PAWTDAWKNA 32:32 - PATHIEN LEKHABU THIENGTHO (BSI)

³² Mahleh, tuhin a gitloh uh na ngaidam thei dem? A theih loh ding le vang na lehkhabu a ka min na ziksa kha thaimang dingin ka hun ngên hi,” a ti a.

PAWTDAWKNA 32:32 ပူးပေါင်းရင်းမြစ်များ

SAM LEHKHABU THE PSALMS 69:28

Amau haw chuh hinna lehkhabu apat in thaihmang in um u henla, Mi diktatte lak achun ziklut hidah u hen.

THUPHUON 21:27

Himahlele, thil buok himhim khawpi achun lut puo’n tin, thil muhdahum hihte leh, lepchieh gente le lut diek puo’n au. Belamno Hinna Lehkhabu a min a zikteu maicha lut un au.

PHILIPPI 4:3

A hi, nang le ka namkawl puokpih tak tak, ka hun chiel na hi, Chanchin Pha nasepna lama ei hah panpih numeite khah panpih ah. Klemen tawh, ka seppih dang, Hinna lehkhabu a min chuongte kha tawh.

ROME 9:3

Ka suohpihte, phehlevo a ka chipihte sik in kei hi Krista kawm apat hansie dawl in um hiel leng ka ti ngâla.

DANIEL 12:1

“Chun, zie phat chuleh na mipite panpih sek, vânsâwlchâk lopi tak Mikael chuh hung kilang intin; chun, buoina hun, nam um tung apat a zie hun chana chule um kha ngeilo chuh hung um ina. Chun, zie hun chuleh namte laka na mite, a min uh lehkhabu a chuong taphawtte chuh hukdam in um un au.

THUPHUON 3:5

A zo tacheng khutibang chun, puon vam silh sak in um un au, chun, Hinna Lehkhabu apat, a min u chuh thai mang lo hiel ding ka hi, ka Pa masang leh, a vânsâwlchâkte masang achun a min uh ka phuon ding ahi.

SAM LEHKHABU THE PSALMS 139:16

Ka duong ana kimlo chuh na mit in a mu a, Na lehkhabu achun ka tibâk chengcheng zik suok kêi ahi a, A ni a ni’n siem in a um zel a, khatchale a um nailoh lai in.

SAM LEHKHABU THE PSALMS 56:8

Nang in ka vakchâtvaihna haw hi na tiemteh sek a: Ka mitthitui haw hi na savun tuiûm a chun thun in, Na lehkhabu ah a chuong chiet puou a ahim?

THUPHUON 17:8

Sahang na muh khah khatvei khah a hing a, himahleh, a hing zawm ta puoi. chun, thampikuo-âwng apat in hung pawtdawk intin, manthaina ah chieh ina. Leia mihingte, khawvel kisiem tung apat Hinna Lehkhabu a min kizik lote chun. sahang chuh a muh tiengu leh maksa’n dim un au. Khatvei khah a hing a; tu’n a hing kit ta puoh a; himahleh hung kilang kit ding ahi ngâl a.

DAN NIHNA 29:20

Zie tawbang mi chuh Lalpa’n ngaidam hiel puo’n tin, Lalpa lungnatna leh thikthusietna chun amah chuh kâng intin, zie lehkhabu a hansie chuong tincheng hi a chungah tung intin, Lalpa’n a min chuh vannuoi apat in thaimang ina.

DAN NIHNA 25:19

Zieziekchun, hiti hi hi’n tin, Lalpa na Pathien un luoh dinga gam a hun piek a chuh na kim na vel u a na melmateu chengcheng lak apat a Lalpa na Pathien un gâlmuonna a hun piek tieng leh van khupsin nuoi apat a Amalek te hetzingna chuh na sukmang kei dinguh ahi; na hetngilh loh hiel dinguh ahi.

