PAWTDAWKNA 28:4 - PATHIEN LEKHABU THIENGTHO (BSI)

⁴ A silhlechen a a siem ding hawu chuh awmphaw, thiempu puonâk, puonâk chuol, puonâk pawl chitchet tawh, thiempu dielkawp leh kâwnggak tawh hiding ahi. Na suohpihpa Aron leh a chapate chuh thiempu na kei a dinga a sep theihna ding un silhlechen thiengtho a siem sak ding uh ahi.

PAWTDAWKNA 28:4 ပူးပေါင်းရင်းမြစ်များ

THUPHUON 9:17

Ka thilmuh achun, sakawl leh a chunga chute chuh zie tawbang hin ka mu a; awmbelh mei guola san a nei uh a, sapphire guola dum leh kât guola eng hi le a nei uh a. Sakawl luchang haw chuh sakeibaknei luchang tawbang a hi a, a kam uh apan chun mei leh meikhu leh kât a pawt a.

EPHESI 6:14

Khutichun, na kâwng u chuh thutaka gâk in, diktatna awmphaw chuh ki-âk in;

1 THESSALONIKA 5:8

Himahlele, eihaw vang suna um I hih ziekun, taksanna leh hehpihna awmphaw chuh ki-âk in, hukdam kinepna chuh lukhuk a mang in; khawthengai zawi tiu!

ISAI 59:17

Chun, diktatna chuh awmphaw guolin âk in tin, zawhna chuh hukdamna lukhuk guolin hun khu ding a hi. Thil diklo hihte chunga phuba lâkna chuh silhlechen guola nei in, hachangthakna’n a kithuom a.

ISAI 11:5

Chun, diktatna hi a kâwnggak hi’n tin, ginumna’n le kivan ina.

2 SAMUEL 6:14

Chun, David chu Lalpa masangah a theihtawp in a lam a, David chun patngatpuon thiempu puonâk a âk a.

1 SAMUEL 30:7

Chun, David chun Ahimelek chapa, thiempu Abiathar kawm achun, “Thiempu puonâk hun la tie,” a ti a. Khutichun Abiathar chun thiempu puonâk chu David kawmah a hun chawi a.

1 SAMUEL 23:6

Chun, hiti hi ahi a, Ahimelek chapa Abiathar Keilah khuo a David kawma a taih lai khan thiempu puonâk kenga chieh a hi a.

1 SAMUEL 22:18

Chun, lengpa chun Doeg kawm achun, “Nang kihei inla, thiempute chu that ah,” a ti a. Chun, Edom mi Deog chu a kiheia, thiempute chu a that ta a, zie ni chun patngat puon thiempu puonâk âk mi sawmgiet leh nga a that a.

1 SAMUEL 2:18

Chun, Samuel chuh, naupang cha himahleh, puon malngât thiempu puonâk âk in, Lalpa ma ah na a sem a.

PAWTDAWKNA 39:28

patngatpuon a siem, thiempu dielkawp, pat ngât taka siem diel hawihtak te, pat ngât tak a kawpa siem patngât pheika te,

PAWTDAWKNA 25:7

thiempu puonâk leh puonâk awma zeh dingin onix te leh suongmantamte tawh.

PAWTDAWKNA 29:6

Chun, thiempu dielkawp chuh kawpsak in, lallukhuk chung achun lukhuk thiengtho chuh na khuksak ding ahi.

HOSEA 3:4

Zie tawbang chun Israel chate chuh ni tamtak leng neilo leh vaihawmtu beiin um un tin, kithawihna ahim, suong phuh ahim, milim ahim dawikhuom phut lo in, thiempu puonâk Ephod leh Terafim le nei puo’n au.