PAWTDAWKNA 25:9 - PATHIEN LEKHABU THIENGTHO (BSI)

⁹ Hobuk lim leh a sunga thuomphuo ding chengcheng lim ka hun etsak bang tak ahih na siem ding uh ahi.

PAWTDAWKNA 25:9 ပူးပေါင်းရင်းမြစ်များ

PAWTDAWKNA 25:40

Tichun tânga a lim ka hun etsak bang ngêi a khah kuhkal taka na siem ding ahi tih hezing in.

HEBRAI 8:5

Ziete haw chun van a um haw lim leh a tawbang maimai chuh a sem sek uh ahi. Mosi’n hobuk a sak ding kuon vela Pathien in a kawm a, “Tanga etkalpih ding etsak a na um bang khan, bangakai siem dingin chingthei ah,” a tih bang khan.

NASEPTE 7:44

“A lim a muh banga siem dinga Mosi hilhpa’n a guot guol khan, ei uh ei suonte’n gamthip akhan hetsakna puon-In chuh a nei u a.

HEBRAI 9:9

Zie chuh tulai huna thil um dingte etsakna ahi. Zie chun, thillat te leh gancha a kithawihna, Pathien kawma piekte chun a hopa sielephahetna chuh a subukim thei tak tak puoi.

HEBRAI 8:2

Amah chun, Mun Thiengtho pên, mihiem sak hilo, Lalpa sak ngêi hobuk tak tak achun Thiempu Lienpen nasep chuh a sem ahi.

HEBRAI 9:2

Puon-In a siem uh a, a tuohtil chuh Mun Thiengtho a kiti a. Zie tak achun thaumei tunna leh, Pathien kawma chângthâk lat kawihna dawhkhâng chuh a um a.

PAWTDAWKNA 26:30

Khutichun, tâng chunga a lim ka hun etsak bang taka khah hobuk chuh na sak ding ahi.

KISIMNA 8:4

Zie thaumei kawihna kisiem dân chuh, sana kisêk thawh ahi a; a kung bul apat a a mawng chana kisêk thawh ahi, Lalpa’n a lim Mosi a etsak bang tak khan thaumei kawihna chuh a siem a.

PAWTDAWKNA 39:32

Khutichun kihona puon-In na chengcheng chuh a zo tau a: tichun Lalpa’n Mosi kawma hih dinga thu a piek bangtak khan Israel chate chun a hih u a.

PAWTDAWKNA 39:42

Lalpa’n Mosi kawma hih dinga thu a piek chengcheng chuh Israel chate chun a hih suok kêi tau a.

PAWTDAWKNA 39:43

Mosi’n zie nasep chengcheng chuh a en a, a zo suok kêi tau a; ngaitie, Lalpa thupiek bang takin a zo suok kêi tau hi: tichun Mosi’n amau chuh a vangsak ta a.

KISIMNA 4:12

Mun thiengtho a a matchâk uh, ûmlebel chengcheng chuh la vek un tin uh, puondum in chun untin, a khuhna ngalvang vun hawihtak chuh khuh untin uh, a zawnna chunga a kawih dinguh ahi.