PAWTDAWKNA 25:16 - PATHIEN LEKHABU THIENGTHO (BSI)

¹⁶ Chun, bawm sung achun thu hetsakna suongpek nih ka hun piek ding chuh na kawih ding ahi.

PAWTDAWKNA 25:16 ပူးပေါင်းရင်းမြစ်များ

1 LENGTE 8:9

Aigupta gam apat a a hung pawt u a Lalpa’n Israel chate kawma thu a gawlh lai a Mosi’n Horeb tânga suongpek nih a kawih tihloh kha chuh, zie bawm sung achun bangmah dang a um puoi.

DAN NIHNA 31:26

“Zie Dan Lehkhabu hi lau inla, na chungchâng thuu a hetpih hiding in, Lalpa na Pathien u thuthun bawm ning achun kawih un, zie taka chuh um zing dingin.

HEBRAI 9:4

Zie tak achun gimlim hâlna sana maichâm leh, Thugawlh kawihna Thingkuong, sanati a kiluonkhum leh sana bel. Manna umna leh, Aron tiengkhut hung seldawk leh, suongpek nih, a chunga Thugawlh kizik chuh a um a.

PAWTDAWKNA 16:34

Lalpa’n Mosi thu a piek bang chun, Aron chun vawp zing dingin Thuthun Bawm achun a kawih ta a.

ROME 3:2

Lam tina dingin a phachuom hi; a masapen in, Pathien in a thu haw chuh Judate kawmah a vawpsak masapen a.

NASEPTE 7:44

“A lim a muh banga siem dinga Mosi hilhpa’n a guot guol khan, ei uh ei suonte’n gamthip akhan hetsakna puon-In chuh a nei u a.

2 LENGTE 11:12

Tichun, Jehoiada chun Joash chuh a hun puidawk a, lal lukhuk a khuk sak a, leng vaihawmna dante chuh a pie a. Tichun, sathau a nuh a, a khut uh a beng u a, “Leng chu damsawt hen,” ti’n a kiko u a.

KISIMNA 17:4

Ka umna puon-In ka hun hopih sekna mun a, thugawlh kawihna bawm masang achun kawih in.

PAWTDAWKNA 38:21

Ziehaw hi Hobuk a suongpek nih a chunga Thu Sawm Piek kizik kawihna ding a thil matchâk kimangte chuh ahi. Zie chuh Mosi’n thu a piek guol a Levi chite’n thiempu Aron chapa Ithamar puihhuoina nuoia a bawlteu chuh ahi.

PAWTDAWKNA 34:29

Chun, tihi a hung hi a, Mosi chuh Thu Sawm Piek zikna suongpek nih chuh a khuta chawi in Sinai tâng apat chun a hung suk a, tâng apat a a kum suk chun, Mosi’n Lalpa tawh a kihona ziek u chun a maivun chuh a hung vak tai tih a he hiel puoh a.

PAWTDAWKNA 32:15

Chun, Mosi chuh a kipana, tâng apat chun a kum suk a, thu hetsakna suongpek nih a khut in a chawia; suongpekte nih chuh alangtuok kizik ahi a, a langkhat leh a lehlam kizik gel ahi.

PAWTDAWKNA 31:18

Tichun Sinai tânga Mosi a hopih zawh chun thuthunna Suongpek nih, Pathien khutzung a zik suongpekte chuh Mosi a pie ta a.

PAWTDAWKNA 30:36

A khenkhat chuh gawi nêl dimdem inla, ka hun hopih sekna ding kihona puon-In sung a thugawlh umna thingkuong masang a na kawih ding ahi; zie chuh nanga dingin thil thiengtho taka hi’n a.

PAWTDAWKNA 30:6

Chun, zie chuh thugawlh kawihna chunga ka hun hopih sek na ding, zahngaihna chutphah ma ah, thu hetsakna kienga puonzak pawlam achu na kawih ding ahi.

PAWTDAWKNA 27:21

Aron leh a chapate chun, ka umna puon-In sung a thugawlh umna bawm kawihna puonzak pawlam achun a det sek ding uh ahi. Zie taka ka umna chuh nitâk apat in zingkal chanin a det sek dinguh ahi. Zie thupiek hi Israel chate leh a suonteu in kumkhuo a dettaka a zuih dinguh ahi.

PAWTDAWKNA 25:21

Tichun, bawm chung achun zahngaihna chutphah kawih inla, chun, bawm sung achun thu hetsakna ka hun piek ding chuh na kawih ding ahi.

PAWTDAWKNA 26:33

Zie puonzak chuh puonzak kilhmatna nuoi lam a chuh na zak ding ahi a; puonzak sung lam achun Thuthun Bawm chuh na kawih lut ding ahi; tichun, puonzak chun mun thiengtho leh mun thiengtho pên chuh hun daidan sak ina.

PAWTDAWKNA 40:20

Chun, suongpek nih chuh a la a, Pathien bawm sung ah a kawih a. A zawnna mawlh chuh a bil ah a thun a, a chung achun zahngaihna chutphah a kawih a.

JOSHUA 4:16

“Thiempute, thugawlh bawm zawnte kha Jordan lui apat hung pawt ding in thu pie’n,” a ti a.

2 KHANGTHUBU 23:11

Tichun, amau chun leng chapa chu a hun puidawk u a, lallukhuk a khuksak u a, lengte vaihawm dân bu chu a pieu a, khutichun, leng in a siem u a, tichun, thiempu Jehoiada leh a chate chun sathau a nuh u a, mi chengcheng chu a kiko u a, “Pathien in leng chu humbit hen” a tiu a.