PAWTDAWKNA 32:30 - PATHIEN LEKHABU THIENGTHO (BSI)

³⁰ A zing chun Mosi’n mipite kawm achun, “Thil gilo huoisie tak mai na na hih tau a. Himahleh, tângah Lalpa ma ah va chiehto ing ka; na gitlohnau ahin ngaihdamna ka va siem thei kha mawh die,” a ti a.

PAWTDAWKNA 32:30 ပူးပေါင်းရင်းမြစ်များ

1 SAMUEL 12:20

Chun, Samuel chun mipite kawm achun, “Laukiu in, zie thil phalo tak hi na na hih ngut tau a, ahihziekin Lalpa na zuihnau apat hin petmang kiu inla, na lungthim chengcheng un Lalpa na chu sem zawu in;

KISIMNA 25:13

Mipite gitloh ngaihdam na leh kei thasang ding a ngaih theih loh ziekin, a mah leh a suonte chuh kumkhuo a thiempu dinga sudet ding ka hi,” ti’n.

JONA 3:9

Khutichun, I manthai lohna dingun Pathien chuh lehhei kitin, lunghei in, a lungnatna nasa tak apat chun kilehhei puo’n a tih kuo a he?” ti’n.

AMOS 5:15

Gitlohna chuh hawu unla, phatna ngainau unla, kulh kawt ah dikna chuh tung dingun: Joseph te inkuon a mi, a na damsunte chunga chun Lalpa Sepaihte haw Pathien chun lungsietna nei ding ahi ngâl a.

2 LENGTE 17:21

Lalpa’n Israel te chu Juda nam apat a a khenchuom nung chun, Israel te chun, Nebat chapa Jeroboam chu a leng dingun a kisiem u a. Jeroboam chun Lalpa kinungheisan in, gitlohna huoisie tak ah a puilut ta a.

2 SAMUEL 16:12

Lalpa chun ka gimtheih zie hi hun muntin, tunia ei sapsiet na hi apha lam in ei dit sak kit mai thei le ahi,” a ti a.

1 SAMUEL 12:23

Zie mai chule hilo in kei ding vangin, nang haw dinga paucham haihsan a Lalpa chunga gitlohna hih ding chu thil hithei lo hiel ahi; lampi pha leh dik chu hun kâwkmuh zel zaw’ng ka.

KISIMNA 16:47

Aron chun Mosi gen bang chun a chawia, mipite lak achun a tai luta, hipi chuh mite lak achun a leng pan hi tih a mu a, gimlim chuh a theh a, mipite ding chun sukthienthona a siem ta a.

2 TIMOTHE 2:25

Pathien thutak a het na ding u a kisikna hun lemchâng a piek khâk leh ti a amah dodilte chuh thunuoigawlh taka a hilh ding ahi.

GALATI 3:13

Himahlele, Krista chuh I sik uh a hansiedawl a um in; Dan hansie lak apat chuh ei tandawk tai; Pathien Lehkha thu chun, “Thing a kikhai ta chuh, hansiedawl ahiu,” ti a a gen guol khan.

ROME 9:3

Ka suohpihte, phehlevo a ka chipihte sik in kei hi Krista kawm apat hansie dawl in um hiel leng ka ti ngâla.

LUKE 15:18

Tho ing ka ting, ka pa kawmah chieh ing ka ting, a kawmah, ‘Hepa, van a mi chung leh, nangmah mitmuh in thil ka hihkhiel ie!

LUKE 7:47

Zieziekchun, lungsietna nasatak a suklat hin, a gitlohna tamtak chuh ngaihdam ahi tai tih a sulang hi, tih ka hun hilh na hi, Kuole, tawmcha ngaihdama um ta chun, lungsietna tawmcha a sulang sek hi,” a ti a.

1 SAMUEL 2:17

Khutichun, tangvalte gitlohna chu Lalpa mitmuh in anasa ta mah mah maia: mite’n Lalpa kawma kithawihna chu a ngaihnep lawh tau hi.

JAKOB 5:16

Khutichun, sukdam a na um theihna dingun, na gitlohnau thupha kichawi tuoh unla, kipauchamsak tuoh sek un. Mi diktat pauchamna chun thil nasatak a hih sek hi.

2 SAMUEL 12:9

Bangati a Lalpa thu chu ngaidau a, a mitmuha thil phalo na hih tâk mai? Hit mi Uria chu chemzâm in na that a, a zi chu na zi dingin na lâksak a, amah chu Amon suonte chemzâm in na that a.

PAWTDAWKNA 32:29

Mosi chun Levi chate kawm achun, “Tuni hin na suohpihteu, na chateu, that hielin, Lalpa nasepna a thiempu dingin na kikawihchuom tau a; zieziekchun tuni hin Lalpa’n a vangsakna chuh na chung u ah hun vuk ta hen,” a ti a.

SAM LEHKHABU THE PSALMS 99:6

A thiempute lak achun Mosi leh Aron a tel u a, Amin samte lak achun Samuel a tel a; Amah chun Lalpa chuh a sama, a mah chun a dâwng ta a.

1 SAMUEL 12:17

Tuni hi buh-ât hun ahi paw maw? Van gitsak ding leh guoh zuk sak dingin Lalpa chu sam ing ka ting; tichun leng na nget u hi Lalpa mitmuh a nasa taka hihkhiel na hiu hi tih he’n na tin un, hun mu’n lau,” a ti a.

1 SAMUEL 12:19

Chun, mipite chengcheng chun Samuel kawm achun, “Ka thih lohna dingun Lalpa na Pathien kawm achun na suokte dingin ngên in: zie thil phalo tak, leng ka na nget u hin ka gitlohna chengcheng uh behlap ka na hi tau hi,” a tiu a.