PAWTDAWKNA 3:20 - PATHIEN LEKHABU THIENGTHO (BSI)

²⁰ Tichun ka khut zak ing ka ting, Aigupta te chunga thil lauh-um ka hih ding chengcheng chun gawt ing ka, zie tieng chuleh vang hun pawtsak ta’n a.

PAWTDAWKNA 3:20 ပူးပေါင်းရင်းမြစ်များ

NASEPTE 7:36

Amah chun, Aigupta gam ale, Tuisuohgiet San ale, Thalek haw achun, kum sawmli sungin, thilmak leh melchiknate a muh sak zet a, amau haw a pui dawk ta a.

NEHEMIA 9:10

Tichun, Pharaoh leh a suokte leh a gama mi chengcheng te chungah melchikna leh thilmak haw na latsak a. Chapo taka a chung u a thil a hih teu chuh na he a, tichun, tuni tieng hin min in na nei ta a.

DAN NIHNA 6:22

Chun, Lalpa’n ka mitmuh ngêi un Aigupta mite chung leh Pharaoh chung leh a miliente chengcheng chung achun melchikna leh thilmak nasatak tak leh lungzîn-um taktak haw a latsak a;

PAWTDAWKNA 9:15

Khutichu hi kile chuh, ka khut tha’ng ka ting, khawvel apat ahih hun na sumang kêi ta ding ka hi a.

PAWTDAWKNA 6:6

Zieziekchun Israel chate kawm achun, ‘Kei Jehovah chuh ka hi a, hun hukdawk ing ka ting, Aigupta te suok a na umnau apat hin hun suohchak sak ing ka. A chung u a gawtna lauh-um tak a tun theihna dingin bân zak hiel in hun hukdawk ing ka.

SAM LEHKHABU THE PSALMS 105:27

Amah chun tiemtehna haw chu a hih u a, Ham gam achun thilmakte a etsak u a.

PAWTDAWKNA 12:39

Aigupta gam apat a chângthâk chawl sawhloh a puok hawu chun chângthâk a siem u a, Aigupta gam apat a kintaka delhdawka a um ziek u leh a um sawt theih takloh ziekun nek ding nasan le a guonggalh man ta puou hi.

EZEKIEL 20:33

“A hin a ka hin sung chuh, khut hât tak leh bân zak kawm leh lungna kawmin na chung u ah vaihawm ing ka, Lalpa Pathien chun a tii.

ISAI 26:11

Aw Lalpa, na khut chuh na dawmsang a, himahleh a mu ngâl puou a; amahvang chuh, mite dinga na phatchuomngaihna chuh muu untin, zakcha ta’n au; ahi, nang hun dote chuh mei in kângtum ina.

ISAI 19:22

Lalpa chun Aigupta te chuh zêp intin, himahleh, zie hun chuleh sudam ina. Tichun, Lalpa kawmah vaikit untin, amah chun amau haw ngetna chuh za’n tin, amau haw chuh sudam ina.

SAM LEHKHABU THE PSALMS 106:22

Ham gama thilmak a hih te, Tuipi San panga thil huoisie takte hihpa chuh.

SAM LEHKHABU THE PSALMS 105:38

A pawtdawk lai u chun Aigupta te chuh a kipâk u a: Amau haw tizatna a adim tâk ziekun.

VAIHAWMTE 8:16

Tichun, zie khuo a upate chuh a man u a thalek ling leh hamlingneite chuh mang in Sukkoth mite chuh a gawt ta a.

VAIHAWMTE 6:8

Lalpa’n Israel chate lak achun thiemgau a hun sawl a; amah chun a kawm u ah, Lalpa Israel te Pathien in hitihin a tii, “Aigupta gam apat chuh ka hun puidawk a, saltanna mun apat a ka hun puihdawk na hiu hi.

DAN NIHNA 4:34

Ahihloh leh, Lalpa na Pathien un Aigupta gama na mitmuh ngêi u a a hih guola patepnate, thilmakte manga nam dang lak apat amah dinga nam khat puihdawk guo pathien a um kha mawng mawng em?

PAWTDAWKNA 11:1

Chun, Lalpa’n Mosi kawm achun, “Pharaoh chung leh Aigupta chung ahin khatvei chuh hi vak lênsak kit ing ka; zie nung chuleh vang hun pawtdawk sak in au; a hun pawtdawk sak phat chuleh, zie apat hin na bawn un hun nawhdawk thawh hiel ina.

PAWTDAWKNA 6:1

Chun, Lalpa chun Mosi kawmah, “Tu’n vang lengpa chunga ka hih ding chuh mu ta ding na hi, khut hattak ziekin ka mite chuh pawtsak intin, chun, khut hât tak ziek chun amau haw chuh a gam apat chun nawhdawk ina,” a ti a.

THILSIEMBUL 15:14

Himahleh, suok a hun nei namte chung achun ken vaihawm ing ka ting; zie nung chuleh neih leh lam tamtak nei in hung pawt un au.

PAWTDAWKNA 4:21

Chun, Lalpa’n Mosi kawmah, “Aigupta gam na tun tieng leh na khuta thilmak ka hun hihsak chengcheng kha Pharaoh masangah hih ngêi ngêi in; himahlele a lungthim sukkhauh sak ing ka ting, tichun mihaw chuh pawt sak phal puo’n a.

PAWTDAWKNA 13:3

Chun, Mosi’n mipite kawm achun, “Aigupta te suok apat a na pawt niu tuni hi hezing un; zie ni hin Lalpa’n a thilhih theihna’n nang uh a hun puidawk a: chângthâk chawl kisawh himhim chuh na nek loh dinguh ahi.

PAWTDAWKNA 13:9

Lalpa Dan chuh na kam u a a um zing theihna ding in, na khut u a melchikna leh, na mit u kikala hetzingna guola na neih ding uh ahi, khut hattak a Lalpa’n Aigupta gama pata a thilhih theihna a a hun puihdawk na hiu hi.

PAWTDAWKNA 15:6

“Na khut changlam chuh, aw Lalpa, thilhih theihna’n a lopi a, Na khut changlam chun, aw Lalpa, melma chuh a sunel vek ta a.

PAWTDAWKNA 15:11

“Aw Lalpa, pathien haw lak ahin nang bang hi kuo a um? Thienthona lama lopi leh, Pahchak tâk hihna lama zahum leh, thilmakte hih sek, Nang tawbang kuo a um?

MIKA 7:15

Aw Lalpa, Aigupta gam apat a nei puih dawk laia, thilmak na hih bang khan, tuhin le ka kawm u ah hih in.