PAWTDAWKNA 3:12 - PATHIEN LEKHABU THIENGTHO (BSI)

¹² Chun, Lalpa Pathien chun, “Na kawma um ding ka hi a, tichun keimah hun sawl ngêi na hi tih ziehi nanga dingin melchikna hi’n a; Mipite chuh Aigupta gam apat a na hun puihdawk tak chuleh, zie tâng ngêi ahin Pathien hun ho inlau,” a ti a.

PAWTDAWKNA 3:12 ပူးပေါင်းရင်းမြစ်များ

THILSIEMBUL 15:1

Zie thil haw nung chun, Lalpa thu chuh Abram kawmah vaulam in a hung tung a, “Abram, lau kih, kei hi na phaw ka hi a, na kipahman chuh lopi tak hiding ahi” ti’n

THILSIEMBUL 15:8

Himahleh, amah chun, “Aw Lalpa Pathien, luoh ding ka hi tih bangti’n a ka het theih ding?” a ti a.

THILSIEMBUL 26:3

Zie gam ahin um tadih inla, tichun na kawmah um zing ing ka ting, hun vangsak ing ka ting; zie gam chengcheng hi nang leh na suonte pien, na pa Abraham kawma ka kihâksiel na kha sudet ing ka.

THILSIEMBUL 31:3

Chun, Lalpa chun Jakob kawmah, “Nang hun suonte leh na inkawte kawmah chieh kit ta’n; na kawmah um zel ing ka,” a ti a.

2 LENGTE 19:29

Chun, Isai chun Hezekia kawmah, “Ziehi thil hungtung ding melchikna hi’n a, tu kum in, buhsang sen un na tin uh, kum kit lele a sang mah: chun, a kum thumna achun, buhte tuh thei ta’n na tin uh, ât un na tin uh, grep huonte bawl in a gahte le ne ta’n lau.

1 KHANGTHUBU 9:20

Eleazar chapa Phinehas chu lawiupa a hi a, Lalpa chuh a kawmah a um a.

SAM LEHKHABU THE PSALMS 86:17

Phatna tiemtehna ei etsak inla; Ei mudah hawn zie chuh a muh u a, a muolpho theih na dingun, Lalpa, nangin nei panpih a nei thamuon ziekin.

PAWTDAWKNA 18:5

Chun, Mosi puzawnpa Jethro chuh Mosi chapate leh a zi pui in thaleka Mosi giehna Pathien tâng achun a kawmah a va chieh u a:

PAWTDAWKNA 3:1

Chun, Mosi chun a puzawnpa Jethro, Midian gama thiempupa belam hawn a ching a; belam hawnhaw chuh thalek thanglam pang achun a pui a, tichun, Pathien tâng, Horeb chuh a va tunga.

PAWTDAWKNA 3:13

Chun, Mosi’n a dâwng a, “Ngaitie, Israel chate kawm a ka chieh tieng leh a kawm u ah, ‘Na pileputeu Pathien chun na kawm u a ei sawl ahi,’ va ti leng, amau chun, na min ei dawng taleu bangti’n ka dâwng die?” a ti a.

PAWTDAWKNA 33:14

Chun, amah chun, “Na lak u ah um zel ing ka ting, tichun chawlhdamna hun pie’ng ka,” a ti a.

PAWTDAWKNA 4:12

Zieziekchun chieh mai ah, na kam chuh ken umpih zel ing ka ting, na thugen ding chuh hun hilh zel ding ka hi,” a ti a.

PAWTDAWKNA 4:15

“Khutichun amah chuh hopih in, thumawp in la; tichun, na nih u chun thugen dingin hun panpih ing ka ting, na hih ding u chuh hun hilh zel ing ka.

PAWTDAWKNA 8:27

Thalek ni thum lam achun va chieh ka ting un, Lalpa ka Pathien un hih dinga ei piek bang bangin a kawmah va kithawi ing kau,” a ti a.

ISAI 37:30

Chun, Ziehi nang dingin melchikna ding hi’n a: tu kum hin buhsang sen un na tin uh, chun, a kum nihna ale alikek sen un na tin, chun, a kum thumna chun buh tuh un na tin uh, ât un na tin, grep huonte bawl in, a gah ne ta’n lau.

ISAI 41:10

Lau kiu unla, na kawm u ah ka um zing hi! Na Pathien uh ka hi a, lungkie kiu inla, bangmân hun hihlau kihe’n. Hun suhat ing ka ting, ahi hun panpih ing ka.

ISAI 43:2

Tuite na palkaih tieng u leh, kei na kawm u ah um ing ka ting; luipite na palkaih tieng uh lele, na buoinau chun hun chup puo’n a. Mei a na chiehpai tieng u lele, hun katum puo’n tin, meikuong in hun ka diek puo’n a.

