PAWTDAWKNA 32:12 - PATHIEN LEKHABU THIENGTHO (BSI)

¹² Bang zieka Aigupta mite’n, ‘Amau dinga phalo ding leh, tânga thah ding leh, leichung apat a sukmangthai vek dinga a puihdawk ahi,’ a hun tih ding uh? Na lungnatna nasatak hi sudai inla, na mite chunga zie thil phalo hih tunsak dah hâm in.

PAWTDAWKNA 32:12 ပူးပေါင်းရင်းမြစ်များ

THILSIEMBUL 6:6

Tichun, lei ahin mihiem a na siem tâk ziekin Lalpa chuh a kisik a, a lunggil a nat lawh ta a.

1 LENGTE 8:51

Na mi na goluoh, Aigupta gam apat, thik hâltuina sung apat a na puihdawkte ahi ngâl u a.

EZRA 10:14

Tuhin, mipite thasang dingin ka lawiupa teu guot hi hen la, I Pathien uh lungnat na’n ei taihsan a, zie thu hi sukbeih a hih masang sieh; I khawpi teu a nam dang numei zi a neite a dingin hunbi guot saka, khawpi chenga upate tawh, a vaihawm teu cheng tawh hung khawm u hen, a tiu a.

SAM LEHKHABU THE PSALMS 106:45

Amau haw ziekin a thuthun chu a hezing a, A zahngaih dân bang zelin a lungthim a kilehhei ta a.

SAM LEHKHABU THE PSALMS 74:18

Aw Lalpa, zie hi hezing in, melma chun a hun gensie a, Nam ngawl chun na min a gensieu kha.

SAM LEHKHABU THE PSALMS 78:38

Himahlele amah chuh lainatna a dim ziekin, a gitloh nau chuh a ngaidam a, amau haw chuh a sumang puoi; Ahi, a lungnat na chuh tampi vei a zûkkik a, A lungnat na chengcheng chu a chawktho nuom sek puoi

SAM LEHKHABU THE PSALMS 85:3

Na lungnatna chengcheng na lamang ta a: Na lungnatna lauh-um na zûk kik a.

SAM LEHKHABU THE PSALMS 90:13

Aw Lalpa, hung kihei inla; bang chan lungnat guo na him? Na sawntawlawi chung ahin na lainatna sulang in,

PAWTDAWKNA 32:14

Tichun Lalpa’n a mite chungah thil phalo ahih guot chuh a kinungzuk ta a.

PAWTDAWKNA 33:13

Tia chuh na mit ka tun ngâl chun, nangmah ka hun hêtchet theihna dingin leh na mittung a ka um theihna dingin tuhin na lampite chuh lungsiet takin ei kâwkmuh in. Zie namte hi na mite dinga na tel ahiu hi tih le hezing in,” a ti a.

ISAI 64:7

Tichun, na min sama nang hun tu dinga kisuhalh kuomah a um puou a, kei u kawmah na mai na sel ta a; Ka gitloh ziekun nei sumangthai ta a.

ISAI 64:8

Tuhin vang chuh aw Lalpa, nang chuh ka pau na hi a, kei u hi bellei ka hiu a; nang chuh keihaw ei dengpa na hi. Zieziekchun, ka bawn u hin na khutsuok ka hiu hi.

JEREMIA 28:16

Zieziekchun, Lalpa chun hiti hin a tii: Ngaitie. lei chung apat hin hun sumangthai ding ka hi! Lalpa chunga kiphinna thu na gen ziekin, tu kum ngêi hin thi ding na hi,” a ti a.

EZEKIEL 20:14

Himahleh, ka puihdawk pet hete nam ngêi mit muh ah hihsiet a a um lohna dingun ka min ziekin ka tawi zaw ta a.

EZEKIEL 20:22

Himahleh, ka khut ka na tim a, amau haw ka puih dawk lai mute, Jentel te’n ka min a ngaihho lohna dinguh vangkhuopna’n ka na tawi zaw ta a.

EZEKIEL 20:9

Ahih ziekin ka min vangkhuopna’n a lak u a a chênna teu, Jentel te’n ka min chuh a ngaihho lohna dingun, amau mitmuh ngêi achun Israel te kawmah, Aigupta gam apat puidawk in, keimah ngêi ka na kihetsak a.”

JOEL 2:17

Ho-In hulliep leh maichâm kikala nasem thiempute chuh, kap kawmin paucham u hen la, “Aw Lalpa, ka chungu ah zahngai in! Nam dangte chuh, ‘Na Pathien uh khawia um a hi ta?’ ti a, musit tak leh ei nuihsan dingin umsak ki’n,” ti’n gen u hen.

AMOS 7:3

Zie thu ahin Pathien chuh a kisik a, “Na thilmuh hi hungtung puo’n a,” a ti a.

AMOS 7:6

Zie thu ahin Lalpa chuh a kisik a, Lalpa Pathien chun, “Zie hile hung tung lo ding ahi,” a ti a.

JONA 3:9

Khutichun, I manthai lohna dingun Pathien chuh lehhei kitin, lunghei in, a lungnatna nasa tak apat chun kilehhei puo’n a tih kuo a he?” ti’n.

ZEKARIA 8:14

Bangkim hihthei Lalpa chun hiti hin a tii, “Na chung u a sietna hun tunsak ding ka ngaihtuoh bang hin, na pileputeu in ei suklungnat lai u a, a chung u a thil phalo hih ding ka ngaihtuoh khan, ka kisik puoh a, ka thilhih guot chu ka hih ta a.

KISIMNA 14:19

Na zahngaihna a nasat dungzui in leh Aigupta gama pata na puihdawk akipat tuni chan a na ngaihdam bang hin, mipi haw gitlohna hi ngaidam in,” a ti a.

KISIMNA 16:21

“Zie mipite kawm apat hin kikhinkâng un, a mau haw hi mitphetlohkal a ka sukmang theih na dingin,” a ti a.

DAN NIHNA 13:17

Zie hansie lawh sa thil haw chuh khat le na khawih loh dinguh ahi; Lalpa chun a lungnatna nasatak chuh haihsan intin, zahngaihna hun muhsak intin, hun lungsiet intin,

DAN NIHNA 32:36

Lalpa chun a mite vaihawm intin, A suokte chungah lungsietna nei ina, A thilhih theihnau a beih a, um himhim um talo a a muh tieng.

DAN NIHNA 9:28

Khutilochun, nei puih dawkna gama mite chun, Lalpa’n a gam tiem a chuh a puih lut theih loh ziek leh a hawt zieka gamthip a suklup dinga a puih dawk ahiu ui, ti kha’n au.

JOSHUA 7:26

Chun, a chung achun suong a tieng vum u a, tuni tiengin a um nalai hi; chun Lalpa’n a lungnatna nasatak chuh a kiheisan ta a, khutichun zie mun min ding chun Akor guom a tiu a, tuni tieng hin Akor guom tih ahi tai.

JOSHUA 7:9

Kanaan te leh zie gama um chengcheng te hin heu untin, ei hun ûm untin, lei apat hin ka min uh hihmang kei ding ahiu hi; na min lopi tak hi bangti’n na hih ta die?” a ti a.

1 SAMUEL 12:22

Amin lopi tak ziek hin Lalpa chun a mite chu kilehheisan ding ahi puoh ngâla: A mite dinga hun siem chu Lalpa kipah lam tak ahi ngâla.