PAWTDAWKNA 32:34 - PATHIEN LEKHABU THIENGTHO (BSI)

³⁴ Himahlele, tuhin chieh inla, chiehna ding ka hun hilhna mun akhan mipite hi va pui phawt in. Ngaitie, ka vânsâwlchâk in na ma pui zel in a, tih hezing in; amahvang chuh, ka hun vehthak ni chuleh a gitlohnau ngêi achun gawt ding ka hi,” a ti a.

PAWTDAWKNA 32:34 ပူးပေါင်းရင်းမြစ်များ

DAN NIHNA 32:35

Phubalak leh ditthuk chuh Kei hih ding ahi; a kalbiu ateu tieng leh, A sietna ding niu chuh a nai tai, Thil hung tung ding haw chuh a chung u ah tung pai ta’n a.

PAWTDAWKNA 23:20

“Ngaitie, nang haw lampi a hun veng zel ding leh, mun ka siemna a hun puilut dingin na masang u ah vânsâwlchâk sawl ding ka hi.

MATTHAI 23:35

Khutichun, mi diktat Abel thisan apat in, Pathien Ho-In leh maichâm kikala Berekiah chapa Zakaria na thah pau thisan ngêi khan, lei chunga mi diktat thisan a suoh teu chengcheng phuba chuh na chungu ah hung tung thei ina.

AMOS 3:14

Israel bawhsietna zieka gawtna chuh amah chunga ka ngak chun, zie ni chuleh Bethel a maichâmte chule susie ding ka hi; tichun, maichâm ning tin chuh sattan untin, lei ah kie tha’nau.

JEREMIA 5:29

Zie thil haw ziek hin gawt lo ding ka him, Lalpa’n a ti. Zie tawbang namte chung ahin ka hinna’n phuba la lo ding ahim?

JEREMIA 5:9

Zie thil haw ziek hin gawt lo thei ding ka him? Lalpa’n a tii. Zie tawbang nam chung ahin phuba la lo ding ka him?

ISAI 63:9

A lungkhamna chengcheng u achun amah chule a lungzîng seka, a masanga um Vânsâwlchâk chun amau chuh a hukdawk seka; a hehpihna leh a zahngaihna chun a tandawk ta a, a masang hun lai cheng khan amau chuh a puoh a, a pawm sek hi.

SAM LEHKHABU THE PSALMS 99:8

Aw Lalpa ka Pathien uh, nang chun amau haw chuh na dâwng a. Nang chuh Israel a dingin ngaidam Pathien na hi. A thilhih chung u ah phuba la sek mahleh chin

KISIMNA 20:16

Tichun Lalpa ka sam u a, ka kiko aw teu chuh a na za a, a van sawlchak a hun sawl a, Aigupta gam apat in ei puidawk a, Tuhin na gam tawppen a Kadesh a hin ka um tau hi,

PAWTDAWKNA 33:2

Na masang uh ah vânsâwlchâk hun sawl ing ka ting, Kanaan te, Amor te, Hit mite, Periz mite, Hiv te leh Jebus te chuh nawhdawk ing ka.

PAWTDAWKNA 20:5

amau haw masanga chuh na kûn ding ahi puoh a, a nau le na sep ding ahi puoi: kei Lalpa na Pathien uh hi Pathien thikthusie, pate gitlohna zieka chate gawt sek, ei hawte chuh suon thumna leh suon lina chana gawt sek leh,

PAWTDAWKNA 3:17

Aigupta gama sukgimtheihna lak apat chun hun puidawk ing ka ting, Kanaan mite, Hit mite, Amor mite, Periz mite, Hiv mite, Jebus mite gam, bâwngnawi leh khuoizu a luong gam achun hun puilut ing ka,” tih ka tiem ta ngâl a.

PAWTDAWKNA 15:17

Nangin amau haw chuh puilut in na tin, na goluoh tâng achun phut inla, Aw Lalpa, nangin na umna dinga mun na siem achun, Aw Lalpa, mun thiengtho na khut ngêi a na dindawkna achun.

PAWTDAWKNA 33:12

Mosi’n Lalpa kawm achun, “Ngaitie, nang ka kawmah, zie mite hi vak puito in, na tih ahi a: kuo a ka kawma na hun sawl ding lah nei hilh puoh ngâl a. Nang chun la, Na min in ka hun hechien a, ka mittung in na um hi tih le ka he a puo, na ti a.

JEREMIA 23:2

Zieziekchun, Lalpa Israel Pathien chun, ka mite vengpa belampute chung thu achun hiti hin a tii: “Ka ganguol haw chuh na sudalh uh a, na delh mang uh a, na ngaihsak puou hi. Ngaitiem u! na thilhih dikloh ziekun hun tawh tha ding ka hi, Lalpa’n a tii.

JEREMIA 14:10

Lalpa chun zie mite chungchâng ahin hiti hin a tii: “Vakmang a nuom sek u a, a kalsuon uh a thunun puou; tichun Lalpa’n amau chuh a pawm puoh a, a manlohnau chuh hezing ta’n tin, a gitlohna teu chuh gawt in a.”

HOSEA 8:13

Gancha’n kithawi u henla, a sa ne mahleu, ziehaw chuh ka kipahpih puoh ngâl a. A manlohnau ka hezing a, gawt ing ka ting, Aigupta lam ah vaikit un au.

AMOS 3:2

“Nang haw mai hi khawvel a nam chengcheng laka ka het na hiu a: zieziekchun, na manlohna teu chengcheng ziekin hun gawt ding ka hi,” ti’n.