PAWTDAWKNA 34:6 - PATHIEN LEKHABU THIENGTHO (BSI)

⁶ Lalpa chun a masang lam achun a chiehpel a, “Kei hi Lalpa, Lalpa Pathien, zahngaihna a dim, lainat thei tak, dawhhat tak, lungsietna leh thutak a dim,

PAWTDAWKNA 34:6 ပူးပေါင်းရင်းမြစ်များ

SAM LEHKHABU THE PSALMS 86:15

Himahlele, Aw Lalpa, nang chuh lainatna a dim Pathien, mi lungsiet thei, Lungnieng, chitna leh thutak a dim na hi.

JOEL 2:13

Na puon uh hilo in, na lunggil uh bawtthêk un la.” Lalpa na Pathien lam u chuh ngau in. Amah chuh mi lungsiet thei tak leh, lainatna a dim, lungnem leh lungsietna hau; thil phalo hihte gawt ding hilo in, ngaidam dinga kisazo zing ahi ngâl a.

SAM LEHKHABU THE PSALMS 145:8

Lalpa chuh mi lungsiet thei lainatna a dim; Lungnem, zahngaihna nasa tak nei ahi.

NEHEMIA 9:17

A zui nuom puou a, a chung u a na thilmak hih haw le a he nuom diek ta puou hi. A lunggil uh sukhauh in a kiphin u a; suok a a tânnau a vaikit dingin lawiupa a kisiem tau hi. Himahleh, nang chuh ngaidam dinga kisazo zing Pathien, mi lainat thei leh lungsiet na a dim, lungchuol tak leh nunnem na a dim, amau haw hengilh lo na hi.

JONA 4:2

Lalpa kawmah a paucham a, “Aw Lalpa, ziehi ka gam u a ka um laia ka gen kha hilo ahim? Zieziek ahih Tarshis lama taimang zieng ka hi kha! Nang hi mi lungsiet thiem leh hehpih thiem Pathien, lungna vak lo; dettaka lungsietna nei zing Pathien, thil phalo apat kisik kit thei Pathien leh mi gawt zieng lo na hi tih ka he a.

SAM LEHKHABU THE PSALMS 86:5

Aw Lalpa nang chuh na pha a, na ngaidam seka, A hun sam tapoh chungah zahngaihna na hau ngâla:

2 KHANGTHUBU 30:9

Lalpa lam na hung ngat kit u chun; na suohpihteu leh na chateu sala mante chun lungsiet untin, zie gam ahin hungkit sak ding ahiu hi: Lalpa na Pathien u chu mi lungsiet thei tak leh zahngai thei tak ahi ngâl a, amah lam na ngat phawt u chun hun na lungsiet ngêi ngêi ina” ti’n a va chiel u a.

MIKA 7:18

Aw Lalpa, nang tawbang Pathien, a goluoh ding a mite, a suokcha sunte gitlohna ngaidam leh a sukkhelhnau subei dang a um puoi. A lungnat na chu kumlekhuo’n a vawp zing puoh a, zahngaihna chuh a kipahpih lam tak ahih ziekin.

DAN NIHNA 5:10

Himahleh, ei hehpih a ka thupiek haw pawmte sang tamtak te chunga lungsietna latsak sek ka hi hi.

SAM LEHKHABU THE PSALMS 138:2

Na Ho-In thiengtho lam nga’n hun ho ing ka ting, Na zaidawhna leh na thutak ziek in na min pakcha’ng ka: Na thu chuh na min dungzui zelin na chawisâng ta ngâl a.

SAM LEHKHABU THE PSALMS 116:5

Lalpa chuh mi lungsiet thei tak leh diktat tak ahi a; Ahi, I Pathien u chuh zahngai thei tak ahi.

SAM LEHKHABU THE PSALMS 108:4

Na zahngaihna chuh van khûp hiel in a nasa ngâl a, Na thutak chun vandum haw khu a supha hiel hi.

ROME 2:4

A hihloh leh Pathien phatna’n lungheina dingin a hun pui sek hi tih helo in, a phatna hauh zie leh, a mi khuotuoh zie leh, a dawhtheih zie haw chuh na ngaidau ahi maw?

SAM LEHKHABU THE PSALMS 111:4

Amah chun a thilmak hih haw chuh a hezing sek a: Lalpa chuh mi lungsiet thei tak lainatna a dim ahi.

SAM LEHKHABU THE PSALMS 112:4

Mi diktat ding chun thim achun vak a hung pawt sek a: Lalpa chuh mi lungsiet thei tak, lainatna a dim leh diktat tak ahi.

SAM LEHKHABU THE PSALMS 57:10

Na zaidawhna chuh van suhiel in a nasa ngâla; Na ginumna chuh van dum sukha hiel in a nasa a.

PAWTDAWKNA 22:27

Zie chuh kituomna dinga a neihsun ahi a, a sapum tuom lumna dinga a puon ahi ngâl a; bang silh in ahim a ihmut ding? Chun, hiti hi hung hi’n tin, ei hun sap chun a na za ngêi ing ka ting; kei chuh mi lungsiet thiem tak ka hi ngâl a.

MIKA 7:20

Malaia ka pileputeu kawma na tiem guol khan Jakob kawm achun na ginumna sulang in na tin, Abraham kawm achun na zahngaihna sulang ding na hi ngâla.

SUNNA LA 3:23

Zing tin in a thak zel ui, na ginum zie chu a lopi hi.

JOHAN 1:17

Dan thu chuh Mosi’n a pie a, himahleh, lungsietna leh thutak, Isu Krista vangin a hung um hi.

