PAWTDAWKNA 30:10 - PATHIEN LEKHABU THIENGTHO (BSI)

¹⁰ Chun, Aron in kum khat leh khatvei maichâm kihaw chuh sukthienna a siem ding ahi; kichamna dinga gitloh thawihna thisan chun kum chengin khatvei maichâm ning li chuh a theh sek ding ahi. Zie chuh hun hungtung zel ding ale hun chengin na hih ding ahi, zie chuh Lalpa a dinga thiengtho pên ahi,” ti’n.

PAWTDAWKNA 30:10 ပူးပေါင်းရင်းမြစ်များ

THIEMPUDANTE 16:18

Chun, hâlmang thillat piekna maichâm lam achun pawt intin, kichamna siem intin; bâwngchal thisan leh kel thisan chuh chawi intin, maichâm kihaw a chun avel in tât ina.

HEBRAI 9:25

Judate Thiempu Lienpen chuh, gan thisante chawiin, kum cheng leh Mun Thiengtho pên achun a lut sek a. Himahlele, Krista chuh amah kilân dingin tamtak vei a lut puoi;

THIEMPUDANTE 23:27

Tha sagihna ni sawm ni chuh Tatna ni ahi a, nang u dingin kikhawppi thiengtho hi’n tin, na hinnau na sukgim dinguh ahi. Chun Lalpa masang a mei thillat na lat dinguh ahi.

HEBRAI 9:7

Himahleh, puonzak nihna dân sung achun, Thiempu Lienpen chuh, kum cheng leh khatvei chauh, amah gitlohna leh mipite gitloh thawihna ding a lat ding thisan chawi in amah chauh a lut sek hi.

HEBRAI 1:3

Amah chuh Pathien lopina eng leh, Pathien hihna kibatpih ngêi, a thu thilhih thei taka bangakai vawp det pa chuh ahi. Mi chengcheng dinga gitloh ngaihdamna a siem nung in, van a, Pathien Bangakai hihtheipa khut changlam akhun a va chu ta a.

THUPHUON 9:13

Chun, vânsâwlchâk gupna chun a pengkun chuh a vak mût a; tichun, Pathien ânga sana maichâm ning zum li a kipat chun aw ka za a.

PAWTDAWKNA 30:9

Zie tak achun gimlim dang ahim, hâlmang thillat ahim, nek theih thillat ahim na lat dinguh ahi puoh a; zie tak achun dâwn ding thilpiek le na sun ding uh ahi puoi.

PAWTDAWKNA 30:11

Chun, Lalpa’n Mosi kawmah, “Israel chate zah na sim tieng leh, a um zah na sim bang zel chun mitin in a hinnau tatna chuh a piek zel ding uh ahi,

THIEMPUDANTE 16:2

Lalpa’n Mosi kawmah, “Na suohpihpa Aron hopih in la, puonzak sunga mun thiengtho a Pathien bawm chunga zahngaihna chutphah ma achun hun dang guolin mawk lut hiel kihen, khutilochun, thi kha’na; zahngaihna chutphah chung achun meipi a hung kilak ding ka hi ngâla.

THIEMPUDANTE 16:16

Israel chate gitlohna ziek leh a bawhsiet na teu, a gitlohna teu chengcheng ziekin Munthiengtho a ding chuom in kichamna siem ina; zie guol mah chun, a thienlohna teu lak a um, kihona puon-In a ding inle siem ina.

1 LENGTE 1:50

Chun, Adonijah chun Solomon chu a lau ta a; a chieh a, maichâm kihaw chu a tu ta a.

1 KHANGTHUBU 6:49

Aron leh a suonte chun, gimlim thilpiek leh, maichâm a hâlmang kithawihna kihalte chu a lân sek u a. Mun Thiengtho pena Pathien hona leh, Pathien in Israel chate gitlohna a ngaihdamna dinga kithawihna thilte chunga mawhpuo ahiu ui. Zie thilte chu Pathien suok Mosi’n a piek guolin a hih u a.

THIEMPUDANTE 4:7

Chun, thiempu chun Lalpa ma ah kikhawp khâwmna puon-In a gimlim hâlna maichâm kihaw achun thisan chuh neukhat tât intin; a dang cheng chuh, kikhawp khâwmna puon-In kawtkhak kienga hâlmanga kithawihna maichâm bula chuh a sunthâk ding ahi.

THIEMPUDANTE 4:18

Chun, thisan huntieng chuh, puon-In sunga gimlim hâlna maichâm ki achun tât intin, a dang cheng chuh kikhawp khâwmna puon-In kawma hâlmang thillat maichâm bula chuh a sunthâk ding ahi.