PAWTDAWKNA 3:2 - PATHIEN LEKHABU THIENGTHO (BSI)

² Chun, nawnglak a chun Lalpa vânsâwlchâk chuh meikuong in a kawmah a hung kilak a, chun, a vak en a, ngaitie, nawnglak chuh mei in a ka a, mahleh a katum puoi tih chuh a mu a.

PAWTDAWKNA 3:2 ပူးပေါင်းရင်းမြစ်များ

THILSIEMBUL 21:17

Chun, Pathien in naupang aw chuh a za a; Pathien vânsâwlchâk in van apat in Hagar chuh a vak sama, a kawmah, “Hagar, bang na ti a ahi? lau kih, a umna a naupang aw kha Pathien in a za apuo!

THILSIEMBUL 22:11

Himahlele, Lalpa vânsâwlchâk in van apat in amah chuh a vak sama, “Abraham, Abraham!” a vak ti a: chun amah chun, “Zie hin ka um hi,” a ti a.

THILSIEMBUL 48:16

Gitlohna chengcheng apat a ei hukdawk sek vânsâwlchâk chun, naupangte hi vangsak hen! Chun, ka min leh ei suonte Abraham leh Isak min chuh zie naupangte chung ahin um zing hen! chun, khawvel lailung ah mipi nasa tak hiding in hung pung u hen,” a ti a.

SAM LEHKHABU THE PSALMS 66:12

Nangin ka lu chung uh ka melmateu na tawh den saka; Tui leh meipi lak ah ka chieh pai u a; tichun, mun hausa taka lut dingin nei puidawk ta a.

PAWTDAWKNA 19:18

Chun, Sinai tânga chuh Lalpa chuh mei a a hungsuk ziekin; zie meikhu chuh hâltuina meikhu bang mai in a khu to nguoh nguoh a, tichun tâng pumpi chuh a lîng dup dup a.

PAWTDAWKNA 23:20

“Ngaitie, nang haw lampi a hun veng zel ding leh, mun ka siemna a hun puilut dingin na masang u ah vânsâwlchâk sawl ding ka hi.

PAWTDAWKNA 24:17

Israel chate mitmuh chun Lalpa lopina lat dân chuh tângsipa hâltuina meikuong tawbang hiel ahi.

PAWTDAWKNA 3:16

Chun, chieh inla, Israel upahaw samkhawm inla, tichun a kawm u ah, ‘Lalpa nang uh hun suonte Pathien, Abraham Pathien, Isak Pathien, Jakob Pathien chuh na kawm u ah a hung kilak ta a, Aigupta gama na chung u a a hih zieu haw hi ka mu tai’ a tii, ti’n gen in, a ti a.

ISAI 43:2

Tuite na palkaih tieng u leh, kei na kawm u ah um ing ka ting; luipite na palkaih tieng uh lele, na buoinau chun hun chup puo’n a. Mei a na chiehpai tieng u lele, hun katum puo’n tin, meikuong in hun ka diek puo’n a.

ISAI 63:9

A lungkhamna chengcheng u achun amah chule a lungzîng seka, a masanga um Vânsâwlchâk chun amau chuh a hukdawk seka; a hehpihna leh a zahngaihna chun a tandawk ta a, a masang hun lai cheng khan amau chuh a puoh a, a pawm sek hi.

DANIEL 3:27

Khutichun, thuneite, vaipawte, gampawte leh leng lemguotpihte chengcheng chuh a hung khawm u a, tichun zie mite taksa chung achun mei in thilhih theihna a nei puoh a, a luchang u a samzangte chu le a kachawn diek puoh a, a puonâk chuolteu le a zatchuom diek puoh a, mei gim himhim le a nam puou hi tih a mu tau a.

ZEKARIA 13:7

“Aw chemzâm, kipan inla, ka belampu leh ka na seppih pa chuh do ah! Belampu chuh zêp inla, belam hawn chuh dalh u hen. A note chung achun ka khut tha ding ka hi.

MALAKI 3:1

“Ngaitiem u! ka sawlchak hun sawl ding ka hi a, Ka masangah lampi hun guonggalh ina. Tichun, na hawl uh, Lalpa chuh a Ho-In ah thakhat in hung phut ina. Thuthun Sawlchak na kipahpih u chuh hung in tin, ka thu chuh hung phuong dawk ina,” Bangkim hihthei Lalpa chun a tii.

MARK 12:26

Mithi haw kaihthawha a um ding thuu chuh: Mosi lehkhabu a, hambawk laka meikuong thu akhan na sim kha puou maw? Zie taka khan, Pathien in, ‘Kei Abraham Pathien, Isak Pathien, Jakob Pathien ka hi, ti’n Mosi kawmah a gen ngâl a,’ ti’n.

LUKE 20:37

Mosi’n le mithite a thawhkit dân uh, kichien takin a hetsak kha. Nawnglaka meikuong thu a khan, Lalpa chungchâng thu gen in, ‘Abraham Pathien, Isak Pathien, Jakob Pathien,’ ti’n a gen a.

JOHAN 1:14

Tichun, Thu chuh phehlevo a hung suok a, I laku ah a um ta a, lungsietna leh thutak in a dim hi. Pa Cha chang khat neih, lopi guolin, a lopi zie I muu hi.

ROME 8:3

Phehlevo zieka Dan chuh a hatloh a, a hih theih guol loh chuh, Pathien in amah Chapa ngêi, phehlevo gitloh bang pu’n, gitloh thawihna dingin a hun sawl a, phehlevo a gitlohna um chuh mawh a hun chansak ta a:

DAN NIHNA 33:16

Lei leh a chunga thil lul haw chun, Sinai a cheng pa deihsakna chang ta hen; Zie vangsakna chuh Joseph lu chung ah um henla, A suohpihte lak apat khenchuom a umpa luzâng achun um hen.

DAN NIHNA 4:20

Lalpa chun a mite, a go hiding in thik hâltuina apat, Aigupta gam apat chuh ahun puihdawk zawk na hiu hi, tu a na hih na bang u hin.

2 THESSALONIKA 1:7

tichun, nangmau haw chunga leh, keihaw chung ahin chawlhdamna ei pie’n a. Zie chuh, Lalpa Isu van a kipat, a vânsâwlchâk hattak tawh,

VAIHAWMTE 13:13

Chun, Lalpa vânsâwlchâk chun a kawmah, “Numei kawm a ka gen haw cheng kha chingthei takin ngaihtuoh hen,” a ti a.