PAWTDAWKNA 33:12 - PATHIEN LEKHABU THIENGTHO (BSI)

¹² Mosi’n Lalpa kawm achun, “Ngaitie, nang ka kawmah, zie mite hi vak puito in, na tih ahi a: kuo a ka kawma na hun sawl ding lah nei hilh puoh ngâl a. Nang chun la, Na min in ka hun hechien a, ka mittung in na um hi tih le ka he a puo, na ti a.

PAWTDAWKNA 33:12 ပူးပေါင်းရင်းမြစ်များ

PAWTDAWKNA 33:17

Lalpa’n Mosi kawmah, “Zie chule na gen bang chun hih ing ka: ka mit na tung ngâl a, na min in ka hun hechien ngâl a,” a ti a.

JEREMIA 1:5

“Sûl a ka hun siem makhan le ka hun he a, na pien ma a namte thiemgau dinga ka hun kawih chuom na hi tai” ti’n.

PAWTDAWKNA 32:34

Himahlele, tuhin chieh inla, chiehna ding ka hun hilhna mun akhan mipite hi va pui phawt in. Ngaitie, ka vânsâwlchâk in na ma pui zel in a, tih hezing in; amahvang chuh, ka hun vehthak ni chuleh a gitlohnau ngêi achun gawt ding ka hi,” a ti a.

2 TIMOTHE 2:19

Himahlele, Pathien suongphum dettak chuh suk tawih ding guol ahi puoh a; a chung achun zie thu haw hi zik ahi: “Lalpa chun amah a haw chuh a he a,” tih leh, “Lalpa min lo taphawtte chun gitloh taihsan hen,” tih hi.

ISAI 43:1

Himahleh, Aw Jakob, nangmau haw hun siempa, Aw Israel nangmau haw hun dindawk pa chun hiti hin a tii, “Lau kiu inla, ka hun tandawk ta ngâl a. Na min un ka hun sam ta a, Keia na hi tau a puo!

THILSIEMBUL 18:19

Lalpa lampi a hawh theih na ding u leh a nung u a a chate leh a inkuonpih teu thil dik hih ding leh diktaka vaihawm ding leh kitûp taka hih dinga thu a piek theih na dingin amah chuh ka guot ta ngâla. Khutichun, a chungchâng thu Lalpa’n a gen chuh Abraham chunga a tunsak theih na dingin,” a ti a.

PAWTDAWKNA 33:1

Tichun Lalpa’n Mosi chuh a hopih a, “Kipan inla, zie apat hin pawtdawk unla, Abraham te, Isak te, Jakob te kawm a, ‘Na suonte pie ding ka hi,’ ti a ka na kipautiemna gam achun nang leh Aigupta gam apat a na hun puihdawkte hi zie tak apat hin va chiehto un.

PAWTDAWKNA 3:10

Zieziekchun, hung inla, ka mi Israel suonte chuh Aigupta gam apat puidawk dingin Pharaoh kawma hun sawl ding ka hi” a ti a.

SAM LEHKHABU THE PSALMS 1:6

Lalpa chun mi diktatte lampi chuh a he ngâl sek a; Himahleh, mi dukdaklote lampi vang chuh beimang in a.

PAWTDAWKNA 33:2

Na masang uh ah vânsâwlchâk hun sawl ing ka ting, Kanaan te, Amor te, Hit mite, Periz mite, Hiv te leh Jebus te chuh nawhdawk ing ka.

ISAI 45:3

Kei hi Lalpa na min a hun sampa leh, Israel Pathien chuh ka hi tih na hettheih na dingin thim laka go thil kiselgute leh ning thip a go kisel gute chuh hun pie ding ka hi.

HAGGAI 2:5

Aigupta apat a na hung pawt lai u khan le, na kawm u a um zel ding ka hi tin ka hun thutiem sa bang khan na lak uh ah ka thagau a cheng zing hi, lau kiu in.

PAWTDAWKNA 3:4

Chun, zie thil chuh en dinga a va naih chuh Lalpa’n a muhin, nawnglak apat chun a hun sama, “Mosi! Mosi!” a hun ti a, amah chun, “Zie hin ka um hi,” a ti a.

PAWTDAWKNA 34:9

“Tuhin na mit ka tun chun, aw Lalpa, ka kawm u ah hung in. Zie mite hi nam genhak tak ahi ngâl u a; tichun ka manlohnau leh ka gitlohnau ngaidam in la, na go chan dingin ei nei in.” a ti a.

2 SAMUEL 15:25

Chun, leng chun Zadok kawmah, “Pathien bawm chu khawpi sung ah leh zawn lut kit un: Lalpa mit tunga ka um chun ei lehpuih kit intin, Pathien bawm leh a umna chu ei muhsak kit ina;