PAWTDAWKNA 3:1 - PATHIEN LEKHABU THIENGTHO (BSI)

¹ Chun, Mosi chun a puzawnpa Jethro, Midian gama thiempupa belam hawn a ching a; belam hawnhaw chuh thalek thanglam pang achun a pui a, tichun, Pathien tâng, Horeb chuh a va tunga.

PAWTDAWKNA 3:1 ပူးပေါင်းရင်းမြစ်များ

1 LENGTE 19:8

Chun, a tho a, a ne a, a dâwn a, tichun zie an ziek chun Pathien tâng Horeb tiengin ni sawmli leh zan sawmli a chieh a.

PAWTDAWKNA 17:6

Ngaitie, Horeb a suongpi chung akhun na masangah ana ding ing ka ting; chun, suongpi chuh hun khên in na tin, tichun, mipite dâwn ding tui chuh hung luong dawk mai in a,” a ti a. Mosi’n Israel upate mitmuh chun khutibang chun a vak hih a.

KISIMNA 10:29

Mosi’n, a puzawnpa Midian mi, Reuel chapa Hobab kawm achun, “Lalpa’n, hun pie ding ka hi ti a ei tiem na gam achun chieh ding ka hiu ui. Israel chate chuh khawsathei taka siem dingin thu a tiem a, hung inla zie hauhsakna chuh hun kikawppih ung kau” a ti a.

MALAKI 4:4

“Israel chate chengcheng zawp dinga Sinai tânga ka piek Dan leh thupiekte ka suokpa Mosi’n a hun sinsakte kha hezing un!

VAIHAWMTE 4:11

Khutichun, Ken mi Heber kiti Mosi talpupa Hobab suon a mi chuh Ken mite laka kipat a nuokdawk in Kadesh kienga Zanaim mun ah puon-In a zak a.

PAWTDAWKNA 19:11

A ni thum ni a dingin kisazo u hen: ni thum ni chun mipite chengcheng mitmuh in Sinai tâng achun Lalpa hungsuk ding ahi.

LUKE 2:8

Chun, zie gam mah mun khat achun, belam chingte khenkhat, belam chinga gama giek a um u a.

SAM LEHKHABU THE PSALMS 106:19

Horeb tâng achun bâwngno lim a siem u a, A lim kisung chuh a ho tau a.

DAN NIHNA 4:10

chun, Horeb tânga Lalpa na Pathien uh masanga na din u a, Lalpa’n ka kawma, ‘Mipite chuh ei sap khawm sak in, lei chunga a um sung cheng u a ei lauh dân a het theihna dingun leh a chateu a sinsak theihna dingun ka thu haw a na hetsak ing ka,’ ei tih ni kha le hengilh kha’n lau.

DAN NIHNA 1:6

“Horeb tânga I um lai u khan Lalpa I Pathien un I kawm u ah, ‘Zie tânga hin na um sawt hun tawk tau a.

PAWTDAWKNA 24:13

Chun, Mosi leh a nasempa Joshua chuh a kipan u a: chun, Mosi chuh tâng, Pathien tâng achun a chieh to ta a.

PAWTDAWKNA 19:3

Chun, Mosi chuh tâng achun Pathien hopih dingin a va chieh to a, tichun Lalpa chun tâng apat chun a na hopih a, a kawmah, “Israel chate, Jakob suonte kawm achun thu gen in la, Israel suonte chuh hilh in.

PAWTDAWKNA 3:5

Chun, amah chun, “Hun naih kih: na kêngpêk a na kengtawbek kha sut in, na dinna mun chuh mun thiengtho ahi,” a ti a.

PAWTDAWKNA 2:16

Zielai chun Midian gama thiempu Jethro chun chanu sagih a nei a, amau chuh tuikhai dingin a hung u a, a pau belam hawnte dâwn dingin a gankuong hawu achun tui a sungdim u a.

AMOS 1:1

Juda Leng Uzia vaihawm lai leh, Israel Leng Joash chapa Jeroboam vaihawm laia, leiling um ma kum nihna a chun, Tekoa muna ganguol vengte laka Amos in Israel te chungchâng thu a muh chuh:

PAWTDAWKNA 4:27

Zielai chun Aron kawmah, “Gamgaw ah va chieh inla, Mosi va kimuhpih ah,” a ti a. Tichun a chieh a, Pathien tâng achun a kituokpih a, a châwp a.

PAWTDAWKNA 2:21

Tichun, Mosi chun zie pa kawma um chuh lem a sa a; Jethro chun a chanu Zipporah chuh Mosi zi dingin a pie ta a,

PAWTDAWKNA 2:18

Chun, a pau Reuel kawm a tun kit phet un, “Bangti dana, tuni chun na hung vak nau e,” a na ti a.

NASEPTE 7:30

“Chun, kum sawmli a hung kivel phetin, Sinai tâng gamthip a nawnglak ah, mei kuong lak ah vânsâwlchâk khat a kawmah a hung kilak a.

PAWTDAWKNA 3:12

Chun, Lalpa Pathien chun, “Na kawma um ding ka hi a, tichun keimah hun sawl ngêi na hi tih ziehi nanga dingin melchikna hi’n a; Mipite chuh Aigupta gam apat a na hun puihdawk tak chuleh, zie tâng ngêi ahin Pathien hun ho inlau,” a ti a.

PAWTDAWKNA 4:18

Tichun, Mosi chuh a puzawnpa Jethro kawmah a chieh kita, a kawmah, “Aigupta gama ka suohpihte chuh a dam nau em tih hetha dingin, lungsiet takin ei chiehsak in,” a ti a. Tichun, Jethro chun Mosi kawmah, “Thamuong takin chieh in,” a ti a.

PAWTDAWKNA 18:12

Chun, Mosi puzawn Jethro chun hâlmang thilpiek leh Pathien dinga kithawihna ding a va la a; Aron leh Israel upate chengcheng chuh Mosi puzawnpa kawm achun Pathien hona chângthâk thiengtho ne dingin a chieh u a.

PAWTDAWKNA 19:2

Rephidim mun apat a pawt u a, Sinai thalek a va tung u a, thalek achun a giek u a; zie tak achun Israel te chuh tâng bul achun a giek u a.

PAWTDAWKNA 33:6

Zieziekchun, Israel mipite chun a kicheina hawu chuh Horeb tâng apat chun a suoh tha den tau hi.

DAN NIHNA 1:2

Horeb tâng apat in Kadesh-barnea chuh, Seir tâng lama lampi chuh hawh in, ni sawm leh ni khat lam ahi.

KISIMNA 10:33

Khutichun, Lalpa tâng apat a ni thum lam achun a chieh u a; Lalpa Thuthun bawm chuh a giehbuk mun ding uh lemchâng hawl chun a masang u achun a chieh zel a.

1 SAMUEL 16:11

Chun Samuel chun Jessai kawmah, “Zie hin na chapate a um kim kêi um?” a ti a. Amah chun, “A naupang pên a um nalaia, ngaitie, belam veng ahi,” a ti a. Chun, Samuel chun Jessai kawmah, “Va sap sak ah; a hung tun ma cheng ne theilo ding I hiu hi,” a ti a.

1 LENGTE 19:19

Khutichun, Elijah chu zie apat chu a pawt a, Shaphat chapa Elisha chuh a va mudawk a, amah chun lo a na kai a, a ma achun bâwngchal tuok sawmlenih a um a, a sawm leh nihna chuh amân a na hâwi a; chun, Elijah chun a va zuona, a puon chuh a va silh sak a.