PAWTDAWKNA 33:9 - PATHIEN LEKHABU THIENGTHO (BSI)

⁹ Chun, hiti hi ahi a, Mosi chuh puon-In a a lut tieng leh, meipi ding lai chuh a hung kitawl suk a, puon-In kawtkhak achun a hung ding sek a: chun, Lalpa’n meipi apat chun Mosi chuh a hun hopih sek a.

PAWTDAWKNA 33:9 ပူးပေါင်းရင်းမြစ်များ

SAM LEHKHABU THE PSALMS 99:7

Amau kawm a chun meipi’n thu a gen a! A thuhetsak te leh a thuguot amau kawma a piek chuh a zui u a.

PAWTDAWKNA 31:18

Tichun Sinai tânga Mosi a hopih zawh chun thuthunna Suongpek nih, Pathien khutzung a zik suongpekte chuh Mosi a pie ta a.

EZEKIEL 3:22

Chun, Lalpa khut chuh ka chungah a um a, ka kawmah, “Kipan inla, phaicham ah chieh inla, zie tak achun hun hopih ing ka” a ti a. Khutichun, ka kipana, phaicham achun ka chieh ta a.

KISIMNA 11:17

Tichun hung suk ing ka ting, zie tak achun hun hopih ing ka: chun, thagau ka hun piek chuh amau haw le pie’ng ka, khutichun hun panpih untin, nangmah chauh a puo lo in, mipite puokgik chuh hun puokpih un au.

PAWTDAWKNA 34:9

“Tuhin na mit ka tun chun, aw Lalpa, ka kawm u ah hung in. Zie mite hi nam genhak tak ahi ngâl u a; tichun ka manlohnau leh ka gitlohnau ngaidam in la, na go chan dingin ei nei in.” a ti a.

PAWTDAWKNA 34:3

Na kawmah kuomah hung to kiu henla, tâng mawngmawng achun kuomah hung kilang kiu hen; belam hawn haw leh bâwng hawnhaw le tâng pang achun ta hiel kiu hen,” a ti a.

PAWTDAWKNA 33:11

Tichun, Lalpa’n Mosi chuh kimaituoh in, mihing in a guolpa a hopih bang mai in a hopih seka. Mosi chuh giehmun lam achun a hung vaikit sek a: amah panpih Nun chapa tangval Joshua chun puon-In chuh a nusieh puoi.

PAWTDAWKNA 25:22

Zie tak achun na kawmah hung ing ka ting, chun thu hetsakna bawm chung a cherub nih kikal, zahngaihna chutphah chunglam apat chun Israel chate kawma thu ka piek ding taphawt chuh zie apat chun hun hopih sek ing ka.

THILSIEMBUL 18:33

Tichun, Lalpa chuh Abraham tawh a kiho zawh u chun a chieh ta a, Abraham chuh amah umna mun lam ah a vaikit tai.

THILSIEMBUL 17:22

Tichun, a kawma thu a gen zawhin Pathien chun Abraham chuh a chieh toh san ta a.

PAWTDAWKNA 33:8

Mosi chuh puon-In a lut dinga a pawt tieng leh, mipi chengcheng chuh puon-In kawtkhak achun a ding chiet u a, Mosi puon-In a a lut chanin a enzing sek ui.

PAWTDAWKNA 33:10

Tichun, meipi chuh puon-In kawtkhaka ding a muh tieng u leh mipite chuh a ding u a, amau puon-In kawtkhak apat chun a bawk chiet sek u a.

PAWTDAWKNA 34:5

Chun, Lalpa chuh meipi achun a hungsuk a, a kawmah a ding a, Lalpa min chuh a sam ta a.

DAN NIHNA 31:14

Zie zawh chun Lalpa’n Mosi kawmah, “Ngaitie, na thihna ding hun chuh a nai ta a; Joshua chuh sam inla Kihona Puon-In a chun va um un, ti a chuh, thu ka piek theih na dingin,” a ti a. Khutichun, Mosi leh Joshua chuh a chieh u a, Kihona Puon-In a chun a va um tau a.

DAN NIHNA 31:15

Chun, Lalpa chuh Puon-In kawt chunga chun mei khuom in a hung kilak a; chun, mei khuom chuh kikhawpna Puon-In kawt chung achun a dinga.

KISIMNA 7:89

Khutichun kihona puon-In a Lalpa hopih dinga Mosi a lut tieng leh, Thuthun bawm chunga zahngaihna chutphah chunglama Cherub te nih kikal apat chun amah hun hopih in aw chuh a za a, a hopih ta a.