PAWTDAWKNA 32:13 - PATHIEN LEKHABU THIENGTHO (BSI)

¹³ Na suok Abraham te, Isak te, leh Israel te kawm a, ‘Vana aksi zah in na suonte chuh hun supung ing ka ting, zie gam ka na gen tâksa chengcheng hi na suonte hun pie’ng ka ting, tichun, kumkhuo’n luoh den tan au,’ ti a nangmah ngêi na kihâksiel na haw kha hezing in,” ti’n a ngên a.

PAWTDAWKNA 32:13 ပူးပေါင်းရင်းမြစ်များ

HEBRAI 6:13

Pathien in Abraham kawma thu a hun tiem lai khan, a thutiemsa chuh hih ngêi dingin a kitiem a. Amah sanga lienzaw a um loh ziekin, amah min ngêi mang chun thu a tiem ta a.

THILSIEMBUL 22:16

“Zie thil hi na hih tâk ziekin leh, na chapa na neihsun le na it loh ziekin hun vangsak tei tei ing ka ting.

THILSIEMBUL 12:7

Lalpa chuh Abram kawmah a kilak a, “Zie gam hi na suon te kawmah pie’ng ka,” a ti a: tichun zie tak achun a kawma kilak Lalpa a ding chun maichâm a siem tai.

THILSIEMBUL 15:5

Chun, amah chuh pawlam ah a puidawk a, “Van lam khu en in la, aksihaw khu na sim theih chun sim in: na suonte chuh khuti zat khu hung hi’n au,” a ti a.

THILSIEMBUL 15:18

Zie ni chun Lalpa’n “Zie gam hi Aigupta lui apat a lui lien, Euphrates lui chanin na suonte ka pie tai:

DAN NIHNA 7:8

Lalpa’n a hun hehpih ziek leh na pileputeu kawma a na kihâksielna chuh sukpitin a nawp ziekin ahi zaw a puo Lalpa’n Aigupta lengpa Pharao khut apat khut hattak a suok apat a hun tatdawk chuh.

THIEMPUDANTE 26:42

Jakob kawma ka thuthun chuh hezing ka ting, Isak leh Abraham te kawma ka thugawlh khale hezing ka ting, mipite kawma gam piek dinga ka kitiemna chuh hih thak ing ka, ti’n.

THILSIEMBUL 48:16

Gitlohna chengcheng apat a ei hukdawk sek vânsâwlchâk chun, naupangte hi vangsak hen! Chun, ka min leh ei suonte Abraham leh Isak min chuh zie naupangte chung ahin um zing hen! chun, khawvel lailung ah mipi nasa tak hiding in hung pung u hen,” a ti a.

THILSIEMBUL 15:7

Chun, Lalpa’n a kawmah, “Zie gam hi luoh dinga hun pie dinga Kaldai haw gama Ur apat a hun puidawkpa Lalpa khah ka hi,” a ti a.

DAN NIHNA 9:27

Na suokte Abraham leh Isak leh Jakob chuh hezing inla, zie mipite luhlulna leh a nunsiet nau leh a gitlohnau hi kimuhloh sak in;

THILSIEMBUL 12:2

tichun nam lopi takin hun siem ing ka ting, chun, hun vangsak ing ka; na min sulopi’ng ka ting, chun, nang vangsakna hung hi’n la:

THILSIEMBUL 17:8

Chun, nang leh na nunga na suonte kawm achun na malzinna gam Kanaan gam chengcheng hi kumkhuo go dingin hun pie’ng ka ting; chun, Kei hi a Pathien uh hi’ng ka,” a ti a.

THILSIEMBUL 24:7

Lalpa van Pathien, ka pa In apat leh ka pienna gam apat a ei puidawkpa leh, ei hopihpa ‘Zie gam hi na suonte pie’ng ka,’ ti a ka kawma kihâksielpa chun, amah ngêi in a vânsâwlchâk chuh na ma ah sawl intin, zie apat chun ka chapa hi zi na hun neihsak ding ahi.

PAWTDAWKNA 13:5

Lalpa’n Kanaan te, Hit te, Amor te, Hiv te, Jebus te gam, khuoizu leh bâwngnawi a luonna gam, nang uh hun suonte kipautiema piek a tiemna gam achun a hun puihtung tieng leh, kum chengin zie tha hih na nit zel ding uh ahi.

PAWTDAWKNA 13:11

“Lalpa’n na kawm u leh nang uh hun suonte kawma kipautiema piek a tiemsa bang khan, Kanaan te gam a hun puihtung a, a hun piek tieng chuleh,

PAWTDAWKNA 33:1

Tichun Lalpa’n Mosi chuh a hopih a, “Kipan inla, zie apat hin pawtdawk unla, Abraham te, Isak te, Jakob te kawm a, ‘Na suonte pie ding ka hi,’ ti a ka na kipautiemna gam achun nang leh Aigupta gam apat a na hun puihdawkte hi zie tak apat hin va chiehto un.

DAN NIHNA 1:10

Lalpa na Pathien u chun a hun supung a, ngaitiem u, tuhin na tam lam u chuh van a aksi zah hiel na hung hi tau hi.

THILSIEMBUL 22:17

Vana aksi zah leh tuisuohgiet panga pîlnel zah in na suonte chuh hun supung ngêi ngêi ing ka, tih leh, na suonte chun a melmateu kulh kawtkhak bul chanin luoh in au.