PAWTDAWKNA 32:4 - PATHIEN LEKHABU THIENGTHO (BSI)

⁴ Chun, amah chun a khut u apat chun ana la a, thikzum matchâk a vak siem a, bâwngno lim a sung ta a: chun, amau haw chun, “Aw Israel te, ziehaw hi Aigupta gam apat a ei puidawkpa, I pathienteu chuh ahiu hi,” a tiu a.

PAWTDAWKNA 32:4 ပူးပေါင်းရင်းမြစ်များ

1 LENGTE 12:28

Khutichun leng chun lemguotpih ding a pui a, sana bâwngno nih lim a siem a; a kawm u ah chun, “Nanguh a dingin Jerusalem a va chieh hi a haksa taluoi; Aw Israel te haw, entiem u, na Pathien uh, Aigupta gam a kipata nanguh hun puidawk pa hih,” a ti a.

1 LENGTE 12:32

Jeroboam chun Juda gama kut a neih mah bangun, tha gietna, zie tha ni sawmlenga ni chuh kut ni dingin a guot a, maichâm achun a va chieh a, Bethel achun bâwngno lim siem kawm achun kithawihna a siem a; Bethel a munsang a siemna achun thiempute chu a kawih a.

2 LENGTE 10:20

Tichun, Jehu chun, “Baal min in Kutpi phuong un!” a ti a. Tichun, zie thu chuh a than viel tau a.

2 LENGTE 10:29

Himahlele, Nebat chapa Jeroboam gitlohna Israel te thilhihkhelh saka a hih haw chuh Jehu chun a haihsan diek puoh a, zie chu Bethel leh Dan a sana bâwngno limte ho ahi.

2 KHANGTHUBU 11:15

Tichun, amah chun, munsang a ding leh thitha hona ding leh bâwngno lim a siemte ding chun thiempu a guot ta a.

2 KHANGTHUBU 13:8

“Tuhin, Lalpa’n David suonte kawma a piek, leng thuneihna chu do na guou a, sepaih tamtak na nei u a, Jeroboam in na pathien uh a ding a a siem sana bâwngchal chule na nei ngêi u a.

NEHEMIA 9:18

Ahi, bâwngno lim a siem u a, ‘Zie hi ahi Aigupta gama pata ei puidawk pathien chuh,’ a tiu a. Lungnat um tak thil a bawl lai u khan,

PAWTDAWKNA 20:2

“Kei, Lalpa na Pathien uh, Aigupta gama suok apat a hun puidawkpa chuh ka hi.

PAWTDAWKNA 20:23

Pathien dang himhim chuh ka kieng ahin na hun neih loh dinguh ahi; dangkaguo pathien, sana pathien ahim na kisiem loh dinguh ahi.

PAWTDAWKNA 20:4

“Milim siemkawm leh thil a kibatpih himhim, chunglam van a um ahim, nuoi lam leia um ahim, lei nuoi lama tui lak a um ahim, nang dinga na siem ding ahi puoi:

PAWTDAWKNA 28:11

Min namna a chuong tawbang, suong zik thiem in a zik tawbang hin Israel chate min bang zelin suong nih achun na zik ding ahi; sana suong chuh tâk dinga na siem ding ahi.

PAWTDAWKNA 28:9

Chun, onix suong nih na lâk ding ahi a, zie achun Israel cha sawmlenih te min na chuon sak ding ahi.

PAWTDAWKNA 32:1

Chun, mipite chun Mosi chuh tâng akipat hungsuk hak a sak bêk phet un Aron kawmah a hung khawm u a, a kawmah, “Khai, ka mau pui dingin pathiente ei siem sak in; zie Mosi Aigupta gama pata ei puidawkpa hi la a chanchin ka he ta puoh ngâl un,” a tiu a.

PAWTDAWKNA 32:24

Zieziekchun ken a kawm u ah, ‘Kuole sana nei taphawt in hun latha hen,’ ka ti a; khutichun ei hun pieu a: chun, ken mei ah ka na paih lut a, tichun zie bâwngno lim hi a hung pawt tamai ahi,” a ti a.

PAWTDAWKNA 32:3

Khutichun, mipite chengcheng chun sana bilbah a bahlai teu chuh ahun lakhawm vek u a.