DAN NIHNA 9:14

Amau sumangthai ding leh vannuoi apat a min uh thaimang dingin ei thahzan mai in; chun amau sanga nam thilhih thei zaw leh thupi zaw nang apat in siem ing ka,’ ti’n ei hopih a.

KISIMNA 14:19

Na zahngaihna a nasat dungzui in leh Aigupta gama pata na puihdawk akipat tuni chan a na ngaihdam bang hin, mipi haw gitlohna hi ngaidam in,” a ti a.

PAWTDAWKNA 32:10

Tichun, ana khawngai ah, amau haw kângtum zo vek khawp in a chung u ah ka lungnatna chuh kuong dawk hen; chun, nang hi chuh nam lopi takin hun siem ing ka,” a ti a.

LUKE 23:34

Chun, Isu’n, “Hepa, amau hi ngaidam in, a thilhih u hi a he puou hi,” a ti a. Chun, a silhlechen chuh phunsân in a kihawm u a.

AMOS 7:2

Chun, hiti hi a hung hi a, zie gama hampa chuh a nek zawh hun un, “Aw Lalpa Pathien, ngaidam in, ka hun ngên hi, Jakob chuh bangti’n ahim a din theih ding, amah a neu ngâl a?” ka ti a.

EZEKIEL 13:9

Ka khut hin kilâkna diklo mu haw leh genlawkna lepchieh gen haw chuh nang intin, ka mite kikhawp khâwmna ah tel puo’n tin un, Israel inkuonte min zikna ah zikin um hiel puo’n au; khutichun Lalpa Pathien chuh ka hi tih hun hen lau.

THUPHUON 22:19

Kuo’n le, zie lehkhabu a hilhlawkna thu hi a lâkmang chun, zie lehkhabu a kizik, Hinna thing leh, Khawpi thiengtho a a chan chuh, Pathien in a kawm apat la mang ina.

LUKE 10:20

Himahleh, thithate na thuu a a um ziekun kipâk kiu inla, van a na min uh zik ahih ziekin kipâk zawu in,” a ti a.

KISIMNA 11:15

Khutibanga hi nei bawl ding chun, ei lungsiet inla, na khut apat in ei that mai in, ti a chuh zie tawbang bawl gimtheihna hi ka thawk sawt loh na dingin” a ti a.

2 SAMUEL 18:33

Khutichun leng chu a lungkham mah mah ta a, kulh kawtkhak chunga indan achun a chieh to a, a kap ta a: chun, a chieh toh kawm chun, “Aw, ka chapa Absalom, ka chapa Absalom, nang thasang in thi zaw mai leng aw, Aw Absalom, ka chapa, ka chapa,” a ti a.

ISAI 4:3

Khutichun, Zion a nutsieh a um nalaite leh Jerusalem a a damsung u a um dinga guotte chuh, “Mi thiengtho” tih hi’n au.

MALAKI 3:16

Tichun, Lalpa kihchate chuh a kihotuoh u a: Lalpa chun I thugenteu a ngaitha a, a na za a, Lalpa kihchate leh amah limbawlte a ding chun hetzing na lehkhabu chuh a masang ah zik ahi ta a.

MALAKI 3:17

Tichun, “Amau haw chuh ka mite hita’n au.” Lalpa Bangkim hihthei chun a tii. “Na ka sep ni chuleh amau haw chuh Keia chuom bîk hiu un tin, chun, nulepa’n a nasem a chateu chunga zahngaihna a neih guol un zahngaihna sulang ing ka.

KISIMNA 11:25

Khutichun. Lalpa chuh meipi lak achun a hungsuk a, a hun hopih ta a, Mosi kawma thagau a piek chuh huntieng a la a, lawiupa sawmsagih te kawm achun a hawmzak ta a. Chun, tihi a hung hi a, a chung u a thagau ahung tun phet chun hilhlawkna thu a gen tau a, himahleh, a velin a phuong kit puou hi.