PAWTDAWKNA 34:4 - PATHIEN LEKHABU THIENGTHO (BSI)

⁴ Khutichun Mosi chun suongpek nih, a masa tawbang khan a sêk a, zingkal matak in a tho a, Lalpa’n thu a piek bangin Sinai tâng achun a va kalto a, a khut in suongpek nih chuh a chawi a.

PAWTDAWKNA 34:4 ပူးပေါင်းရင်းမြစ်များ

PAWTDAWKNA 34:1

Lalpa’n Mosi kawmah, “Suongpek nih a masa tawbang khan sêk kit in: chun, suongpek achun a masa a na seh phel suongpek a thu kizik mah khah zik kit ing ka.

DAN NIHNA 10:3

“Khutichun, sittim thing a bawm dingin ka siem a, a ma a haw tawbang in suongpek nih ka seka, zie suongpekte nih chuh chawiin tâng achun ka chieh to ta a.

PAWTDAWKNA 19:3

Chun, Mosi chuh tâng achun Pathien hopih dingin a va chieh to a, tichun Lalpa chun tâng apat chun a na hopih a, a kawmah, “Israel chate, Jakob suonte kawm achun thu gen in la, Israel suonte chuh hilh in.

PAWTDAWKNA 19:20

Tichun Lalpa chuh Sinai tâng, tângsip achun a hungsuk a; chun, Lalpa chun Mosi chuh tângsip achun a sam to a; tichun Mosi chuh a va chieh to a.

PAWTDAWKNA 32:16

Chun, suongpek haw chuh Pathien khutsuok ahi a, a chunga kizik chule Pathien zik ngêi, suongpek haw chunga geikuok a kizik ahi.

DAN NIHNA 10:1

“Zielai chun Lalpa’n ka kawmah, ‘Suongpek nih tuma a tawbang kha sêk kit inla, tâng achun ka kawmah hung to inla, a bawm dingin thing siem in.