PAWTDAWKNA 3:13 - PATHIEN LEKHABU THIENGTHO (BSI)

¹³ Chun, Mosi’n a dâwng a, “Ngaitie, Israel chate kawm a ka chieh tieng leh a kawm u ah, ‘Na pileputeu Pathien chun na kawm u a ei sawl ahi,’ va ti leng, amau chun, na min ei dawng taleu bangti’n ka dâwng die?” a ti a.

PAWTDAWKNA 3:13 ပူးပေါင်းရင်းမြစ်များ

ISAI 9:6

Ei u dingin naupang a hung pieng a, Chapa piek in I um tau a! Vaihawmna chuh a liengko ah um intin; Amin chuh “Mak, Lemguottu, Pathien Hat, Kumsawt Pa, Chamna Lal Cha,” tih hi ding ahi ngâla.

MATTHAI 1:21

Chapa hun hing in tin, a min dingin ISU sa’n la: amah chun a mite a thil hihkhelh nau apat hukdam ding ahi ngâl a,” a ti a.

JEREMIA 23:6

A hun sungin Juda chuh hukdam hiu un tin, Israel chuh bit takin um ina. Chun, ziehi a min a sapna dinguh chuh a hi: ‘LALPA CHUH I DIKTATNAU AHI’ tih hi.

ISAI 7:14

Zieziekchun, Lalpa ngêi chun melchikna hun pie’n tin, ngaitiem u, nungak thiengtho chuh gai intin chapa hing intin, a min dingin Immanuel sa’n au.

THUCHINGTE 30:4

Kuo a van a kal a hung kum kit chuh? Kuo a khutpêk a huih simkhawm thei chuh? Kuo a puo’n a tui chu’n thei? Kuo a lei ning li gamgi phutdet? Amah chuh kuo ahi? A chapa min na he kha?

PAWTDAWKNA 3:14

Chun, Pathien in Mosi kawmah, “KEI CHUH KEI KA HI” a ti a. Chun, a kawm u ah: “KEI KA HI, kiti chun na kawm u a ei sawl ka hi,’ na tih ding ahi,” a ti a.

THILSIEMBUL 32:29

Chun, Jakob in amah chuh a dâwng a, “Lungsiet takin na min ei hilh in,” a ti a. Amah chun, “Bang zieka ka min nei dawt ahi?” a ti a. Chun, zie tak achun a vangsak ta a.

MATTHAI 1:23

“Ngaitie, nungak thiengtho chuh gai intin, chapa hing intin, a min dingin Immanuel sa’n au,” ti a a gen kha. (Zie chuh “I kawmah Pathien a um” tihna ahi.)

VAIHAWMTE 13:17

Chun, Manoah chun Lalpa vânsâwlchâk kawm achun, “Na min bang ahim, na thugen bang taka a hung tun tienga ka hun limbawl theih na dingun?” ti’n a dawng a.

VAIHAWMTE 13:6

Khutichun, numei chun a pasal kawmah, “Pathien mi khat ka kawmah a hunga, a mel chuh vânsâwlchâk mel tawbang ahi a, lauh-um tak ahi; khawi gam mi na him ti’n ka dawng khel puoh a, amah chun le a min ei hilh diek puoi.

PAWTDAWKNA 15:3

Lalpa chuh galdo hât ahi; Amin chuh Lalpa ahi.

NASEPTE 3:13

Abraham te, Isak te, Jakob te Pathien, ei suonteu Pathien chun, a suok Isu hi a limbawl ahi ta hi. Amah chuh na matsak u a, Pilate in thahdawk a guot nasan inle, a masang ngêi ah na deih loh uh ahi kha.

PAWTDAWKNA 3:12

Chun, Lalpa Pathien chun, “Na kawma um ding ka hi a, tichun keimah hun sawl ngêi na hi tih ziehi nanga dingin melchikna hi’n a; Mipite chuh Aigupta gam apat a na hun puihdawk tak chuleh, zie tâng ngêi ahin Pathien hun ho inlau,” a ti a.

PAWTDAWKNA 3:15

Chun, Pathien mah in Mosi kawm achun, “Nangin Israel chate kawm achun, ‘Lalpa nang uh hun suonte Pathien, Abraham Pathien, Isak Pathien leh Jakob Pathien chun, na kawm u ahin ei sawl ka hi a, ziehi kumkhuo a ka min chuh ahi a; ziehi suon chengcheng chana nei hetna ding u chuh ahi,’ ti’n gen in.

PAWTDAWKNA 7:16

Chun, a kawmah, “Lalpa, Hebraite Pathien in, ka mite hin thalek a ei ho theihna dingun chiehdawk sak in,” ti’n na kawma ei sawl ahi; himahlele tuchan hin na ngaitha nuom nai puoh a.

ISAI 52:6

Zieziekchun, ka mite chun ka min he tau intin, zie ni ngêi chun a kawm u ah, ‘Zie hin ka um hi,’ tipa hi hechien ta’n au.”