PAWTDAWKNA 30:1 - PATHIEN LEKHABU THIENGTHO (BSI)

¹ “Chun, gimlim hâlna ding maichâm na siem ding ahi a; thinggi thinga na siem ding ahi.

PAWTDAWKNA 30:1 ပူးပေါင်းရင်းမြစ်များ

THUPHUON 8:3

Chun, vânsâwlchâk dang, gimlim hâlna sana bawm chawi kawmin a hung a, maichâm kieng achun a ding ta a. A kawm achun, gimlim tamtak, mi thiengthote pauchamna behlap ding leh, Lalchutphah maia sana maichâm a lat ding chun a pieu a.

THIEMPUDANTE 4:7

Chun, thiempu chun Lalpa ma ah kikhawp khâwmna puon-In a gimlim hâlna maichâm kihaw achun thisan chuh neukhat tât intin; a dang cheng chuh, kikhawp khâwmna puon-In kawtkhak kienga hâlmanga kithawihna maichâm bula chuh a sunthâk ding ahi.

PAWTDAWKNA 40:5

Chun, gimlim hâlna ding sana maichâm chuh thugawlh kawihna bawm masangah kawih inla, puon-In kawtkhak puonzak chuh na zak ding ahi.

2 KHANGTHUBU 26:16

Himahleh leng Uzziah chu a hung hât phet chun a hung chapo ta a. zie chun puksietna ah a pui ta a. Lalpa a Pathien musit in Ho-In a maichâm achun gimlim hâl dingin a chieh ta a.

1 LENGTE 6:20

Zie hona mun sung chu, a dunglam tawng sawmnih, a vailam tawng sawmnih, a sânlam tawng sawmnih ahi a; zie chu sana thieng tak ti’n a luonkhum a, sidar maichâm chule a luonkhum hi.

THIEMPUDANTE 4:18

Chun, thisan huntieng chuh, puon-In sunga gimlim hâlna maichâm ki achun tât intin, a dang cheng chuh kikhawp khâwmna puon-In kawma hâlmang thillat maichâm bula chuh a sunthâk ding ahi.

PAWTDAWKNA 30:10

Chun, Aron in kum khat leh khatvei maichâm kihaw chuh sukthienna a siem ding ahi; kichamna dinga gitloh thawihna thisan chun kum chengin khatvei maichâm ning li chuh a theh sek ding ahi. Zie chuh hun hungtung zel ding ale hun chengin na hih ding ahi, zie chuh Lalpa a dinga thiengtho pên ahi,” ti’n.

HEBRAI 9:4

Zie tak achun gimlim hâlna sana maichâm leh, Thugawlh kawihna Thingkuong, sanati a kiluonkhum leh sana bel. Manna umna leh, Aron tiengkhut hung seldawk leh, suongpek nih, a chunga Thugawlh kizik chuh a um a.

PAWTDAWKNA 30:2

A dunglam tawng khat, a vailam tawng khat hi ding ahi; ning li nei a siem ding ahi; chun, a san lam chuh tawng nih hi’n tin, a kite chuh maichâm chu tawh a kizawp vek ding ahi.

PAWTDAWKNA 35:15

chun, gimlim hâlna maichâm leh a zawnna te, thau nuh chi te, hâl ding gimlim tak te, hobuk kawtkhak a zak ding kawtkhak puonzakte tawh;

KISIMNA 3:31

Chun, a etkawl ding u haw chuh; Thugawlh kawihna bawm, dawhkhâng haw, khuoilu thaumei kawihna haw, maichâmhaw, Mun thiengtho a nasepna matchâk chengcheng haw, puonzak haw, zie a nasepna van chengcheng chuh hi’n a.

1 LENGTE 6:22

Chun, In chu a bawna a zawh thien masangsieh in a pum in sanati’n a luonkhum a. Mun thiengtho sung nunga Maichâm chule a pumpi’n sanati’n a luonkhum sak hi.

1 LENGTE 7:48

Chun, Solomon chun Temple a matchâk um chengcheng chu a siem a, sana maichâm leh Etsakna chângthâk umna dawhkân chuh sana’n a siem a.

1 KHANGTHUBU 6:49

Aron leh a suonte chun, gimlim thilpiek leh, maichâm a hâlmang kithawihna kihalte chu a lân sek u a. Mun Thiengtho pena Pathien hona leh, Pathien in Israel chate gitlohna a ngaihdamna dinga kithawihna thilte chunga mawhpuo ahiu ui. Zie thilte chu Pathien suok Mosi’n a piek guolin a hih u a.

1 KHANGTHUBU 28:18

sana thieng a siem, gimlim hâlna maichâm dingte; Cherub te, a thau zaka, Thugawlh kawihna Thingkuong khuhte dinna ding lim kangtalai guola siemna dingte tawh a pie a.

EZEKIEL 41:22

tawng thuma sang, tawng nih a sau, tawng nih a lien, a ning khuomte, a kingakna leh a pang te chuh thinga siem vek ahi. Zie mipa chun ka kawmah, “Ziehi Lalpa masanga dawhkhâng chuh ahi,” a ti a.

PAWTDAWKNA 31:8

dawhkhâng leh a matchâkte, sana thieng a siem thaumei kawihna leh a matchâk chengcheng te tawh, gimlim hâlna maichâmte,

PAWTDAWKNA 39:38

sana maichâm te, thau nuh chi te, hâl ding gimlim tak te, puon-In kawtkhaka zak ding puon zak te,

KISIMNA 4:11

Chuleh sana maichâm chuh puon dum in khuh untin uh, a khuhna ngalvang vun khuh kit untin uh, a zawnna mawlh a tuoh dinguh ahi.