PAWTDAWKNA 29:18 - PATHIEN LEKHABU THIENGTHO (BSI)

¹⁸ Chun, belamchal chuh a pum in maichâm achun an thilpiek banga na hâl ding ahi. Lalpa a ding a mei a thillat gimlim chuh ahi.

PAWTDAWKNA 29:18 ပူးပေါင်းရင်းမြစ်များ

THILSIEMBUL 8:21

Chun, Lalpa’n zie gimlim chuh a he a; Lalpa chun a lunggil in, “Lei hi mihiem ziekin hansie lawh kit ta puo’ng ka, mihiem lunggil ngaihtuohna haw chuh a naupan lai apat in a gilo ngâl a; tu a ka gawt bang hin thilhing tincheng le gawt kit ta puo’ng ka,

PHILIPPI 4:18

Himahleh, thil bangkim ka nei a, ka nei tai, nei hun thilpiekteu gimlim, kithawihna deihum, Pathien pawm tâk leh kipahlam tak chuh, Epaphrodita khut apat in ka na mu ta a, ka kiningting tai.

EPHESI 5:2

Chun, Krista’n, a hun hehpih a, gimlim a dingin, Pathien kawma thillat leh kithawihna a I sik uh a a kipiek guol khan, hehpihna ah um un.

MARK 12:33

Mi’n Pathien chuh a lunggil chengcheng leh, a ngaihtuohna chengcheng leh, a hatna chengchenga a hehpih ding ahi a; chuleh, amah a kihehpih guola a invengte le a hehpih ding ahi. Zie thupiek nih te zawp hi, hâlmang thilpiek leh kithawihna dang cheng sanga pawimawh zaw ahi,” a ti a.

JEREMIA 6:20

Bang ding a Sheba apat begaw te, gam gamla tak akipat in gilimte chuh ka kawma a hun chawih sek uh ahi? Na hâlmang kithawihnateu chuh pawmtâk ahi puoh a; na kithawihna hawu chun le ei sukipak diek puoi.

ISAI 1:11

Lalpa chun hiti hin a tii, “Na kithawih na zozai u hi kei dingin banga a phatchuomna um? Hâlmang kithawihna belamchal te leh gan vak thaute chule ka ningkitel ta a.” Bâwngchalte thisan ahim leh belam leh kelchalte thisan chule ka chim tai.

SAM LEHKHABU THE PSALMS 50:8

Na kithawihna haw ziekin hun hilhgaih puo’ng ka; Na hâlmang kithawihna haw chuh ka masangah a um zing ngâla.

1 LENGTE 18:38

Tichun Lalpa mei chuh a hung kie a, hâlmang thillat te, thingte, suongte leh leivui haw chu a kamang a, lei a laihkuok a tui chule a hîp kang vek ta a

1 LENGTE 3:4

Chun, leng chu kithawi dingin Gibeon khuo ah a chieh a; zie chu mun sang lien tak ahi ngâl a. Solomon chun zie maichâm chung achun hâlmang thillat sangkhat zet a pie ta a.

1 SAMUEL 7:9

Chun, Samuel chun belamno nawicheplai khat a la a, hâlmang kithawihna thilpiek dingin Lalpa kawmah a pie a: Israel te dingin Lalpa chu a sama; tichun, Lalpa chun a dâwng a.

THIEMPUDANTE 9:24

Tichun, Lalpa ma apat chun mei a hung pawt a, hâlmang thillat leh maichâm chunga sathau um haw chuh a katum ta a; zie chuh, mipite chun a muh phet un, a kiko u a, maia lei si’n a khupbawk tau hi.

THIEMPUDANTE 1:17

Chun, a tha haw chuh bawttawng intin, a sa vang chuh luoi kek lo in chun, thiempu chun maichâm a mei chunga thing achun a hâl ding ahi. Hâlmang thilpiek ahi a, mei a thilpiek Lalpa a dinga gimlim ahi.

PAWTDAWKNA 29:25

Chun, zie chuh a khut u apat la’n na tin, Lalpa dinga gimlim dingin maichâm a hâlmang thillat behlapna a na hâl ding ahi; zie chuh Lalpa dinga mei a thillat ahi.

THILSIEMBUL 22:13

Chun, Abraham chuh a khawdak viel a, chun, ngaitie a nung lam achun belamchal a ki a thing nawk laka a na tâng hih a mu a: tichun Abraham in belamchal chuh a va la a, zie chuh hâlmang thilpiek in a chapa thasang in a pie tai.

THILSIEMBUL 22:7

Isak chun a pa Abraham chuh a hopih a, “Hepa,” a ti a; amah chun, “Ka chapa, zie tak ahin ka um hi,” a ti a. Amah chun, “Entie, mei leh thing chuh a um a, mahleh hâlmang thilpiek ding belamno chuh khawia um ahi?” a ti a.

THILSIEMBUL 22:2

Chun, Pathien in “Na chapa, na chapa neihsun, na lungsiet tak, Isak ngêi kha pui inla, Moriah gam ah chieh in. Zie taka ka hun hilh ding tâng khat achun hâlmang thilpiek in pien,” a ti a.

PAWTDAWKNA 29:17

Zie belamchal chuh na sem zak ding ahi a, a sung leh a kengte chuh sawp inla, a sa dangte tawh, a luchang tawh na kawih ding ahi.

THIEMPUDANTE 1:9

a sunghaw leh a kênghaw vang chuh tui in sawp untin, thiempu chun, Lalpa dinga gimlim tak, mei thillat hâlmang kithawihna dinga maichâm chunga a hâltum vek ding ahi. Zie thillat gim chuh Lalpa a dinga gimlim ahi.

THIEMPUDANTE 4:31

Chun, thiempu chun, a thau cheng chuh kichamna thillat thau a lak guol khan ladawk vek intin, maichâm a a hâl ding ahi. Tichun, thiempu’n tatna siem sak intin, ngaihdam hi’n a.

THIEMPUDANTE 8:21

Zie hâlmang kithawihna hi an thillat a kithawihna ahi a, a gim chuh Lalpa dinga gimlim tak ahi.

THILSIEMBUL 8:20

Noah chun Lalpa dingin maichâm a siem a; sa thieng lak apat leh vacha thieng lak apat chuh a la a, maichâm achun hâlmang thilpiek in a pie ta a.