PAWTDAWKNA 31:16 - PATHIEN LEKHABU THIENGTHO (BSI)

¹⁶ Khutichun Israel chate chun chawlhni chuh nit untin, a suonteu chana kumkhuo thugawlh melchikna a a nit zing dinguh ahi.

PAWTDAWKNA 31:16 ပူးပေါင်းရင်းမြစ်များ

JEREMIA 50:5

Zion lam zuona a chiehna dinguh dawng un tin, “Hung tiem u, kumlekhuo a bawhsiet tâk loh dingin Lalpa kawmah thugawlh siem hitiu,” ti’n au.

THILSIEMBUL 17:11

Tichun na zek vun uh taksa achun na tan dinguh ahi, zie chuh nang tawh I kikala thugawlh melchikna hi’n a.

THILSIEMBUL 9:13

Mei ah ka sakhizozum ka um sak a, zie chuh kei leh lei kal a ka thugawlh melchikna ding chuh hi’n a.

PAWTDAWKNA 31:15

Ni gup sung nasepna a mat ding ahi a; mahleh ni sagih ni chuh, chawlhdamna, kei a ding a ni thiengtho ahi. Kuole chawlhni a nasem taphawt chuh suklup ngêi ngêi ding ahi.

PAWTDAWKNA 31:17

Kei leh Israel chate kikal ahin kumkhuo a thugawlh melchikna ahi: ni gup sungin Lalpa’n lei leh van a siem a, chun, a ni sagih ni chun a chawla, chun a kichawldam tai,” ti’n a gen a.

ISAI 58:13

Chawlhni chuh bawhsie lo dinga, ka ni thiengtho a na deihlam hih lo dinga na kêngpêk chuh na kihei saka, chawlhni kipah-um na saka; Lalpa ni thiengtho chuh na zah a, nangmah lampi hawh lo a, nangmah thu gen lo a na limbawl chun,

NEHEMIA 13:15

Zie hun lai chun, Juda mi khenkhat chawlhni a uain thawk te, buhphal hun pawlut a, uain te, grep te, theipi te leh van puokgik chichuom chuom a sabiltung teu a hun puok sak haw chuh ka mu a; ziehaw chun chawlhni’n Jerusalem ah a hun pawlut u a. Chun, zie ni a nek ding a zawk u chuh a dikloh zie ka hetsak a.