PAWTDAWKNA 27:21 - PATHIEN LEKHABU THIENGTHO (BSI)

²¹ Aron leh a chapate chun, ka umna puon-In sung a thugawlh umna bawm kawihna puonzak pawlam achun a det sek ding uh ahi. Zie taka ka umna chuh nitâk apat in zingkal chanin a det sek dinguh ahi. Zie thupiek hi Israel chate leh a suonteu in kumkhuo a dettaka a zuih dinguh ahi.

PAWTDAWKNA 27:21 ပူးပေါင်းရင်းမြစ်များ

KISIMNA 19:21

Hun hungtung zel ding ale zie dante hi na zawp zel dinguh ahi. Kithiensak na ding tui thehpa chun a puonte sawp intin, kuole zie tui sukha chuh nitâk lam geia thienglo hi’n a.

KISIMNA 18:23

Tu apat hin Levi te chauh hin puon-In na sem untin, a mawh chengcheng chuh puo’n au. Zie hi na suonteu tieng a dingin le zuih hi’n a. Levi te chun Israel te lak achun gochan det nei puo’n au,

2 KHANGTHUBU 13:11

Amau chun zingkal leh nitâk cheng in Lalpa dingin hâlmang thilpiekte, gimlim te a hâl sek u a; dawhkân thiengtho chungah chângthâk thiengtho a kawih zel u a. Chuleh, sana thaumei kawihna a thaumei te nitâk lam chenga hâl dingin: Kei haw’n vang Lalpa ka Pathien uh thupiek chu ka zawp zing u a, himahleh, nang hawn vang amah chu na nungngatsan ui.

1 SAMUEL 3:3

Pathien thaumei a mit ma deuh in Lalpa Ho-In a Pathien bawm umna mun achun Samuel chu a kuol a;

THIEMPUDANTE 16:34

Zie dân hi, hun hung tung zel ding ale nit zel ding ahi. Zie kithawihna hi, kum khata khat vei, Israel chate, a gitlohnau apat a tatna a bawl zel ding ahi. Khutichun, Mosi chun, Lalpa’n thu a piek bang tak chun a hih ta a.

THIEMPUDANTE 3:17

Gancha chuh athau ahim, a thisan ahim chuh na nek loh dinguh ahi, tih thu hi na suonteu tiengin, na umna taphawt u ah akhang akhang a na zuih dinguh ahi.

PAWTDAWKNA 30:8

Chun, Aron in nitâk lama thaumei a det tieng gimlim chuh a hâl sek ding ahi a; zie chuh na suonteu chana Lalpa ma a gimlim hizing ina.

2 PETER 1:19

Zieziekchun, thiemgaute thu genlawk haw akhan muonna det zawsem ka neih uh ahi. Zie chuh, na lunggil uh a Zingsawl aksi a hung vak masang sieh in, khawvak ma a thaumei vak tawbang in zie thu chuh na lungthim uh salhvakna’n mang leu chin pha ding ahi.

JOHAN 5:35

Zie Johan chuh thaumei kuong leh vak tak tawbang ahi a, a vaka um takdih na nuom sek u kha.

1 SAMUEL 30:25

Tichun, zie ni apat a tutieng hin zie chu Israel te dingin thupiek leh dân in a siem ta a.

PAWTDAWKNA 28:43

Zie chuh Aron leh a chapate ka umna puon-In a a lut tieng u leh, mun thiengtho a thiempu na sem dinga maichâm kawma a chieh tak u leh a âk zel ding uh ahi; khutilochun gilo a ngaih hiu intin, thi kha’n au; zie chun Aron leh a nunga a suonte chanin le kumkhuo a dinga dân det hi’n a.

THUPHUON 2:1

“Ephesi khuo a sapchuom haw lawi vânsâwlchâk kawm achun hiti hin zik ah: “A khut changlama aksi sagih chawipa, sana thaumei kawihna sagih laka vak vak pa khan, zie thu haw hi a gen ahii,

2 KORINTH 4:6

Krista mel a Pathien lopina eng chuh ei hetsak dingin, “Thim apat eng vak dawk ina,” tipa Pathien chun ka lunggil uh ei salh vak sak ta ngâl a.

LUKE 12:35

“Kiging zingin um unla, bang hungtung lele hi thei zieng dingin, na thaumei uh det kuongsa leh,

MATTHAI 4:16

Thim nuoia chute chun vak lopitak a muu a; Thihna mun leh a lîma chute chunga chun vak a hung pawt tai!” ti a a gen kha a hung tun theihna dingin ahi.

MALAKI 2:7

Thiempute kam chun hetna a vawp ding ahi ngâla, a kam apat in dân chuh a hawl sek dinguh ahi; amah chuh Sepaih hawnte Lalpa sawlchak ahi ngâla.

SAM LEHKHABU THE PSALMS 134:1

Aw hung tiem u, Lalpa suok, Lalpa In a zan a ding sek chengcheng te, Lalpa chuh pakchau in.

KISIMNA 8:9

Levi te haw chuh kihona puon-In masang achun pui inla, Israel suona mipi chengcheng sapkhawm sak inla;

THIEMPUDANTE 24:9

Chun, zie chuh Aron leh a chapate chanvo hi’n tin; mun thiengtho a a nek dinguh ahi, kumkhuo dana Lalpa dinga mei thillat te laka amah a dinga thil thiengtho pên ahi, a ti a.

