

Chun, thu ka hun piek chengcheng hi pawm dingin hilh un. Chun, ngaitiem u; Kei, kumkhuo’n, khawvel beih tiengin le na kawm u ah um zing ing ka,” a ti a. Amen.

HEBRAI 8:2

Amah chun, Mun Thiengtho pên, mihiem sak hilo, Lalpa sak ngêi hobuk tak tak achun Thiempu Lienpen nasep chuh a sem ahi.

SAM LEHKHABU THE PSALMS 119:6

Zie tieng chuleh zahhuoi lo ding ka hi a, Na thupiek chengcheng ka khawksak tieng leh.

KISIMNA 7:9

Kohath chapa te vang chuh a pie puoi; mun thiengtho etkawl chuh a nasep uh ahi a, a zawna zawn thawh sekte ahiu hi.

PAWTDAWKNA 36:2

Chun, Mosi’n Bezalel, Oholiab leh mi themthiemte, Lalpa’n a lunggil u a chitna a piek a, zie na chuh sem ngâp dinga lunggil taka thalawpna nei taphawt chuh Mosi’n nasep pan dingin a hilh a.

1 LENGTE 7:14

Zie pa chu Naphtali nam a meithai cha ahi a, a pa chu Tura khuo a sumeng sek ahi a; amah chu sumeng sêkna lam achun pilna leh hetthiemna’n a dim a; a themthiem mah mah a. Leng Solomon kawm achun a chieh a, a na chengcheng chu a sep sak ta a.

1 KHANGTHUBU 28:21

Tichun, thiempute leh Levi te chu, Ho-In a a nasep dinguh piek a hi tau a. Nasem mi, thiem tak takte chun a hun panpih nuom mah mah u a, lawiupa leh mipite chu na thu thu a um zel ding ahiu ui,” a ti a.

PAWTDAWKNA 12:28

Tichun, Israel chate chuh a chieh u a, Lalpa’n Mosi leh Aron thu a piek bang chun a hih tau hi.

PAWTDAWKNA 31:11

Chun, thau nuh chi leh mun thiengtho a ding a gimlim lim takte hi a siem theihna dingun a mi themthiem dangte chengcheng hihtheihna chule ka piei: hih dinga thu ka hun piek dungzui a kha a hih ding uh ahi,” ti’n a gen a.

PAWTDAWKNA 38:23

Chun, thil zik thiem, khutthiem, patdumte, sandupte, sandângte patngât puonkawp bât hawih thiem Dan nam a Ahisamak chapa Oholiab chun a kithuohpih a.

1 KHANGTHUBU 2:20

Hur chapa chu Uri a hi a, Uri chapa lienpen chu Bezalel ahi.