PAWTDAWKNA 3:6 - PATHIEN LEKHABU THIENGTHO (BSI)

⁶ “Chun, kei hi na pa Pathien, Abraham Pathien, Isak Pathien, Jakob Pathien chuh ka hi hi,” a ti kit a. Tichun Mosi chun a mai a khuh ta a; Pathien a en ngam puoh ngâla.

PAWTDAWKNA 3:6 ပူးပေါင်းရင်းမြစ်များ

LUKE 20:37

Mosi’n le mithite a thawhkit dân uh, kichien takin a hetsak kha. Nawnglaka meikuong thu a khan, Lalpa chungchâng thu gen in, ‘Abraham Pathien, Isak Pathien, Jakob Pathien,’ ti’n a gen a.

MATTHAI 22:32

‘Kei Abraham Pathien, Isak Pathien, Jakob Pathien chuh ka hi,’ Pathien chuh mithi Pathien ahi puoh a, mihing Pathien ahi zawi” a ti a, a dâwng a.

MARK 12:26

Mithi haw kaihthawha a um ding thuu chuh: Mosi lehkhabu a, hambawk laka meikuong thu akhan na sim kha puou maw? Zie taka khan, Pathien in, ‘Kei Abraham Pathien, Isak Pathien, Jakob Pathien ka hi, ti’n Mosi kawmah a gen ngâl a,’ ti’n.

PAWTDAWKNA 4:5

Zie chuh Lalpa, “A pileputeu Pathien, Abraham Pathien, Isak Pathien, Jakob Pathien chuh na kawmah ahung kilak ngêi hi tih a ginchak theihna dinguh ahi,” a ti a.

NASEPTE 7:32

‘Kei, nang hun suonte Pathien, ka hi hi, Abraham Pathien, Isak Pathien, Jakob Pathien chuh,’ a na ti a. Tichun, Mosi chuh a kilîng a, a en ngam ta puoh a.

THILSIEMBUL 28:13

Chun, ngaitie, a sip achun Lalpa a dinga, “Kei hi Lalpa, na pu Abraham Pathien leh Isak Pathien chuh ka hi: na kuolna lei khah nang leh na suonlepak te hun pie’ng ka.

THUPHUON 1:17

Amah ka muh phet chun, a thi tawbang in a keng bul ah ka puk ta a. Chun, amah chun a khut changlam chuh ka chunga nga’n, ka kawmah, “Lau dah ta’n, Kei a Masapen leh a Nunung pên chuh ka hi.

1 LENGTE 18:36

Nitâk lam kithawih hun vel chun hiti hi ahi a, thiemgau Elijah chun a va naih a, “Aw Lalpa, Abraham te, Isak te, Jakob te Pathien, nang hi Israel gam ahin Pathien na hi a, kei hi na suok ka hi a, ziehaw chengcheng hi nangmah thu a ka hih ahi tih hi tuni hin heu hen.

VAIHAWMTE 13:22

Chun, Manoah chun a zi kawmah, “Pathien mu I hih ziekin thi ngêi ding I hi,” a ti a.

JEREMIA 32:38

Chun, ka mite hiu untin, kei a Pathien uh hing ka ting,

JEREMIA 31:33

Chun, ziehaw zawh nunga Israel inkawte tawh thugawlh thak ka siem ding chuh ziehi ahi, Lalpa’n a tii: A lunggil u ah ka thupiek kawih ing ka ting, a lunggil uh a le zik ing ka. Kei hi a Pathien uh hi’ng ka ting, amau haw chuh ka mite hita’n au.

JEREMIA 24:7

Tichun, Lalpa ka hi tih ei hetna dingun lungthim pie’ng ka ting, tichun, ka mite hiu intin, Kei a Pathien uh hi’ng ka ting; a lunggil tak tak uh pum in ka kawma hung vaikit ding ahi ngâl uh a.”

SAM LEHKHABU THE PSALMS 132:2

Lalpa kawmah a kihâksiel a, Jakob mihat kawma thu a tiem zie khah:

1 LENGTE 19:13

Chun, hiti hi ahi a, Elijah chun zie chuh a het phatin, a puon-In a mai a khuh a, a va pawt a, kawlpûk kawtkhak achun a va dinga. Ngaitie, aw chun a kawmah, “Elijah, zie tak ahih bang hih na hi?” a hun ti a.

PAWTDAWKNA 29:45

“Tichun, Israel chate lak achun chêng ing ka ting, chun, a Pathien uh hi’ng ka.

THILSIEMBUL 32:9

Chun, Jakob chuh a paucham a, “Aw, ka pu Abraham Pathien, ka pa Isak Pathien, Aw Lalpa, ‘Na gam lam leh na inkawte kawmah chieh kit ta’n, tichun hun bawlpha’ng ka,’ ei tipa,

THILSIEMBUL 31:42

Ka pa Pathien, Abraham Pathien, Isak in a lauh chuh, ka kawma umlo hile vang chuh, tuhin le ngawnchang a ei chieh kit sak ngêi ngêi ding na hi hi. Pathien in ka liengvaih dân leh ka sepgim dân hi a mu a, thangnitak a chuh a hun hilhgaih ahi chu,” a ti a.

