PAWTDAWKNA 33:16 - PATHIEN LEKHABU THIENGTHO (BSI)

¹⁶ Kei leh na mite hi na mittung in ka um ui tih bangti’n ahim hetna a um theih tâk ding? Lei chunga mihing chengcheng te leh na mite kihetkhen theihna chuh, nang ka kawm u a na um sek hi hilo ding ahim?” a ti a.

PAWTDAWKNA 33:16 ပူးပေါင်းရင်းမြစ်များ

DAN NIHNA 4:7

“I sap cheng u a Lalpa I Pathien un ei naih zieng guola amau naih zieng sek Pathien nei nam thupi dang kuo a um?

KISIMNA 14:14

Zie gama chêngte hi hilh ding ahiu hi. Zie mipite hin, Lalpa chuh ka kawm u ah na um a, ka chung u a meipi a na um chuh a muu a, sun a meipi leh zan a meikuong a ka masang u a na chieh sek dante a mu vek ngâl u a.

1 LENGTE 8:53

Aw Pathien, ka pulepateu, Aigupta gam apat a na puihdawk laia na suok Mosi manga na gen bangin, na goluoh dingin khawvel namtin lak apat na kawihchuom ahi ngâl a,” a ti a.

MATTHAI 1:23

“Ngaitie, nungak thiengtho chuh gai intin, chapa hing intin, a min dingin Immanuel sa’n au,” ti a a gen kha. (Zie chuh “I kawmah Pathien a um” tihna ahi.)

PAWTDAWKNA 34:10

Chun, Lalpa’n Mosi kawmah, “Ngaitie, thu ka thun hi, khawvel chengcheng leh kuoma’n le a hih khâkloh, na mite chengcheng mitmuh hin thilmak hih ding ka hi: tichun na kimvel u a um chengcheng hin Lalpa thilhih chuh mu’n au, na chunga ka thilhih ding hi huoisietak ahi ngâl a.

2 KORINTH 6:17

Zieziekchun, “A lak uh apat hung pawt unla. A chuom in um un. Thil buok himhim le tham kiu.” Lalpa’n a tii. khutichun, “Nanguh hun lawp ing ka ting,

2 SAMUEL 7:23

Aigupta gam apat leh namtin leh a pathienteu lak apat nang ding a na teldawk, na mite masanga nang dinga thil lopi tak leh na gama dinga thil lauh-um tak hih ding leh, amah min lopi tak siem dinga Pathien in amah,” mite dinga a hun teldawk, na mi Israel te bang hi khawvel ahin nam dang kuo a um?

PAWTDAWKNA 8:22

Chun, zie ni chuleh ka mite umna Gosen gam chuh khenchuom ing ka ting, zie chun tho himhim um puo’n a; tichun, lei chung ahin kei hi Lalpa chuh ka hi tih hun hethei in lau.

SAM LEHKHABU THE PSALMS 147:20

Amah chun kuo nam chung ale khutichun a hih kha puoi: A vaihawm haw chulah a he chuom puou hi. Lalpa chuh pakchau in.

DAN NIHNA 4:34

Ahihloh leh, Lalpa na Pathien un Aigupta gama na mitmuh ngêi u a a hih guola patepnate, thilmakte manga nam dang lak apat amah dinga nam khat puihdawk guo pathien a um kha mawng mawng em?

KISIMNA 23:9

Suongpi chungnung pên apat chun amau chuh ka mu theia, tâng apat chun a mau chuh ka mu thei ngâl a. Nam khat a mau chauh a um ahiu a, namdangte chunga vangsak na chang ahiu ui tih a kihe ngâl u a.

THIEMPUDANTE 20:24

Himahleh, nang haw kawm achun ‘A gam uh luoh sak ding na hiu a, na goluoh ding u a hun pie ding ka hi, zie gam chuh bâwngnawi leh khuoizu a luong ahi, kei Lalpa na Pathien uh, nam dang te apat hun kawihchuom pa chuh ka hi’ ti’n ka na gen tai, a ti a.

THIEMPUDANTE 20:26

Keia dinga mi thiengtho na hih dinguh ahi; kei Lalpa hi ka thiengtho ngâla, keia na hih na ding u a nam dangte lak apat a ka hun teldawk na hi ngâl u a.

PAWTDAWKNA 34:9

“Tuhin na mit ka tun chun, aw Lalpa, ka kawm u ah hung in. Zie mite hi nam genhak tak ahi ngâl u a; tichun ka manlohnau leh ka gitlohnau ngaidam in la, na go chan dingin ei nei in.” a ti a.