PAWTDAWKNA 34:10 - PATHIEN LEKHABU THIENGTHO (BSI)

¹⁰ Chun, Lalpa’n Mosi kawmah, “Ngaitie, thu ka thun hi, khawvel chengcheng leh kuoma’n le a hih khâkloh, na mite chengcheng mitmuh hin thilmak hih ding ka hi: tichun na kimvel u a um chengcheng hin Lalpa thilhih chuh mu’n au, na chunga ka thilhih ding hi huoisietak ahi ngâl a.

PAWTDAWKNA 34:10 ပူးပေါင်းရင်းမြစ်များ

DAN NIHNA 10:21

Amah chuh na pahchak dinguh ahi a, na mit ngêi u a na muh uh thil thupi tak leh lauh-um tak haw nang u dinga hih na Pathien uh ahi.

SAM LEHKHABU THE PSALMS 77:14

Nang chuh thilmak haw hih sek Pathien na hi a; Mi cheng lak achun na hat zie na etsak sek a.

ISAI 64:3

Ka kinep loh hiel uh thil huoisie na hih lai khan na hung kum a, tâng te’n ahun muu a, na masangah a kithing u kha!

SAM LEHKHABU THE PSALMS 66:5

Hung un la, Pathien thilhih haw hi en tiem u; Mihiem chate chunga a thilhih hi a lauh um ahi.

JEREMIA 32:21

Na mi Israel te Aigupta gama pata melchiknate. thilmakte, khut hat leh ban zaka thil huoisie nasa taka puidawk pa.

2 SAMUEL 7:23

Aigupta gam apat leh namtin leh a pathienteu lak apat nang ding a na teldawk, na mite masanga nang dinga thil lopi tak leh na gama dinga thil lauh-um tak hih ding leh, amah min lopi tak siem dinga Pathien in amah,” mite dinga a hun teldawk, na mi Israel te bang hi khawvel ahin nam dang kuo a um?

SAM LEHKHABU THE PSALMS 78:12

A suonteu mitmuh in thilmak mak a hih sek a, Aigupta gama, Zoan phaicham achun.

SAM LEHKHABU THE PSALMS 66:3

Pathien kawmah “Na thilhih haw chu a huoisie na maizen e! Na thilhih theihna nasat ziekin nangmah hun dote chun na kawmah nuoilut chuh un au.

DAN NIHNA 32:30

Bangti’n e mi khatin sang khat a delh a, Mi nih in sing a taihsiet sak dinguh, A Suongpiu in a nutsieh a, Lalpa’n a piekdawk ahih loh ngâl chun?

JOSHUA 6:20

Khutichun, mipite chuh a kiko u a, thiempute chun pengkun chuh a mût u a, mipite chun zie chuh a zak phet un ngeih tak in a kiko zuoh zuoh u a, chun kulh bâng chuh a chim ta a. Tichun mipite chuh amau mazawn chiet achun a chieh to u a, khawpi achun a lut u a, khawpi chuh a la tau a.

PAWTDAWKNA 34:27

Chun, Lalpa’n Mosi kawmah, “Zie thu haw hi zikin: zie bang thu haw hin ahi nang leh Israel te kawma thu ka gawlh chuh,” a ti a.

SAM LEHKHABU THE PSALMS 145:6

Mite’n na thilhih huoisie takte chu gen untin uh; Ken le na lopina hetsak ing ka.

SAM LEHKHABU THE PSALMS 106:22

Ham gama thilmak a hih te, Tuipi San panga thil huoisie takte hihpa chuh.

SAM LEHKHABU THE PSALMS 76:12

Amah chun lengte hinna chu sattha’n tin; Amah chuh lei a lengte dinga lauh na pie pa chuh ahi.

SAM LEHKHABU THE PSALMS 65:5

Aw ei hukdampa Pathien, Thil tizat um te’n kitûp takin ei dâwng un na tin; Nang kâwlmawng a mi cheng cheng leh, Tuipi chunga gamla taka umte kineppih na hi.

SAM LEHKHABU THE PSALMS 147:20

Amah chun kuo nam chung ale khutichun a hih kha puoi: A vaihawm haw chulah a he chuom puou hi. Lalpa chuh pakchau in.

DAN NIHNA 4:13

A thuthun na zuih ding u a thu a hun piek, Thu sawm piek chuh na kawm u ah a phuong a, suongpek nih ah a zika.

SAM LEHKHABU THE PSALMS 68:35

Aw Pathien, na mun thiengtho haw apat in na lauh um hi; Amah Israel Pathien ngêi chun a mite kawmah hatna leh thilhih theihna a pie sek hi. Pathien chuh pahchak in um hen.

PAWTDAWKNA 34:28

Mosi chuh zie tak achun Lalpa kawmah ni sawmli leh zan sawmli a um a; an himhim a ne puoh a, tui le a dâwn diek puoi, Suongpek haw achun thugawlhna thu, Thu Sawm Piek te chuh a zik ta a.

DAN NIHNA 9:19

Nang haw hun sumangthai nuom khawpa Lalpa lungnatna leh hachangthakna leh lungkim lohna nasatak chuh ka lau ngâla. Ahih ziekin, zie chung chun le Lalpa’n ka thu ei ngaihthak saka.

SAM LEHKHABU THE PSALMS 72:18

Lalpa Pathien, Israel Pathien chuh pahchak in um hen. Thilmak haw hih chu Amah maicha hi ahi.

SAM LEHKHABU THE PSALMS 136:4

Amah mai a thilmak lopi tak hih sek pa kawm achun: A zahngaihna chuh kumlekhuo a um ding ahi ngâl a.

MIKA 7:15

Aw Lalpa, Aigupta gam apat a nei puih dawk laia, thilmak na hih bang khan, tuhin le ka kawm u ah hih in.