THILSIEMBUL 26:24

Zie zan chun Lalpa chuh a kawmah a hung kilak a, “Kei hi na pa Abraham Pathien chuh ka hi: lau ki’n, na kawmah ka um hi, vang hun pie’ng ka ting, ka suokpa Abraham ziekin na suonte chuh hun hihpung ding ka hi,” a ti a.

THILSIEMBUL 17:3

Chun, Abram chuh a bawkkhup ta a: chun, Pathien in amah chuh a hopih a,

THILSIEMBUL 12:7

Lalpa chuh Abram kawmah a kilak a, “Zie gam hi na suon te kawmah pie’ng ka,” a ti a: tichun zie tak achun a kawma kilak Lalpa a ding chun maichâm a siem tai.

THILSIEMBUL 12:1

Chun, Lalpa’n Abram kawm achun, “Na khuo leh na inkuonpihte leh na pa in apat in pawt inla, gam ka hun etsakna ding lam achun chieh ah:

HEBRAI 12:21

A thil muh uh chuh a tizat-um mah mah a, Mosi chun, “Ka lau in, ka kithing nasa mah mah hi!” a ti hiel ahi.

NASEPTE 7:34

Aigupta gama ka mite chuh, a dahum thuok zieu ka mu zing a puo, a mau git u le ka za zing a, amau hukbit dinga hung suk ka hi tai. Khaile; Aigupta gam ah hun sawl ing ka,’ a ti a.

LUKE 5:8

Simon Peter in zie chuh a muh phetin, Isu masang achun a khupbawk a, a kawmah, “Lalpa, ei taihsan ah, migilo ka hi,” a ti a.

MATTHAI 17:6

Chun, sinsakte chun zie chuh a het un, maia tuol si’n a khupbawk u a, a lau mah mah tau a.

ZEKARIA 8:8

Chun, hun puikhawm ing ka ting, Jerusalem ah cheng tan au, Tichun, ka mite hiu in tin, Kei a Pathien uh hi’ng ka.”

EZEKIEL 11:20

Tia chuh ka dân siem haw a zuih u a, ka thutanna haw a zuih u a, a hih theih na dingun. Khutichun, amau chuh ka mite hi’n tin un; keile a Pathien uh hing ka.

NEHEMIA 9:9

“Aigupta gama ka pileputeu gimtheih zie chuh na mu zing a, Tuipi San panga a kiko thawm chuh na za a.

ESTHER 3:4

ni chengin hih dingin a nawh u a, himahlele a ngaihsak nuom diek puoh a, “Kei Juda mi ka hi a, Haman masang ah ka bawkkhup thei lo a hi” tin a gen ta a.

HEBRAI 11:16

Himahleh, tu’n vang, gam phazaw sem ut a na hiu a, zie chuh van a um a hi; khutichun, Pathien chun, a Pathien uh tih a um chuh a zakcha puoi; amau dingin khawpi khat guotsa a kawih sak tâk ziekin.

THILSIEMBUL 24:12

A paucham a, “Aw Lalpa, ka pu Abraham Pathien, lungsiet takin tuni hin ei lawhtin sak inla, ka pu Abraham chung ahin na lungsietna latsak in.

PAWTDAWKNA 3:16

Chun, chieh inla, Israel upahaw samkhawm inla, tichun a kawm u ah, ‘Lalpa nang uh hun suonte Pathien, Abraham Pathien, Isak Pathien, Jakob Pathien chuh na kawm u ah a hung kilak ta a, Aigupta gama na chung u a a hih zieu haw hi ka mu tai’ a tii, ti’n gen in, a ti a.

PAWTDAWKNA 15:2

Lalpa chuh ka hatna leh la ahi, Amah chuh ka hukdamna le a hung hii; Ka Pathien ahi a, amah chuh pakcha’ng ka. Amah chuh chawisâng ing ka.

THILSIEMBUL 28:17

Tichun, a lau a, “Zie mun hi a lauh-um na e, ziehi mun dang hilo in Pathien In ahi hila, ziehi van kawtkhak ana hi hi uo,” a ti a.

PAWTDAWKNA 33:20

Lalpa chun, “Ka mel vang mu thei puo’n la: a ziek chuh, mihing ka mel mu a hing kuomah a um puoh ngâla,” a ti a.

DAN NIHNA 6:3

Zieziekchun, Aw Israel mite haw, na hung lamzan u a, na pileputeu Lalpa Pathien in a hun na tiem guola khuoizu leh bâwngnawi luonna gama chuh nasa taka na hung pun theihna dingun ngaithau inla, gunchuh taka zui dingin chingthei un.