PAWTDAWKNA 28:9 - PATHIEN LEKHABU THIENGTHO (BSI)

⁹ Chun, onix suong nih na lâk ding ahi a, zie achun Israel cha sawmlenih te min na chuon sak ding ahi.

PAWTDAWKNA 28:9 ပူးပေါင်းရင်းမြစ်များ

EZEKIEL 28:13

Pathien huon Eden ah na cheng a; Suongmantam chitin chengin na kikhuh a, sardius, topaz leh diamond, Beril, onix, jasper, sapphire, emerald leh karbangkal, A kiphuhna leh a kituohna haw sana a kisiemte, siem na hih ni a guot zawhsa ahiu.

ISAI 49:16

Jerusalem, hun hengilh puo’ng ka, na min chuh ka khutpêk chunga zik ahi ngâl a.

SOLOMON LA 8:6

Na lunggil leh na banah tiemtehna bangin ei kawih in, hehpihna hi thihna bangin a hât ngâla, utna hile Sheol tawbang hiel in a hât a, mei guolin a kuong dawka, gamka guolin nasa takin a kuong zak hi.

JOB LEHKHABU THE BOOK OF JOB 28:16

Ophir sana’n a tuk thei puoh a, onix suongmantam ahim, sapphire ahim inle a tuk puoi.

2 KHANGTHUBU 2:7

Khutichun, Judai gam leh Jerusalem a mi khutthiem te ka pa David in a na gawihsa haw, tu a ka kawma um haw laka sem dingin dangkaguo te, sumeng te, thik lam khawihthei, puon sandup te, san dang te, a dumte siem thiem, bang hitalele hih thei mi khat ei hun sawl sak ah.

PAWTDAWKNA 39:13

Tien lina chuh beril te, onix te, jasper te ahi a: sana patzang kiphêk a zeh tup kêi ahi.

PAWTDAWKNA 39:6

Chun, Israel chate min bang zelin, minnamna a geikuok a zik tawbang in, sana patzang phêk a kiphum onix suonghaw achun a zik u a.

PAWTDAWKNA 28:36

“Chun, sana thieng pêk khat siem in la, achung a chun min namna a chuong tawbang ‘Lalpa ADING A THIENGTHO’ tih na chuon sak ding ahi.

PAWTDAWKNA 28:20

tien lina chuh beryl te, onix te, jasper te a hi’n tin: sana a tuomkhum ding ahi.

THILSIEMBUL 2:12

Zie gama sana chuh aman tam chi tak ahi; thil gimlim Bdellium leh suongmantam chi khat onix kiti chu le a um hi.

PAWTDAWKNA 28:8

Chun, puonâk chunga kâwnggak ding, themthiem taka gat, zie puonâk puon man chuh tawn khat hi suok kêi mat ding ahi; zie chuh sana tawh, patdum tawh, sandup tawh, sandâng tawh, patngat puonkawp a gat ding ahi.

PAWTDAWKNA 28:10

suong khat achun a min uh gup, chun, suong dang khat achun a um nalai gup min chuh a pien dân bang zel un na chuon sak ding ahi.

PAWTDAWKNA 25:7

thiempu puonâk leh puonâk awma zeh dingin onix te leh suongmantamte tawh.

PAWTDAWKNA 31:5

lam tin chenga themthiemna te nei dingin Pathien Thagau in ka hih dim tai.

1 KHANGTHUBU 29:2

Tichun, Ho-In sakna dingin sana te, dangkaguote panna a dingin dangkaguote, sumeng te panna ding chun sumeng te, thik lam thilte ding chun thikte, thing lam thila ding chun thingte chu theihtawp in ka na guonggalh ta a. A kal a zeh ding Onuk suongte, suong zem hawih te, a belh thawh dingin suong vak chi chuom chuomte leh, suongmantam chitin chengte leh marble suong tamtak te tawh.

ZEKARIA 9:16

Zie ni chuh a hungtun tieng leh, Belam chingpa’n a ganguolte lauh-um laka a hukdawk bangin, Lalpa Pathien in a mite chuh hukdawk ina; Tichun, suongmantam lallukhuk bangin a gama chun vak ta’n au!