THIEMPUDANTE 24:3

Thugawlh kawihna thingkuong masanga, puonzak pawlama Lalpa umna puon-In a chun, nitâk cheng leh, zingkal tiengin Aron chun thaumei chuh a det ding ahi. Zie dân hi na suon zel teu chana kumkhuo dân ding ahi.

THIEMPUDANTE 3:8

a thillat lu chung achun a khut nga’n tin, kihona puon-In mai ah that intin; chun, Aron chapate chun, maichâm chuh thisan a chuh a theh viel dinguh ahi.

PAWTDAWKNA 40:3

A sung achun thugawlh kawihna bawm na kawih ding ahi a, chun, bawm chuh puon zak in na daltan khum ding ahi.

PAWTDAWKNA 30:36

A khenkhat chuh gawi nêl dimdem inla, ka hun hopih sekna ding kihona puon-In sung a thugawlh umna thingkuong masang a na kawih ding ahi; zie chuh nanga dingin thil thiengtho taka hi’n a.

PAWTDAWKNA 29:44

Kikhawpna puon-In leh maichâm chuh suthiengtho ing ka ting: Aron leh a chapate chuh kei a dinga thiempu nasem a zenvielna na a sep theihna ding un hih thiengtho ing ka.

PAWTDAWKNA 29:42

Zie chuh na suonteu chana kihona puon-In kawtkhak bul a Lalpa ma a hâlmang thillat hih zing ding ahi.

PAWTDAWKNA 29:28

Zie chuh Israel suonte apat a kumkhuo a Aron leh a chapate chanvo dinga guot hi’n a; zie chuh khaihkang thillat ahi ngâla; chamna thillat a a kithawihna teu laka Israel suonte’n a khaihkang thillat ding u chuh hi’n a, Lalpa dinga khaih thillat ngêi u chuh a malpi thiempute dinga a piek ding uh hi ka dân kithenglo ding chuh ahi. Ziehi kei Lalpa kawma mipite thilpiek chuh ahi.

PAWTDAWKNA 25:16

Chun, bawm sung achun thu hetsakna suongpek nih ka hun piek ding chuh na kawih ding ahi.

PAWTDAWKNA 16:34

Lalpa’n Mosi thu a piek bang chun, Aron chun vawp zing dingin Thuthun Bawm achun a kawih ta a.

THILSIEMBUL 1:8

Pathien in vanthamzawl chuh “Van” a vawh a. Tichun, nitâk a hung hi a, zingkal a hung hi kit a, a ni nihna chuh.

THILSIEMBUL 1:5

Chun, Pathien in vak chuh “Sun” a vawh a, thim chuh “Zan” a vawh a. Tichun nitâk a hung hi a, zingkal a hung hi kit a, a ni khatna chuh.

THIEMPUDANTE 24:2

olive thau thieng tak, det dinga kithawk chuh thaumei det vak zing na dinga na kawma hun chawi dingin thupie’n.

KISIMNA 18:5

Nang leh na chapa te chun mun thiengtho leh maichâm na chuh sem unla, Israel chate chunga ka lungnat a puonzak kit lohna ding in.

PAWTDAWKNA 12:14

Chun, zie ni hi nang uh dingin hetzing na ni hi’n tin, Lalpa dinga guolvakna ni a na mat dinguh ahi; na suonteu chanin kumkhuo thuguot ding a um zing dinga guolvakna ni a na mat dinguh ahi,” a ti a.

PAWTDAWKNA 30:21

Khutichun a thih loh na dingun a khut leh a kengteu chuh a sil sek ding uh ahi. Zie chuh amau dingin kumkhuo a amah leh a suonte leh, a suon kitte chan dinga dân hi’n a,” ti’n a gen a.

THIEMPUDANTE 6:15

Chun, ama’n a khut khat dim in an thillat a changbuong nêl tak leh sathau leh an thillat chunga begaw chengcheng chuh ladawk in tin, Lalpa dinga gimlim tak, hetzing na dinga maichâm a a hâl ding ahi.

THIEMPUDANTE 7:36

Zie hi thau nuh ahih niu apat a Israel chate’n a piek ding u a Lalpa’n thu a piek Israel chate’n akhang akhang a a zuih dingu chuh ahi.

THIEMPUDANTE 10:9

“Nang na him na chapate ahim inle, kihona puon-In sung achun uain ahim, zu ahim dâwn kiu in; khutilochun, thi kha’n lau. Ziehi na suonteu inle kumkhuo a a zawp zel dinguh dân chuh ahi.

THIEMPUDANTE 17:7

Israel chate chun, a kithawihnau gancha chuh, mun chuom a that a, kêlchal Pathien kawma kithawihna bawl a; Lalpa a dinga ginumlo tak a um tâk loh dinguh ahi. Israel chate chun, zie dân hi, hun hung tung zel ding ale a nit zel dinguh ahi.

THIEMPUDANTE 23:14

Chun, chângthâk ahim, a kikang ahim, buhvui kikang ahim chuh zie ni a na Pathien masanga thillatna bawl masang u a chuh na nek loh dinguh ahi. Zie dante hi na khang na khang u a na zuih zel ding u a thutiem ahi.

THIEMPUDANTE 23:21

Chun, zie ni chuleh khawmpi thiengtho na bawl dinguh ahi a, châwl na theih himhim na nasep loh dinguh ahi.Zie hih na chênnau cheng u a na nit zing dinguh u leh na suonteu inle a hun zuih zel dinguh dân chuh ahi.

KISIMNA 35:29

Zie thil haw hi na suonteu chana na chênna tâk u ah na vaihawm dân ding u leh na zuih ding uh ahi.