PAWTDAWKNA 31:18 - PATHIEN LEKHABU THIENGTHO (BSI)

¹⁸ Tichun Sinai tânga Mosi a hopih zawh chun thuthunna Suongpek nih, Pathien khutzung a zik suongpekte chuh Mosi a pie ta a.

PAWTDAWKNA 31:18 ပူးပေါင်းရင်းမြစ်များ

DAN NIHNA 4:13

A thuthun na zuih ding u a thu a hun piek, Thu sawm piek chuh na kawm u ah a phuong a, suongpek nih ah a zika.

DAN NIHNA 5:22

“Zie thu haw hi tânga khan meikuong haw leh meipi haw leh thim sah tak haw apat in aw ngeih tak in kikhawmte chengcheng kawmah Lalpa’n a gena, a behlap diek ta puoh a. Ziehaw chuh suongpek nih ah a zika, ei pie ta a.

PAWTDAWKNA 24:12

Khutichun Lalpa’n Mosi kawmah, “Tang ahin ka kawmah hung to inla, na umsung chun mipite na hilh ding suongpek a dân leh thupiek ka zik chuh hun na pie’ng ka,” a ti a.

2 KORINTH 3:3

Krista lehkha, eimau haw manga a thak; lehkhatui a zik hilo, Pathien hing Thagau a zik zawk; suong pêk a zik hilo, phehlevo lunggil pêk a zik ahi zawi tih, chien taka latsak ahi ngâl a.

PAWTDAWKNA 8:19

Khutichun mitvaidawi thiemte chun Pharaoh kawmah, “Ziehi Pathien thilhih ngêi ahi hi,” a tiu a. Himahleh, Pharaoh lungthim chuh sukkhauh in a um a, a thuu chuh a ngaitha nuom puoh a; Lalpa’n Mosi leh Aron kawma a na gen tâksa guol khan.

LUKE 11:20

Amah vang chuh ken Pathien khutzung vanga thithate nawhdawk sek ka hih chun, Pathien gam chuh na laku ah a hungtung tai tih a sulang ahi.

MATTHAI 12:28

Amahvang chuh. Ken Pathien Thagau zieka thithate delh dawk sek ka hih chun. Pathien gam chuh na kawm u a hung tung hi ta’n a.

JEREMIA 31:33

Chun, ziehaw zawh nunga Israel inkawte tawh thugawlh thak ka siem ding chuh ziehi ahi, Lalpa’n a tii: A lunggil u ah ka thupiek kawih ing ka ting, a lunggil uh a le zik ing ka. Kei hi a Pathien uh hi’ng ka ting, amau haw chuh ka mite hita’n au.

PAWTDAWKNA 24:18

Chun, Mosi chuh meipi laka tâng achun a va kalto a, chun, Mosi chuh tâng achun ni sawmli leh zan sawmli a va um hi.

HEBRAI 9:4

Zie tak achun gimlim hâlna sana maichâm leh, Thugawlh kawihna Thingkuong, sanati a kiluonkhum leh sana bel. Manna umna leh, Aron tiengkhut hung seldawk leh, suongpek nih, a chunga Thugawlh kizik chuh a um a.

2 LENGTE 11:12

Tichun, Jehoiada chun Joash chuh a hun puidawk a, lal lukhuk a khuk sak a, leng vaihawmna dante chuh a pie a. Tichun, sathau a nuh a, a khut uh a beng u a, “Leng chu damsawt hen,” ti’n a kiko u a.

DAN NIHNA 10:4

Chun suongpekte nih achun a masa haw chunga kizik tawbang, na kipunkhawm niu a tânga mei apat a Lalpa’n na kawm u a a gen Thu sawm piekte chuh a zika, Lalpa chun ei pie a.