ISAI 7:14

Zieziekchun, Lalpa ngêi chun melchikna hun pie’n tin, ngaitiem u, nungak thiengtho chuh gai intin chapa hing intin, a min dingin Immanuel sa’n au.

JEREMIA 1:8

Amau haw chuh lau ki’n la, Nang hun hukdawk dingin na kawmah ka um zing hi,” tih hi Lalpa kamsuok ahi.

KISIMNA 16:28

Chun, Mosi’n, “Zie thil hi keimah deihtelna apat a hih ahi puoh a, zie thil haw hih ding hin Lalpa’n ei sawl a hi tih zie a hin he’n lau.

KISIMNA 23:21

Pathien vangsak sa chuh ka sam kit theilo ahi; Israel chate masang ding chuh ka mu a, vangsietna leh buoina tun puo’n a; Lalpa a Pathien u chuh a kimvel u ah a um a, ka leng uh ahi ti’n a phuong uh ahi.

MATTHAI 28:20

Chun, thu ka hun piek chengcheng hi pawm dingin hilh un. Chun, ngaitiem u; Kei, kumkhuo’n, khawvel beih tiengin le na kawm u ah um zing ing ka,” a ti a. Amen.

MARK 16:20

Tichun, sinsakte chuh a chieh dawk tau a, gamtin ah Chanchin Pha chuh a gen tau a; chun, Lalpa’n amau haw chuh a kithuohpih a, a thilmak hihteu chun a thugen teu chuh a hihdet zel hi. Amen.

NASEPTE 11:21

Tichun, Lalpa khut in amau haw chuh a panpih a, mi tamtakin a gingchau a, Lalpa lam a nga tau hi.

NASEPTE 7:7

Chuleh, Pathien mah in, ‘Suok a nei dingte nam chuh ken hun ngaihtuoh ing ka ting, chun, zie zawh chuleh hung pawt un tin uh, zie mun ahin kei dingin sem un au,’ le a ti a.

ROME 8:31

Zie thu haw achun banga I gen tâk ding u leh? Pathien ei u lama a pan chun kuo a ei do thei ding?

DAN NIHNA 31:23

Chun, Nun chapa Joshua chuh a thu a pie a, a kawmah chun, “Hattak leh hangsan takin um in; Israel suonte chuh kihâksiela ka tiem gama chuh puilut ding na hi ngâla; chun, hun umpih zing ding ka hi,” a ti a.

HEBRAI 13:5

Na lungput uh chuh, dangka ngaihlul na tello hi hen; na thil neih hawu chung achun lungkim un; amah chun, “Bangtik chan inle hun kangbawl hiel puo’ng ka ting, thah le hun thahthawt puo’ng ka,” a ti ngâl a.

JOSHUA 1:5

Na damsung chengin kuoma’n hun zo thei puo’n a; Mosi kawma ka um bang khan na kawma le um ding ka hi: hun thahtham puo’ng ka ting, hun taihsan puo’ng ka.

VAIHAWMTE 6:12

Chun, Lalpa vânsâwlchâk a kawmah a hung kilak a, a kawmah, “Nang mihat hangsan, Lalpa chuh na kawmah a um hi,” a ti a.

VAIHAWMTE 6:16

Chun, Lalpa chun a kawmah, “Na kawma um zel ding ka hi, tichun Midian mite chuh mi khat bangmai in baihlam takin zo vek ding na hi,” a ti a.

VAIHAWMTE 6:17

Chun, amah chun a kawmah, “Na mittung ka hih chun, nangmah ngêi in nei hopih hi tih hetna ding tiemtehna ei muhsak in,” a ti a.

VAIHAWMTE 6:21

Khutichun a hih ta a, chun, Lalpa vânsâwlchâk chun a mawlh chawih chun sa leh chângthâk chawl sawhloh chuh a vak sukha a, tichun, suong apat chun mei a hung pawt a, sa leh chângthâk chawl sawhloh chuh a ka-tum suok ta a.

VAIHAWMTE 7:11

Tichun, a thugen uh va zau in na tin; zie tieng chuleh na khut chuh sukhat in um intin, kulh achun chieh ngam ta’n la,” a ti a. Khutichun, Gideon chuh a suokpa Purah chu tawh melmate kulh lama chun a va chieh suk tau a.

1 SAMUEL 14:10

Ahihziekin, ‘Kei u kawm lam ahin hung to u’ a tih u chun va chiehto hiting, zie chuh Lalpa’n I khuta ei piek ahi tai tih melchikna hi’n a,” a ti a.