PAWTDAWKNA 32:35

Tichun, Aron in bâwngno lim a siem ziek chun, Lalpa’n mipite chung achun hipi a lênsak ta a.

PAWTDAWKNA 32:5

Chun, zie chuh Aron in a vak muh phetin a masang achun maichâm a siem ta a; a kiko a, “Zing hileh Lalpa dingin guolvakna um hen,” a ti a.

PAWTDAWKNA 32:7

Lalpa’n Mosi chuh a hopih a, “Va chieh suk ta’n, mipite Aigupta gam apat a na hun puihdawkte khu a kisusie zo vek tau hi.

PAWTDAWKNA 32:8

Ka thupiekte chuh a kiheisan tau a, bâwngno lim a siem u a, a kawm achun a kithawi u a, a ho tau hi; Aw Israel te, ziehi Aigupta gam apat hun puidawk, na pathienteu ahiu hi,” a tiu hi, a ti a.

ISAI 30:22

Zie tieng chuleh, dangka tui luon khuma na milim siem uh leh, sana tui luon khuma na milim sun uh chuh paihmang un na tin, a kawma chun, “Ka mit muh phâk loh uh ah chieh mang un,” ti’n lau.

ISAI 46:6

Mite chun a dangka dipteu hawng in, sanate a bun dawk sek uh a; a dangkaguoteu chuh a tehdawk sek uh a, tichun, pathien siem dingin dangkaguo sêkte a guoi sek uh a; chun, a masanga khupbawk in a ho sek u a!

EZEKIEL 23:8

Aigupta gama, ngaklak tûng cha ahih apat a a nawi a khawihsak sek uh, a kuolpih sek u leh a hûknau a butthak khum sek uh ana hih ziekin a kizawk chuh a haihsan diek puoh a.

HOSEA 10:5

Samari khawpi a chêngte chuh lau untin, Bethel a bâwngno lim um tâk loh ziek chun nasa takin lungkham un au. Amau haw leh thiempu, milim nasemte chuh kap un au. A sanateu, a lopinateu chuh paihthaka a um tieng chu leh lungkham in mau un au.

HOSEA 13:2

Tichun, tuhin gitlohna a bawl beh beh nalai u a, milim pathiente a kisun kawm u a; a dangkaguo teu chuh khutthiemte chun milim in a sung u a, a bawnin khutthiemte nasep vek ahi a; “Amah kawm ahin kithawi un,” a tiu a. Mite chun bâwngno lim chuh a châwp u a.

NASEPTE 17:29

Khutichun, Pathien suonte I hih tâk nung un, Pathien hihna chuh, sana, dangka, suong leh, mihiem themthiem leh lemguot a sekte tawbang hi ahim tih I ginchak dinguh ei puoi.

NASEPTE 7:41

Chun, zie lai chun, bâwngno lim a siem u a, a lim chuh gan that in a ho u a, amau haw khut suok chung achun a lawp tau a.

1 KORINTH 10:7

a lak uh a khenkhat in milim a ho guol u a I hih lohna dingun etsakna ahi tai. Lehkhabu thiengtho in, “Mipite chuh ne leh dâwn dingin a chuu a, chun; a kipan u a, ginglote umdan in a um tau hi,” tih a gen guol khan.

DAN NIHNA 9:16

Chun, ka vak et leh ngaitiem u, Lalpa na Pathien u chungah thil na hihkhiel tau a; bâwngno lim sunkawm na kisiem u a, Lalpa’n thu a hun piek lampi apat chun kintakin na pet tau a.

VAIHAWMTE 8:24

Gideon mah in a kawm u ah, “Thil khat vang hun nget ka nuom hi, mitin in na gâllâk hawu laka bilbah ei pie chiet tau u,” a ti a. (Ishmael te ahih ziekun sana bilbah a nei chiet ngâl u a).

VAIHAWMTE 8:27

Tichun, Gideon in ziehaw apat chun Ephod a siem a, a chênna Ophrah khuo a chun a kawih ta a; tichun, Israel chate chengcheng chun a Pathien uh taihsan in zie milim chuh a ho tau a; tichun, Gideon leh a inkawte a ding chun zie chuh thâng a hung hita a.