PAWTDAWKNA 32:9 - PATHIEN LEKHABU THIENGTHO (BSI)

⁹ Chun, Lalpa’n Mosi kawmah, “Zie mite hi ka entha zinga, ngaitie, nam genhak tak ahiu hi tih ka hêi.

PAWTDAWKNA 32:9 ပူးပေါင်းရင်းမြစ်များ

2 LENGTE 17:14

Khutisa chun le a zawp nuom puou a, a pileputeu, Lalpa a Pathien uh gingcha lo a, genhakte bangin a genhak u a.

2 KHANGTHUBU 30:8

A gen hak bangun um kiu inla, Lalpa thu hi zawp un, Lalpa na Pathien un a sukthienthona, Jerusalem a Ho-In ah hung unla, Amah chu ho unla, tichun na chung u a a lungnat na hi hai ina.

NEHEMIA 9:16

Himahleh, amau leh ka pileputeu chun chapo takin thil bawl in a kisuluhlul u a, na thupiek chuh a zawp ta puou hi.

NEHEMIA 9:17

A zui nuom puou a, a chung u a na thilmak hih haw le a he nuom diek ta puou hi. A lunggil uh sukhauh in a kiphin u a; suok a a tânnau a vaikit dingin lawiupa a kisiem tau hi. Himahleh, nang chuh ngaidam dinga kisazo zing Pathien, mi lainat thei leh lungsiet na a dim, lungchuol tak leh nunnem na a dim, amau haw hengilh lo na hi.

SAM LEHKHABU THE PSALMS 78:8

A suonteu banga, Suon genhak leh kiphin hât; Suon lunggil detlo, Pathien kawma lunggil muon umlo pu a a um loh na dingun.

PAWTDAWKNA 33:3

Bâwngnawi leh khuoizu luonna gam achun chieh to un; kei vang na lak u ah hung to lo ding ka hi, a ziek chuh nam lochal tak na hiu a, lamkal ah hun sumangthai vek kha’ng ka,” a ti a.

PAWTDAWKNA 33:5

Chun, Lalpa’n Mosi kawmah, “Nam genhak tak na hiu hi: chawmchah na lak u ah hung tel lengle hun sumangthai mai ding ka hi. Khutichun na kivannau khah kawihthau inla, tichun nang uh ka hun ngaihtuoh ding dân hethei ing ka, a tii, hun ti’n,” a ti a.

PAWTDAWKNA 34:9

“Tuhin na mit ka tun chun, aw Lalpa, ka kawm u ah hung in. Zie mite hi nam genhak tak ahi ngâl u a; tichun ka manlohnau leh ka gitlohnau ngaidam in la, na go chan dingin ei nei in.” a ti a.

THUCHINGTE 29:1

Kuole, hilhgaih a um zing sa ale, a lungthim hihkhauh tei tei chuh, thakhat a suksiet in um intin; sukdamna um kit ta puo’n a.

ISAI 48:4

Mi genhak na hiu a, na ngâwng u chuh kahpathik banga khauh leh na chalpâng u chuh sumeng banga tâk ahi tih ka het ziekin.

JEREMIA 13:27

Phul laka tâng haw a na zawlsaihnate, na hûk hâm git te, na kiphal nasat ziete, zie na thilhih kihdak-um tak haw chuh ka mu tai. Aw Jerusalem na chung a gik na e! Hih thiengtho hilo ding na him? Bangtik leh hih thientho na hita dem?

HOSEA 6:10

Israel gam achun thil tizat-um tak mai ka mu a; Ephraim achun nawhchizawkna a um a, Israel chuh a buok ahi.

KISIMNA 14:11

Tichun, Lalpa’n Mosi kawmah, “Zie mipite hin bang chan ahim ei muhsit u a, a lak u a thilmak ka hih sak sa ale bang chan ahim ei ginchak lah ding uh?

NASEPTE 7:51

“Mi genhak, lunggil leh bil tan lohte haw! kumkhuo’n Thagau Thiengtho chuh na dodal zing u a; nanguh hun suonte hih guol zel khan na hih sek uh ahi.

DAN NIHNA 10:16

Zieziekchun, na lungthim zek uh tan unla, lochal ta kiu in.

DAN NIHNA 31:27

Na hel hât zieu leh na lochal zieu hi ka he ngâla; ngaitiem u, tu a ka hun dam pih laia hi bawn Lalpa chunga hiti hel zing na hiu a, ka thih tieng vang leh bang tawbang phetin na huhel ta ding um!

DAN NIHNA 9:13

“Chun, Lalpa chun, ‘Zie mite hi ka et ka et leh, ngaitie, nam luhlul tak ahiu a;

DAN NIHNA 9:6

Zieziekchun, zie gam phatak hi na fel ziek u a luoh dinga Lalpa’n a hun piek ahi puoi tih hi heu in; mi luhlul tak na hi ngâl u a.