PAWTDAWKNA 30:8 - PATHIEN LEKHABU THIENGTHO (BSI)

⁸ Chun, Aron in nitâk lama thaumei a det tieng gimlim chuh a hâl sek ding ahi a; zie chuh na suonteu chana Lalpa ma a gimlim hizing ina.

PAWTDAWKNA 30:8 ပူးပေါင်းရင်းမြစ်များ

HEBRAI 9:24

Krista chuh khuta sak, Mun Thiengtho, a tak kibatpih achun a lut puoh ngâl a; Pathien ma ah, I sik uh a ding dingin van ngêi ah a lut zaw ta a.

HEBRAI 7:25

Zieziekchun, amah zieka Pathien kawma hungte chuh a tâwp chanin a hukdam thei a, amau haw sik gensak dinga kumkhuo a a hin zing ziekin.

1 THESSALONIKA 5:17

hailo in paucham un la, bang hun ale kipahthu gen zingun.

ROME 8:34

Kuo a mawh chansak ding? A thi khah Krista Isu ahi ngâl a. Ahi, thihna apat a tho kit a, Pathien changlama um a, ei gensak pa mah kha ahi.

PAWTDAWKNA 12:6

Zie tha ni sawmleli tienga chuh na kawih ding ahi a; chun Israel mipi kikhawm khawm chengcheng chun mielzul a a thah ding uh ahi.

PAWTDAWKNA 27:21

Aron leh a chapate chun, ka umna puon-In sung a thugawlh umna bawm kawihna puonzak pawlam achun a det sek ding uh ahi. Zie taka ka umna chuh nitâk apat in zingkal chanin a det sek dinguh ahi. Zie thupiek hi Israel chate leh a suonteu in kumkhuo a dettaka a zuih dinguh ahi.

PAWTDAWKNA 30:7

Chun, Aron in zingkal cheng leh zie tak achun thil gimlim a hâl ding ahi a; thaumei guonggalh dinga a hung tieng leh a chunga chuh gimlim a hâl sek ding ahi.

PAWTDAWKNA 30:9

Zie tak achun gimlim dang ahim, hâlmang thillat ahim, nek theih thillat ahim na lat dinguh ahi puoh a; zie tak achun dâwn ding thilpiek le na sun ding uh ahi puoi.

1 SAMUEL 2:28

Chun, Israel phung chengcheng lak apat ka maichâm a va chieh a, gimlim hâla, ka ma a thiempu puonâk âk ding leh ka thiempu dingin amah chuh ka guot hilo ahim? chun, nanguh hun suonpa chu Israel te hâlmang thilpiek chengcheng ka pie hilo maw?

2 KHANGTHUBU 26:18

A kawm achun, “Uzziah; Lalpa kawma gimlim hâlna dingin thuneihna na nei puoi. Aron suona thiempu te chauh chu zie hih ding a chu kawihchuom ahiu ui. Zie munthiengtho hi pawtsan vak in, Lalpa Pathien na dodal a, a vangsakna le changlo na hi tai,” a tiu a.

SAM LEHKHABU THE PSALMS 141:2

Ka pauchamna hi thil gimlim tak guolin na masang ahin pawm in um hen la; Ka khut zak hi nitâk lam kithawihna guol in um hen.

PAWTDAWKNA 25:37

Zie a tun ding chu thaumei sagih na siem ding ahi: tichun thaumei haw chu tun a, a mazawnhawu chuh a salh theihna ding un.