PAWTDAWKNA 28:2 - PATHIEN LEKHABU THIENGTHO (BSI)

² Chun, na suohpihpa Aron dingin kivanna thiengtho, a sulopi ding leh a suhawih dingin na siem sak ding ahi.

PAWTDAWKNA 28:2 ပူးပေါင်းရင်းမြစ်များ

THIEMPUDANTE 8:30

Mosi chun thau nuh chi leh maichâm a thisan chuh neukhat gel a la a, Aron leh a chapate leh a silhlechenteu chuh a thehkhum a. Zie tawbang hin, Aron leh a chapate chuh sukthienthona a bawl ta a.

PAWTDAWKNA 31:10

chun, silhlechen hawihtak taka gatte, thiempu’n zenvielna na a sep tak u a a âk ding thiempu Aron silhlechen thiengtho leh a chapate silhlechente;

THUPHUON 19:8

Patngatpuon ngim tak, vam tak silh a phal sak uh a, (patngat puon chuh mi thiengthote thilhih diktat ahi ngâla.)

HEBRAI 7:26

Khutichun, Thiempu Lienpen, mi thiengtho, zumlezuol tuoh lo, nin beklo, mi gilote apat a kikawih chuom; vante haw chunglama um, I mamawhteu cheng ei hihsakpa chuh ahi.

JOB LEHKHABU THE BOOK OF JOB 40:10

Tuhin nang chuh lalna leh zah-umna’n vak kivan inla, Limbawlna leh lopina’n kithuom in.

PAWTDAWKNA 28:40

“Chun, Aron chapate ding chun puonâk na siem sak ding ahi a, chun, kawnggakte, dielte le na siem sak ding ahi, a sulopi ding leh a suhawih dingin.

THUPHUON 5:10

Ka Pathien dingun khuoletui leh thiempu’n na siem ta a; Amau haw chun lei chung achun vaihawm un au,” ti’n la thak a sau a.

1 JOHAN 3:2

Deihtakte, tuhin Pathien chate I hiu a, bangti’n a I um dinguh tih vang a kichien tadih puoi; amah a hung kilak tieng le vang, amah bangin ki-um ina tih vang I heu hi, amah chuh a um ngei bang banga mu ding I hi ngâl uh a.

2 PETER 1:17

Amah chun, Pa Pathien kawm apat limbawlna leh lopina a mu a, zielai chun lopina nasatak apat chun, zie tawbang aw hi a kawmah a hungtung a “Ziehi, ka chapa deihtak, ka lungkimna mah mah chuh ahii,” ti’n.

HEBRAI 2:9

Himahlele, Isu chuh, Pathien hehpihna zieka mitin a dinga thi a hih theihna dingin, chawmkhat sung maia dingin vânsâwlchâkte sanga nuoinung zaw deuha siem in I muu hi. Tuhin vang chuh, thihna thuokna zieka lopina leh limbawlna lallukhuk chuh khuk saka um in I mu zaw tau ahi.

GALATI 3:27

Krista tawh pumkhat a baptist na hi tau a; tuhin, Krista hinna a chuh thuom na hi tau hi.

ROME 13:14

Lalpa Isu Krista chun kithuom zawu inla, na phehlevo utnau pitin dingin bangmah hih kiu.

ROME 3:22

Zie chuh Pathien diktatna, Isu Krista taksan zieka gingcha ta chengte kawma suklata um chuh ahi; lamdanna himhim a um puoh a,

JOHAN 1:14

Tichun, Thu chuh phehlevo a hung suok a, I laku ah a um ta a, lungsietna leh thutak in a dim hi. Pa Cha chang khat neih, lopi guolin, a lopi zie I muu hi.

ISAI 64:6

Ka bawn un ka na buok vek tau a, ka diktatnau cheng le puonsie nen kihdak-um tawbang phet ahi. Ka gitloh ziekun nahpa hung vuoi tawbang phet ka hi tau a, ka sukkhelhna teu chun huih guolin ei tawkmang sek hi.

ISAI 61:10

Lalpa achun nasa takin kipâk ing ka ting, ka lungthim le ka Pathien chung ah kipâk in a; amah chun hukdamna puon ei silh saka, diktatna puonâk chuol in ei thuom ta ngâla. moneipa chuh pakchavui a a kithuom a, mo chuh sana khite a a kichei bangin.

ISAI 61:3

Zion a lusûnte chuh vut thasanga pakchavui, lungkhamna sanga kipahna sathaute, nguoina thagau hilo a pahchakna silhlechen te a kawm u a pie ding leh, amau haw chuh diktatna thing Lalpa phuh ngêi, a thil dik hih teu zieka Pathien chuh a lopi theihna dinga sawl ka hi.

ISAI 4:2

Zie ni chuleh Lalpa bâk chuh hawih tak leh lopi tak hung hi ta’n tin, a gam gahte chuh Israel chate laka suokcha ana umsunte a dinga kithang-at pih leh a lopinau hung hi ta’n a.

SAM LEHKHABU THE PSALMS 149:4

Lalpa chuh a mihaw chungah a kipâk sek ngâla: Nuoilutchuh haw chuh guolzawh na’n a zem hawih sek hi.

SAM LEHKHABU THE PSALMS 132:16

A thiempute chuh hukdamna’n thuom ing ka ting: A mi thiengtho haw chuh kipâk takin kiko un au.

SAM LEHKHABU THE PSALMS 132:9

Na thiempute chu diktatna’n kivan u hen la; Na mi thiengthote chu lawp in kiko u hen.

SAM LEHKHABU THE PSALMS 96:6

Limbawlna leh lopina a masang ah a um a: Hatna leh hawihna chu a munthiengtho ah a um hi.

PAWTDAWKNA 40:13

Chun, Aron chuh silhlechen thiengtho na silh sak ding ahi; tichun thiempu na sema kei dinga a pan theihna dinga thau nuh in, na kawihchuom ding ahi.

ISAI 52:1

Aw Zion, halh in, halh inla, na hatna chun kivan in, Na silhlechen hawihtak chun kivan kit inla; Aw Jerusalem khawpi thiengtho, tu apat in na sung achun zektan loh te leh mi thienglo te chuh lut ding ahi ta puoh ngâla.

PAWTDAWKNA 29:28

Zie chuh Israel suonte apat a kumkhuo a Aron leh a chapate chanvo dinga guot hi’n a; zie chuh khaihkang thillat ahi ngâla; chamna thillat a a kithawihna teu laka Israel suonte’n a khaihkang thillat ding u chuh hi’n a, Lalpa dinga khaih thillat ngêi u chuh a malpi thiempute dinga a piek ding uh hi ka dân kithenglo ding chuh ahi. Ziehi kei Lalpa kawma mipite thilpiek chuh ahi.