PAWTDAWKNA 25:18 - PATHIEN LEKHABU THIENGTHO (BSI)

¹⁸ Chun, cherub nih sana a na siem ding ahi; zahngaihna chutphah mawngtuok a ding chuh a sêka na sêk thawh ding ahi.

PAWTDAWKNA 25:18 ပူးပေါင်းရင်းမြစ်များ

HEBRAI 9:5

Thingkuong chunga chun, Zahngaihna chutphah chuh a thau zak khum in, Cherub lopitak nih a um u a. Himahlele, zie thu haw chuh tuhin, a kip a kâwi in gen thei puoi tiu.

EZEKIEL 10:20

Ziehaw hi Kebar lui panga Israel Pathien nuoia thilhing ka muh haw chuh ahiu a, Cherub te ahiu ui tih ka he ta a.

EZEKIEL 10:2

Chun, amah chun patngatpuon silh pa kawm achun. Cherub nuoia kangtalai keng haw lak a khun va lut inla, Cherub te laka mei-âm khu na khutte nih dim in va ham inla, khawpi chungah thehzak in, a ti a. Chun, ka et zing lai ngêi chun a chieh ta a.

1 KHANGTHUBU 28:18

sana thieng a siem, gimlim hâlna maichâm dingte; Cherub te, a thau zaka, Thugawlh kawihna Thingkuong khuhte dinna ding lim kangtalai guola siemna dingte tawh a pie a.

1 SAMUEL 4:4

Khutichun mipite chun Shiloh ah mi a sawl u a, zie apat chu Cherub te chunga chu sepaihte Lalpa thuthun bawm chu ava la tau a: chun, Pathien Thuthun bawm a laknau achun Eli chapate nih Hophni leh Phinehas le a tel u a.

THILSIEMBUL 3:24

Khutichun, mihiem chuh Eden suohlam achun a nawhdawk ta a; chun, hinna thing lampi chuh veng dingin Eden huon suohlam pang achun Cherub te leh meiko chemzâm kipei tuoh zing chuh a kawih ta a.

PAWTDAWKNA 25:17

“Chun, sana thiengkei a zahngaihna chutphah na siem ding ahi: a dunglam chuh tawng nih leh a lang hi henla, a vailam chuh tawng khat leh a lang hi hen.

PAWTDAWKNA 25:19

A mawng langkhat ah cherub khat siem inla, a mawng langkhat ale cherub khat siem in; zahngaihna chutphah tawh kizawm khawm in a mawng tuok ah cherub nih na siem ding ahi.

2 KHANGTHUBU 3:10

Chun, a In thiengtho pên a chun Cherub lim nih siem ding thu a pie a, ziehaw chu sana’n a luonkhum a.

PAWTDAWKNA 25:36

Zie paklieng haw leh a bâkhaw chuh kimat vek ding ahi a: a pumpi a chuh sana thieng a sek ding ahi.

EZEKIEL 10:3

Chun, mipa chuh a lut lai khan Cherub te chuh Ho-In simlam panga ding ahiu a chun, huongsung sungnung zaw chuh mei in a dim ta a.