SAM LEHKHABU THE PSALMS 91:4

A tha’n hun khuh intin, A thanuoi achun bitna mu’n na tin; A thutak chuh phaw neu leh phaw lien ahi.

SAM LEHKHABU THE PSALMS 31:19

Aw, na phatna chuh a nasa na maizen e, nangmah a ginna ngate dinga na hih sak chu!

ISAI 12:4

Zie ni chuleh, mipite chun la sau untin, “Lalpa kawmah kipahthu gen un la! amin lo un la, a thilhih haw chuh mitin hetsak un la; amin chuh chawihsân in a um hi tih gen un.

SAM LEHKHABU THE PSALMS 111:8

Ziehaw chuh kumlekhuo a ding in hihdet in a um a, Thutak leh diktaka hih dingin.

1 LENGTE 19:11

Chun, Lalpa chun, “Va pawt inla, tânga khun Lalpa masangah va dingin,” a ti a. Ngaitie, Lalpa a hung a, huihpi nasa takin a tângte chu a hun mût khi a, Lalpa masang achun suongpite chu a phel lem lum a; himahlele huih achun Lalpa chu a um puoi: chun, huih nun zawh chun lei a hung lîng a; himahlele leilîng achun Lalpa a um diek puoi:

SAM LEHKHABU THE PSALMS 146:6

Amah chuh lei leh van leh, Tuisuohgiet haw leh a sunga um chengcheng siempa ahi; Amah chun thutak kumlekhuo dingin a vawppha sek hi.

JAKOB 5:11

Ngaitiem u, a thuok tum sek ziekun, kipâk, I ti sek uh ahi. Job thuokhat zie chuh na zau a, Lalpa’n a tawpa a hih dân khale na muu a, Lalpa chuh lungsietna a dim leh, zahngaihna a dim ahi ngâl a.

PAWTDAWKNA 20:5

amau haw masanga chuh na kûn ding ahi puoh a, a nau le na sep ding ahi puoi: kei Lalpa na Pathien uh hi Pathien thikthusie, pate gitlohna zieka chate gawt sek, ei hawte chuh suon thumna leh suon lina chana gawt sek leh,

PAWTDAWKNA 33:19

Chun, Lalpa chun, “Ka lopina chengcheng chuh na masangah latsak ing ka ting, ka min thiengtho chuh na masangah phuong zel ing ka; tichun ka lungsiet tak chuh lungsiet zel ing ka ting, zah ka ngaihna taphawt achun zahngai ing ka,” a ti a.

DAN NIHNA 4:31

Lalpa na Pathien u chuh zahngai thei Pathien ahi ngâla; hun thahtham puo’n tin, hun sumangthai puo’n tin, na pileputeu kawma kihâksiela a thuthun chuh hengilh hiel puo’n a.

DAN NIHNA 32:3

Lalpa min phuong ding ka hi, Lopina I Pathien uh pieu in.

1 LENGTE 8:30

Chun, na suok leh na mi Israel te hin zie mun lam hi ngaa a paucham tieng u leh a ngetna hawu a na ngaihthak sak sek in; na umna mun van apat in a na ngaitha’n la, ngaidam in.

THUGENPA 8:11

Thil phalo hihte chunga thutanna kintaka bawl ahih sek loh ziekin, mihing lungthim chuh thil phalo hih nawpna’n a dim hi.

ISAI 65:16

Kuole, gamsung a vangsakna ngên taphawt chun, Pathien ginum tak vangsakna chuh ngên ta’n au. Kuole, thutiemna nei taphawt chun, Pathien ginum tak min chun kipautiem untin; tuma a lungkhamna haw kha hetngilh a a um tâk ziek leh ka mitmuh apat a sel ahih tâk ziekin.”

JEREMIA 9:24

A suong ta chengin zie hi suong hen, ‘Kei Lalpa hi,’ Hehpihnate, vaihawm diknate, diktatna te lei chunga mang sek ka hi tih ei het u a, a hetthiem nau chuh ka kipahpih lam ahi ngâla tih hi Lalpa kamsuok ahi.”

JEREMIA 32:18

Sang tamtak te kawma lungsietna vuk sek pa leh pate gitlohna chate chunga din thuk sek Pathien lopi leh thilhih thei A min Sepaihte Lalpa chuh:

NAHUM 1:3

Lalpa chuh lungna vak zieng lo, himahleh, thilhih theihna nasa tak nei ahi; gitlohna chuh bangti zawng in le gawt loh in kawih puo’n a. A lampi chuh chinpei leh huihpite achun a um a; meipite khuh a kêngpêk a leivui ahi!

THILSIEMBUL 24:27

“Ka pu chunga a lungsietna leh a thutakna hai lo a latsak, Lalpa, ka pu Abraham Pathien chuh, pahchak in um hen: kei hile Lalpa chun ka pu inkawte In lam ahin ei na pui ahi hi,” a ti a.

KISIMNA 12:8

Zieziekchun a kawm ahin kimaichangtuoh in thu ka gena, chientak leh het haksa um lo in, Ka lim nasan le a mu ahi! bang zieka ka suok Mosi hi gen sie ngam na hiu em?” a ti a.

2 SAMUEL 24:14

Chun, David chun Gad kawmah, “Dinmun tizat-um tak mah ah ka ding a, ka lung a zing mah mah zieng a; Lalpa khut ah puklut phawt mai leng; a zahngaihna chu a nasa mah mah mai ngâla. Mihing khut achun vang ei puklut sak dah tei tei in,” a ti a.

THUCHINGTE 3:3

Lungsietna leh thudik chun hun nungsawn kihen la, na ngâwng ah zem zingin. Na lungthim pêk chung achun zikin.