PAWTDAWKNA 30:25 - PATHIEN LEKHABU THIENGTHO (BSI)

²⁵ olive thau hin khat tawh hun la’n la, gimlim siempa siem bangin thau nuh chuh thau thiengtho dingin na siem ding ahi: zie chuh thau nuh zat thau thiengtho hi’n a.

PAWTDAWKNA 30:25 ပူးပေါင်းရင်းမြစ်များ

PAWTDAWKNA 37:29

Chun, thau nuh chi, thau thiengtho leh hâl ding gimlim, gimlim siemte siem tawbang in a siem a.

1 KHANGTHUBU 9:30

Gimlim hel tuok viel chu thiempute mawhpuokna ahi.

PAWTDAWKNA 40:9

“Zie chun, thau nuh chi la’n la, puon-In leh a sunga um chengcheng te chuh nuh in, na sukthien tho ding ahi, a matchâk chengcheng te tawh: tichun hung thiengtho in a.

SAM LEHKHABU THE PSALMS 133:2

Luchang a thau mantam tak khabemul a luong tha, Aron khabemul ngêi a luong tha a, A puonâk chuol mawng a luong tha tawbang kha ahi;

SAM LEHKHABU THE PSALMS 89:20

Ka suok David chuh ka mudawk ta a; Ka sathau thiengtho chu amah chuh ka nuh ta a:

HEBRAI 1:9

Diktatna chuh na ngailul a, Sukkhelhna vang chuh na haw a. Zieziekchun, Pathien, na Pathien chun, Na lawite sang chun Lawpna thau a hun nuh tam zawk ahi,” tih leh,

KISIMNA 35:25

Chun, kipunkhawmte chun tuolthatpa chuh thisan phubalapa apat chun hukdawk untin, kikhawmkhawmte chun a taihlutna, bitna khawpi achun umsak kit untin, sathau thiengtho kinuh thiempu lien a thih ma cheng chun zie tak a chuh a um ding ahi.

PAWTDAWKNA 29:7

Tichun, thau nuh chi hun la’n la, a luchang a sunkhum in na nuh ding ahi.

PAWTDAWKNA 29:21

Chun, maichâm chunga thisan huntieng leh thau nuh chi chuh la’n la, Aron leh a silhlechen haw leh, a chapate leh a kawm u a um chapate silhlechen haw chuh na thehkhum ding ahi; tichun, amah leh a silhlechen leh a chapate leh a kawma um a chapate silhlechen te chuh sukthiengtho hung hi ta’n a.

PAWTDAWKNA 30:24

thingguithak chi dang sekel zanga, mun thiengtho a sekel a piek sek tawbang uh,

PAWTDAWKNA 30:32

Mi vantâng chunga sun ding ahi puoh a, zie kisiem dân tawbang hin na siem ding le ahi puoi: ziehi vang a thiengtho ahi a, tichun nang u di’n le thil thiengtho hi ding ahi.

PAWTDAWKNA 30:35

zie chun gimlim siemte siem bangin chi a sawh, chîm leh thiengtho takin gimlim na siem ding ahi.

PAWTDAWKNA 35:15

chun, gimlim hâlna maichâm leh a zawnna te, thau nuh chi te, hâl ding gimlim tak te, hobuk kawtkhak a zak ding kawtkhak puonzakte tawh;

THIEMPUDANTE 8:2

“Aron leh a chapate chuh ka umna puon-In kawtkhak lutna achun pui inla, chun, thiempu silhlechen leh thau nuh zat leh gitloh thawihna dingin bâwng tuoi, belam nih leh, chângthâk chawl sawhloh bawm chuh chawi inla,

THIEMPUDANTE 8:10

Mosi chun kinuh ding thau chuh a la a, Lalpa umna puon-In leh a sunga van chengcheng chuh nuh in, sukthienthona a bawl ta a.

THUGENPA 10:1

Tho thi chun gimlim bawma thil gimlim a hih namsie a, zie tawbang chun ngawlna neucha chun pilna nasatak a sumangthai sek hi.

PAWTDAWKNA 28:41

Ziehaw chun na suohpihpa Aron leh a chapate chuh na thuom ding ahi; kei dinga thiempu na sem a, zenvielna a sep theihna ding un, amau haw chuh thau nuh in, kawihchuom in, na hih thientho ding ahi.

1 LENGTE 1:39

Chun, thiempu Zadok chun temple apat sathau kawihna sa ki chuh a la a, Solomon chu sathau a nuh ta a. Chun, pengkun a mût u a; tichun mi chengcheng in, “Pathien in leng Solomon humbit hen,” a tiu a.