PAWTDAWKNA 33:3 - PATHIEN LEKHABU THIENGTHO (BSI)

³ Bâwngnawi leh khuoizu luonna gam achun chieh to un; kei vang na lak u ah hung to lo ding ka hi, a ziek chuh nam lochal tak na hiu a, lamkal ah hun sumangthai vek kha’ng ka,” a ti a.

PAWTDAWKNA 33:3 ပူးပေါင်းရင်းမြစ်များ

PAWTDAWKNA 3:8

Tichun, Aigupta pata hukdawk ding leh, zie gam apat a chuh puidawk a, Kanaan mite, Hit mite, Amor mite, Periz mite, Hiv mite, Jebus mite umna gam phatak leh lientak, bâwngnawi leh khuoizu a luong gama chuh puilut dinga hungsuk ka hi tai, a ti a.

NASEPTE 7:51

“Mi genhak, lunggil leh bil tan lohte haw! kumkhuo’n Thagau Thiengtho chuh na dodal zing u a; nanguh hun suonte hih guol zel khan na hih sek uh ahi.

JEREMIA 11:5

Khuoizu leh bâwngnawi a luong gam, nanguh hun suonte kawma kipautiem a piek ka tiem kha ka sukpitit theih na dingin, tuni guol hin,” a ti a. Chun, kei chun, “Hi hen, Aw Lalpa,” ti’n ka dâwng a.

JOSHUA 5:6

Lalpa aw a ngaihthak nawp loh ziek u a mipi haw chengcheng, Aigupta gam apat hung pawt galdo mite na tieng a hih mangthai a a um suok tiengun Israel chate chuh gamthip ah kum sawmli zet a vak a vak u a: Lalpa’n a suonteu haw kawm a bâwngnawi leh khuoizu a luonna gam kipautiem a ei piek uh a na tiem kha, zie gam chuh mu lo dingin Lalpa’n a kawm u ah a kipautiem ahi.

KISIMNA 16:45

“Zie mipite lak apat hin kikiengkawih un, amau chuh mitphetlohkal a ka hun sukmangthai theihna dingin,” ti’n. Chun, amau chuh tuol a chun a bawkkhup u a,

KISIMNA 16:21

“Zie mipite kawm apat hin kikhinkâng un, a mau haw hi mitphetlohkal a ka sukmang theih na dingin,” a ti a.

JONA 3:10

Tichun, Pathien in a thilhih teu chuh a mu a, a lampi phaloteu chuh a haihsan ui tih a mu a. Khutichun, Pathien chun a lungthim ngaihtuohna chuh a sang ta a, hih tei ding ka hi ti a a gen guol khan a gawt ta puoi.

JONA 3:4

Jona chuh khawpi sung achun a chieh phawt a, ni khat a chieh nung chun thu a vak gen a, “Tu apat a ni sawmli sungin, Ninevi hi sukmangthai a um ding ahi,” ti’n a kiko a.

SAM LEHKHABU THE PSALMS 78:8

A suonteu banga, Suon genhak leh kiphin hât; Suon lunggil detlo, Pathien kawma lunggil muon umlo pu a a um loh na dingun.

1 SAMUEL 2:30

Zieziekchun, Lalpa Israel te Pathien chun, “Ken na inkawte leh na pa inkawte chu kumkhuo’n ka masang ah um inlau ka na ti ngut a,” a ti a; himahlele, tuhin Lalpa chun, “Um hiel puo’n lau; ei limbawlte chu limbawl ing ka ting ei musitte chu ka ngaihnepte hiding ahi ngâl u a.

KISIMNA 16:13

thalek a ei sulum dinga Aigupta gam bâwngnawi leh khuoizu luonna gam apat nei puihdawk u hile hun salo na him? Ka chung u ah na kiletsak na laiset a.

KISIMNA 14:12

Hipi’n gawt ing ka ting, sumang ing ka ting, nang hi amau haw sanga nam lien zaw leh thupi zaw a hun siem ding ka hi,” a ti a.

KISIMNA 14:8

I chung u a Lalpa a kipah chun zie gam achun ei pui intin, bâwngnawi leh khuoizu a luong gam chuh ei pie ngêi ina,

KISIMNA 13:27

A kawm u ah, “Nei sawlnau gam achun ka va chieh u a, bâwngnawi leh khuoizu a luong gam ahi a; a gam gah haw le ka hun puou hi.

THIEMPUDANTE 20:24

Himahleh, nang haw kawm achun ‘A gam uh luoh sak ding na hiu a, na goluoh ding u a hun pie ding ka hi, zie gam chuh bâwngnawi leh khuoizu a luong ahi, kei Lalpa na Pathien uh, nam dang te apat hun kawihchuom pa chuh ka hi’ ti’n ka na gen tai, a ti a.

PAWTDAWKNA 34:9

“Tuhin na mit ka tun chun, aw Lalpa, ka kawm u ah hung in. Zie mite hi nam genhak tak ahi ngâl u a; tichun ka manlohnau leh ka gitlohnau ngaidam in la, na go chan dingin ei nei in.” a ti a.

PAWTDAWKNA 32:14

Tichun Lalpa’n a mite chungah thil phalo ahih guot chuh a kinungzuk ta a.

PAWTDAWKNA 23:21

Amah zai ngak unla, a thugen chuh zawp un; a chungah kiphin kiu in: zie a helte chuh hun ngaidam nuom lo ding ahi ngâl a; amah achun ka min a um ngâla.

PAWTDAWKNA 13:5

Lalpa’n Kanaan te, Hit te, Amor te, Hiv te, Jebus te gam, khuoizu leh bâwngnawi a luonna gam, nang uh hun suonte kipautiema piek a tiemna gam achun a hun puihtung tieng leh, kum chengin zie tha hih na nit zel ding uh ahi.

PAWTDAWKNA 3:17

Aigupta gama sukgimtheihna lak apat chun hun puidawk ing ka ting, Kanaan mite, Hit mite, Amor mite, Periz mite, Hiv mite, Jebus mite gam, bâwngnawi leh khuoizu a luong gam achun hun puilut ing ka,” tih ka tiem ta ngâl a.

PAWTDAWKNA 33:5

Chun, Lalpa’n Mosi kawmah, “Nam genhak tak na hiu hi: chawmchah na lak u ah hung tel lengle hun sumangthai mai ding ka hi. Khutichun na kivannau khah kawihthau inla, tichun nang uh ka hun ngaihtuoh ding dân hethei ing ka, a tii, hun ti’n,” a ti a.

2 LENGTE 17:14

Khutisa chun le a zawp nuom puou a, a pileputeu, Lalpa a Pathien uh gingcha lo a, genhakte bangin a genhak u a.

EZEKIEL 20:6

Zie ni khan amau chuh Aigupta gam apat a puidawk a, amau dinga ka gam huol, nawitui leh khuoizu a luong gam, gam chengcheng laka gam hawihpen a chuh puilut dingin a kawm u ah kihâksielna’n ka khut ka zaka.

DAN NIHNA 4:24

Lalpa na Pathien u chuh mi katum nuom mei, thikthusie Pathien ahi ngâla.

ISAI 48:4

Mi genhak na hiu a, na ngâwng u chuh kahpathik banga khauh leh na chalpâng u chuh sumeng banga tâk ahi tih ka het ziekin.