PAWTDAWKNA 28:43 - PATHIEN LEKHABU THIENGTHO (BSI)

⁴³ Zie chuh Aron leh a chapate ka umna puon-In a a lut tieng u leh, mun thiengtho a thiempu na sem dinga maichâm kawma a chieh tak u leh a âk zel ding uh ahi; khutilochun gilo a ngaih hiu intin, thi kha’n au; zie chun Aron leh a nunga a suonte chanin le kumkhuo a dinga dân det hi’n a.

PAWTDAWKNA 28:43 ပူးပေါင်းရင်းမြစ်များ

PAWTDAWKNA 27:21

Aron leh a chapate chun, ka umna puon-In sung a thugawlh umna bawm kawihna puonzak pawlam achun a det sek ding uh ahi. Zie taka ka umna chuh nitâk apat in zingkal chanin a det sek dinguh ahi. Zie thupiek hi Israel chate leh a suonteu in kumkhuo a dettaka a zuih dinguh ahi.

PAWTDAWKNA 20:26

Ka maichâm chuh kaltohna kalbihaw nei a na siem loh ding ahi, kal le na kal toh loh ding ahi, sangawn a na um kilang ding ahi ngâl in.

THIEMPUDANTE 5:17

Kuo’n le, thil a hihkhelh a, hih loh dinga Lalpa’n thu a piekte helo a ana hih khâk chun, he kilele thiemloh chang himhim in tin, a gitloh man chuh a muh ding ahi.

KISIMNA 18:22

Midang Israel chate chun puon-In chuh a hun naih dinguh ahi puoi; gitloh mawh puon thi kha’n au.

THIEMPUDANTE 22:9

“Thiempute chun dân ka piek hi a zuih dinguh ahi a; khutilochun, thiemmawh chang untin, thi’nau, a ziek chuh, dân thiengtho chuh a zuih loh ziekun. Kei Lalpa amau haw hih thiengtho chuh ka hi ngâl a.

THIEMPUDANTE 17:7

Israel chate chun, a kithawihnau gancha chuh, mun chuom a that a, kêlchal Pathien kawma kithawihna bawl a; Lalpa a dinga ginumlo tak a um tâk loh dinguh ahi. Israel chate chun, zie dân hi, hun hung tung zel ding ale a nit zel dinguh ahi.

THIEMPUDANTE 5:1

Ziehaw ziek hin gitloh kithawihna lat ding ahi: Kuole, a thil muh leh hette gen dinga vaihawmna In a sapa a um a, a muh dân leh a hetdante gen dawk lo a a um chun, a gitlohna mawh chuh puo’n a.

KISIMNA 9:13

Amahvang chuh thiengtho ngâl, zinmangna nei le hilo a, Chiehkân Kut a tello chuh ka mipite lak apat satthak hi’n au; a hunbi a Lalpa kawma thillat a lat loh ziekin amah chun a gitloh mawh puo’n a.

PAWTDAWKNA 30:21

Khutichun a thih loh na dingun a khut leh a kengteu chuh a sil sek ding uh ahi. Zie chuh amau dingin kumkhuo a amah leh a suonte leh, a suon kitte chan dinga dân hi’n a,” ti’n a gen a.

THIEMPUDANTE 16:13

Gimlim khu chun thu hetsakna chunga zahngaihna chutphah chuh a khuh na dingin, Lalpa ma a mei ah gimlim chuh buokkhum in tin, thihna a tuok loh na dingin.

EZEKIEL 44:17

Chun, huong sungnung zaw kawtkhaka a lut tieng u leh, puonâk chuol, patngatpuon a siem chun kithuom untin, huong sungnung zaw insung lama zenvielna a sep tieng u leh, samul puo’n a a kivan dinguh ahi puoi.

THIEMPUDANTE 3:17

Gancha chuh athau ahim, a thisan ahim chuh na nek loh dinguh ahi, tih thu hi na suonteu tiengin, na umna taphawt u ah akhang akhang a na zuih dinguh ahi.

THIEMPUDANTE 22:15

Thiempu chun, thil thiengtho Israel mipite’n Lalpa kawma a lat u chuh a sukbuok loh ding ahi.

KISIMNA 15:15

Na suonteu chan a ding leh nam dang um haw a dingin zie dân mah hi na zuih ding uh ahi.

KISIMNA 18:8

Chun, Lalpa’n Aron kawmah “Israel chate thilpiek thiengtho cheng leh ka kienga thillat cheng chuh nang ka hun piek a hita a; tichun, nang leh na chate cheng a dinga kumkhuo go dinga thiempu chanvo ka hun piek ahi.

KISIMNA 18:32

A lak a phapente Lalpa kawma na piek phawt u chun thiemmawh chang puo’n na tin uh. Amahvang chuh, Israel chate thil thiengtho haw chuh, a phapente lat ahih masanga subuok lo dingin kivengphau un, na sukbuok khâk u chun thi ding na hiu hi,” ti’n a ti a.