PAWTDAWKNA 29:9 - PATHIEN LEKHABU THIENGTHO (BSI)

⁹ Chun, Aron leh a chapate chuh kâwnggak a gâk in, diel na kawpsak ding ahi; chun, thiempu hihna chuh kumkhuo a dingin namdetna chang tan au; tichun, Aron leh a chapate chun kumkhuo’n thiempu na chuh sem ta’n au.

PAWTDAWKNA 29:9 ပူးပေါင်းရင်းမြစ်များ

KISIMNA 18:7

Himahleh, nang leh na chapa te hin maichâm leh puonzak sunga na thiempu nasep u chuh tihtakzet a nasep dinguh ahi; thiempu nasepna hi thilpiek a ka hun piek ahi a; gamdang mi a hung kigawlh khak chun suklup ding ahi” a ti a.

DAN NIHNA 18:5

Lalpa na Pathien un na phung chengcheng lak u a Lalpa min a nasem a um kumkhuo dingin amau leh a suonteu chuh a tel ahi ngâl u a.

KISIMNA 25:13

Mipite gitloh ngaihdam na leh kei thasang ding a ngaih theih loh ziekin, a mah leh a suonte chuh kumkhuo a thiempu dinga sudet ding ka hi,” ti’n.

KISIMNA 16:40

Israel chate dinga hetzing na dingin, Aron suon hilo, nam dang himhim in Lalpa ma a gimlim hâl dinga ahung naih loh dinguh ahi; Kora leh a lawite banga a umloh na ding un, ti a Lalpa’n Mosi kawma a gen bang khan.

KISIMNA 16:35

Zie chun Lalpa’n mei a sawl a a kuong zak a, gimlim hâlte mi zanih leh sawmnga te chuh a kang lum ta a.

KISIMNA 16:10

Levi chapa na unaute chengcheng thiempu na sem dinga a hun umsak hi thil neuthem a na ngaih uh ahi maw, thiempu hihna na hawl naklai uh?

KISIMNA 3:10

Himahleh, Aron leh a chapate chuh thiempu na sem dingin ziklut in na tin, amau chuh thiempu hihna chang zing un tin, midang hung kigawlh kha a um u chun suklup hin au,” ti’n.

THIEMPUDANTE 8:33

Na kinamdet ziek u a, na zehchan hun ding sung uh a beih macheng chuh, puon-In kawtkhak pawtsan lo a ni sagih na um dinguh ahi.

PAWTDAWKNA 40:15

tichun thiempu na sema kei dinga a pan theihna ding un, a pau sathau na nuh bang khan amau haw chule thau na nuh ding ahi: thau nuh a a um u hi a suonteu chan ale kumkhuo a thiempu dinga guot hizing ta’n au tih, amau dingin melchikna hi’n a,” ti’n a gen a.

HEBRAI 5:10

Tichun, Pathien in, Melkisedek guola Thiempu Lienpen dingin a guot ta a.

PAWTDAWKNA 32:29

Mosi chun Levi chate kawm achun, “Tuni hin na suohpihteu, na chateu, that hielin, Lalpa nasepna a thiempu dingin na kikawihchuom tau a; zieziekchun tuni hin Lalpa’n a vangsakna chuh na chung u ah hun vuk ta hen,” a ti a.

PAWTDAWKNA 28:1

“Chun, na suohpihpa Aron leh a chapate, Nadab leh Abihu, Eleazar leh Ithamar te chu pui in la, Israel chate laka ka thiempu na a sep theih na dingun kawih chuom in.

PAWTDAWKNA 27:21

Aron leh a chapate chun, ka umna puon-In sung a thugawlh umna bawm kawihna puonzak pawlam achun a det sek ding uh ahi. Zie taka ka umna chuh nitâk apat in zingkal chanin a det sek dinguh ahi. Zie thupiek hi Israel chate leh a suonteu in kumkhuo a dettaka a zuih dinguh ahi.

THIEMPUDANTE 8:1

Chun, Lalpa’n Mosi kawmah a gen a,

THIEMPUDANTE 8:13

Chun, Lalpa’n thu a piek guol tak chun, Mosi chun Aron chapate chuh malam ah a pui a, puonâk chuol a âksak a, kâwnggak a gâk saka, a luchang uh achun lukhuk a khuk sak ta a.

1 SAMUEL 2:30

Zieziekchun, Lalpa Israel te Pathien chun, “Ken na inkawte leh na pa inkawte chu kumkhuo’n ka masang ah um inlau ka na ti ngut a,” a ti a; himahlele, tuhin Lalpa chun, “Um hiel puo’n lau; ei limbawlte chu limbawl ing ka ting ei musitte chu ka ngaihnepte hiding ahi ngâl u a.

VAIHAWMTE 17:5

Chun, Mika chun pathien In haw a nei a, Ephod leh teraphim a siem a, thiempu dingin a chapa khat chuh a kawihchuom ta a.