PAWTDAWKNA 24:3 - PATHIEN LEKHABU THIENGTHO (BSI)

³ Tichun Mosi chuh a va chieh a, Lalpa thugen chengcheng leh vaihawm dân ding chengcheng chuh mipite kawmah a va gen a: chun, mi chengcheng chun, “Lalpa gen chengcheng chuh hih ing kau,” ti’n kiguol in a dâwng u a.

PAWTDAWKNA 24:3 ပူးပေါင်းရင်းမြစ်များ

PAWTDAWKNA 19:8

Chun, mipi chengcheng chun, “Lalpa gen chengcheng chuh hih zel ing kau,” ti’n kiguol takin a dâwng u a. Tichun Mosi’n mipite thugen chuh Lalpa a hilh sawn a.

PAWTDAWKNA 24:7

Chun, thugawlh lehkhabu chuh a la a, mipite zak achun a sim a: amau chun, “Lalpa’n a gen chengcheng chuh hih zel ing ka ting un, zawp zel ing kau,” a tiu a.

JOSHUA 24:22

Chun, Joshua’n mipite kawmah, “A na sep guo’n Lalpa chuh na tel tau hi tih thu hetpihte chuh nangmau haw ngêi hi na hiu hi,” a ti a. Amau chun, “A hetpihte ka hi tau hi,” a tiu a.

DAN NIHNA 6:1

“Chun, luoh dinga na chiehnau gama chuh na zuih theihna ding u a nang u hun hilh dinga Lalpa na Pathien thu ei piek thupiek haw leh danhaw leh thutanna haw chuh ziehaw hi ahiu:

DAN NIHNA 5:1

Chun, Mosi’n Israel suonte chengcheng chuh a sam khawm a, a kawm u ah, “Aw, Israel mite haw, na zil u a, na zuih u a, na hih ding u a dân haw, thutanna haw na hetnau a tunia ka gen hi chingthei takin ngaithau in.

DAN NIHNA 4:45

Zie hetsakna haw leh thutanna haw hi Aigupta apat a hung pawt lai u a,

DAN NIHNA 4:5

“Ngaitiem u, na valuoh dinguh gama chule na zuih zel dingun Lalpa ka Pathien in thu ei piek bang takin dân haw leh thutanna haw chuh ka hun sinsak a.

DAN NIHNA 4:1

Khaile, aw, Israel mite haw, Lalpa na pileputeu Pathien in a hun piek gam chuh hing leh dama na luoh theihna dingun na pawm ding u a ka hun sinsak dân leh thutanna haw hi ngaithau in.

DAN NIHNA 11:1

Zieziekchun, Lalpa na Pathien u chuh na hehpih un a thilphut haw, a dân haw, a vaihawm haw leh a thupiek haw chuh na zuih zing dinguh ahi.

DAN NIHNA 5:31

Himahleh, nang vang chuh ka kawmah ding inla, a luoh ding u a gam ka pieka a zuih ding u a na sinsak ding thupiekte chengcheng leh dân haw leh thutanna haw chuh hun hilh ing ka,’ a ti a.

PAWTDAWKNA 24:2

Chun, Mosi chuh amah mai in Lalpa kawmah hung nai henla, amau haw vang chun hun naih kiu henla, mipite le a kawmah hung to kiu hen” a ti a.

JOSHUA 24:24

Chun, mipite chun Joshua kawmah, “Lalpa ka Pathien uh na chuh sem ung ka tingun, a thu awi zel ung kau,” a tiu a.

JEREMIA 11:4

Zie chuh na pileputeu Aigupta gama thik hâltuina mei apat a ka puih dawk ni a ka kamsuok ahi, ka thu zawp unla, ka thupiek chengcheng chuh zawp un, ti a ka thupiek chuh ahi. tichun ka mite hi’n na tin un, keile nang u dingin Pathien hi’ng ka.

JEREMIA 34:13

Lalpa Israel Pathien chun hiti hin a tii: “Aigupta gam apat na pileputeu ka hun puihdawk ni khan kitiemna ka nei u a.

MALAKI 2:10

I bawn un pa khat hin hilo I hiu hi? Pathien khatin ei siem le I hi puou a ahim? Bang zieka eihaw ei suonte thugawlh musit a, khat leh khat I kithep tuoh sek uh a?

JOSHUA 24:21

Chun, mipite chun Joshua kawmah, “Hilo e! Lalpa na sem ding ka hiu hi,” a tiu a.

2 KHANGTHUBU 15:14

Lalpa kawmah aw ngeih tak in, aw gi’n, pengkun gi tawh pengkun binei gi tawh a kipautiem u a.

2 KHANGTHUBU 15:15

Chun, Juda mi chengcheng chu a kipautiem nau achun a kipâk u a, a lunggil tak u a kitiem ahiu a, Lalpa hona a chu a kipâk u a, pawm le a pawm a. Lalpa’n muntin ah gâlmuong a umna a pie ta a.

SAM LEHKHABU THE PSALMS 50:5

“Ka mi ginum te ka kawmah hun puikhawm un, Kithawihna sa that a ka kawma thugawlh siemte haw chu,” ti’n.

HAGGAI 2:5

Aigupta apat a na hung pawt lai u khan le, na kawm u a um zel ding ka hi tin ka hun thutiem sa bang khan na lak uh ah ka thagau a cheng zing hi, lau kiu in.