PAWTDAWKNA 34:18 - PATHIEN LEKHABU THIENGTHO (BSI)

¹⁸ “Chângthâk chawl sawhloh kut na neih ding uh ahi. Thu ka hun piek tâksa bang khan, ni sagih sung chuh, chângthâk chawl sawhloh, Abib tha a hun guot a chuh na nek ding uh ahi; zie tha khan Aigupta gam apat a hung pawt na hi ngâl u a.

PAWTDAWKNA 34:18 ပူးပေါင်းရင်းမြစ်များ

THIEMPUDANTE 23:6

Chun, zie tha mah ni sawmlenga ni chuh Lalpa dinga Chângthâk chawl sawhloh Kut ahi a; ni sagih sung chawl sawh loh chângthâk na nek dinguh ahi.

PAWTDAWKNA 13:4

Abib tha, a tha khatna, tuni hin Aigupta gam apat na hung pawt u a.

NASEPTE 12:3

Zie chun, Judate a sukipak hi tih a het in, Peter chule mat a guo kit zel a. (Zie chuh, Chângthâk Chawl sawhloh Kut hun lai ahi.)

LUKE 22:1

Chun, chângthâk chawl sawhloh Kut, Chiehkân Kut a tih u chuh a nai ta a.

MARK 14:1

Chun, ni nih zawh chuh, Chiehkân Kut leh Chângthâk Chawl sawhloh Kut hi ding a hi a; thiempu liente leh dân sinsaktute chun, Isu lepbawl a, a thah theihna dinguh a gûkin a hawl tau a.

PAWTDAWKNA 23:15

Thu ka hun piek bangin, Aigupta gam na nutsieh kum uh, Abib tha chun chângthâk chawl sawhloh kut ni sagih na mat ding uh ahi. Zie kut sung ni sagih chuh chângthâk chawl tel himhim na nêk loh dinguh ahi. Tichun, ka ma ah kuomah khutngawn a na hung kilat loh dinguh ahi.

PAWTDAWKNA 12:2

“Tu tha hi nang uh dingin kum khat sunga tha sim patna hi’n a.

PAWTDAWKNA 12:42

Zie zan chuh Lalpa’n Aigupta gam apat a amau haw a puihdawk zan ahi a, a nit thiengtho dinguh ahi a; Israel chate chun akhang akhang a zah taka a nit toh zing dinguh ahi.

KISIMNA 28:16

Chun, Tha khatna ni sawmleli ni chun, Lalpa limbawlna dingin Chiehkân Kut guolvakna na neih dinguh ahi.

KISIMNA 28:17

Zie tha ni sawmlenga ni chun guolvakna chuh kipan intin, ni sagih sung hiding ahi; zie hun sung chun chângthâk chawl sawhloh nek ding ahi.

PAWTDAWKNA 13:3

Chun, Mosi’n mipite kawm achun, “Aigupta te suok apat a na pawt niu tuni hi hezing un; zie ni hin Lalpa’n a thilhih theihna’n nang uh a hun puidawk a: chângthâk chawl kisawh himhim chuh na nek loh dinguh ahi.

PAWTDAWKNA 23:14

“Kum khatin thumvei kei nei limbawlna dingun kut na neih ding uh ahi.