7 Chun, Lalpa chun, “Aigupta gama ka mite chuh a gimtheih zieu ka mu zing a puo, suok enkawlte zieka a kiko thawm u chuh ka na za a; a lungkham nau chuh ka hezing ngâl a.
A lungkhamna chengcheng u achun amah chule a lungzîng seka, a masanga um Vânsâwlchâk chun amau chuh a hukdawk seka; a hehpihna leh a zahngaihna chun a tandawk ta a, a masang hun lai cheng khan amau chuh a puoh a, a pawm sek hi.
Khutichun, Aigupta mite chun na haksa taktak sep sak in, amau haw sugimthei dingin a chung u ah lawiupa a guot sak tau a, Israel chate chun lengpa dinga nek ding kawihkhawmna mun dingin Pithom khawpi leh Ramases khawpi achun In a sa tau a.
Chun, Leah chun nau a vawp a, chapa a hun hing a, a min dingin Reuben a sa a: “Lalpa chun ka gimtheih zie a muh ziek ahi hi: tuhin chuh ka pasal inle ei lungsiet ta’n a,” a ti a.
A mah chun gimtheih thuok haw gimtheih na chuh a musit puoh a, a kihdak puoi; A mai chuh ka masang ah a sel puoh a; A mah ka uou tieng a ngaitha sek hi.
“Zing leh tuhun vel hin Benjamin gam a pat in pasal khat hun sawl ding ka hi a, ka mi Israel te chunga lawiupa hiding in thau nuh in na tin, amah chun Philistia mite khuta pat in ka mite hukdam ina: a kiko thawm uh ka kawm ahung tun tâk ziekin ka mite chu ka ngaihsak ahi,” ti’n ana gen ta a.
Thiempu Lienpen, I hatlohnau ei hetpih a ei thuok pih khalo nei I hi puoh ngâl u a; eihaw guola bangakaia thepna tuoksa, hilele, gitlohna bei, nei I hi zawu ie.
Tuhin va chieh suk ing ka ting a kiko thawm uh ka kawm hungtung bang taka ahih u leh a hihloh uh en ing ka ting, a hihloh u le chuh he mai ing ka” a ti a.
Aigupta gama ka mite chuh, a dahum thuok zieu ka mu zing a puo, a mau git u le ka za zing a, amau hukbit dinga hung suk ka hi tai. Khaile; Aigupta gam ah hun sawl ing ka,’ a ti a.
Chun, Lalpa vânsâwlchâk mah chun a kawmah, “Ngaitie, nau na vawp ta a; chapa nei in na tin. Lalpa’n na gimtheih zie hi a het tâk ziekin a min in Ishmael na sak ding ahi.
Chun, Pathien in naupang aw chuh a za a; Pathien vânsâwlchâk in van apat in Hagar chuh a vak sama, a kawmah, “Hagar, bang na ti a ahi? lau kih, a umna a naupang aw kha Pathien in a za apuo!
Amah chun, ‘Vak dâk inla, en in, a chal gancha bawh haw chengcheng khu: a zetan haw, a sihkap haw, a zekai zeng zung haw ahiu khu: Laban in na chunga thil a hih cheng hi ka mûi.
Ka pa Pathien, Abraham Pathien, Isak in a lauh chuh, ka kawma umlo hile vang chuh, tuhin le ngawnchang a ei chieh kit sak ngêi ngêi ding na hi hi. Pathien in ka liengvaih dân leh ka sepgim dân hi a mu a, thangnitak a chuh a hun hilhgaih ahi chu,” a ti a.
Tichun suok enkawl haw leh lawiupate chuh a chiehdawk u a, Israel chate kawm achun, “Pharao’n ‘Buhpawl vang hun pie ta lo ding ka hi,’ a tih ahi, a tiu a.
Tia chuh na mit ka tun ngâl chun, nangmah ka hun hêtchet theihna dingin leh na mittung a ka um theihna dingin tuhin na lampite chuh lungsiet takin ei kâwkmuh in. Zie namte hi na mite dinga na tel ahiu hi tih le hezing in,” a ti a.
Tichun Lalpa ka sam u a, ka kiko aw teu chuh a na za a, a van sawlchak a hun sawl a, Aigupta gam apat in ei puidawk a, Tuhin na gam tawppen a Kadesh a hin ka um tau hi,
Chun, Jehoahaz chu Lalpa kawmah a paucham a, Lalpa’n, Israel te sukgimtheih a a um u a, Suria leng in amau haw a nuoisieh dân chu mu’n, a pauchamna chu a dâwng a.
“Vaikit in la ka mite lawiupa Hezekia kawmah zie thu hi gen in; Lalpa na pu David Pathien chun hiti hin a tii, Na pauchamna kha ka za a, na mittui kie le ka mûi. Ngaitie, hun sudam ing ka ting, ni thum sungin Ho-In ah chieh inla.