PAWTDAWKNA 24:16 - PATHIEN LEKHABU THIENGTHO (BSI)

¹⁶ Chun, Lalpa lopina chuh Sinai tâng achun a um zing ta a, meipi chun ni gup sung a khuh a: chun a ni sagih ni chun meipi apat chun Mosi chuh a vak sama.

PAWTDAWKNA 24:16 ပူးပေါင်းရင်းမြစ်များ

PAWTDAWKNA 16:10

Israel chate kikhawm khawm chengcheng kawma Aron in thu a gen lai tak chun, thalek lam chuh a vak en a; chun, ngaitie, Lalpa lopina chuh meipi ah a hung kilang ta a.

KISIMNA 16:42

Mosi leh Aron chung thu a mipi a kipunkhawm lai u chun puon-In lam chuh a ngau a; meipi’n ahun khuh a, Lalpa lopina hung kilang chuh a muu a.

EZEKIEL 1:28

Guoh zuk ni a mei chunga sakhizozum kilat dân tawbang hi a kimvela vak kilat dân chuh ahi Ziehi Lalpa lopina kibatpih kilat dân chuh ahi. Chun, zie chuh ka muh in khupbawk in ka puk a, thugenpa aw ka za a.

SAM LEHKHABU THE PSALMS 99:7

Amau kawm a chun meipi’n thu a gen a! A thuhetsak te leh a thuguot amau kawma a piek chuh a zui u a.

KISIMNA 14:10

Himahlele mipite chengcheng chun suong a sehlup zieng ding in a vau u a. Tichun, Israel chate kawm achun Lalpa lopina chuh kihona puon-In chung achun a hung kilang kit ta a.

THIEMPUDANTE 9:23

Chun, Mosi leh Aron chuh kikhawp khâwmna puon-In achun a va lut u a, a hung pawt kit u a; mipite chuh a vangsak a; tichun, Lalpa lopina chuh mi chengcheng chung achun a hung kilang ta a.

THUPHUON 1:10

Lalpa ni achun, Thagau in ka hung um a, chun, ka nung lam ah, pengkun gi tawbang, aw ngeih tak in,

2 KORINTH 4:6

Krista mel a Pathien lopina eng chuh ei hetsak dingin, “Thim apat eng vak dawk ina,” tipa Pathien chun ka lunggil uh ei salh vak sak ta ngâl a.

PAWTDAWKNA 24:17

Israel chate mitmuh chun Lalpa lopina lat dân chuh tângsipa hâltuina meikuong tawbang hiel ahi.

PAWTDAWKNA 20:10

a ni sagih ni vang chuh Lalpa na Pathien dinga chawlhni ahi; zie ni chun na himhim na sep ding ahi puoi, nangin le, na chapa’n le, na chanu’n le, na suokpa’n le, na suoknu’n le, na ganchate’n le, na In a nam dang in le.

PAWTDAWKNA 19:11

A ni thum ni a dingin kisazo u hen: ni thum ni chun mipite chengcheng mitmuh in Sinai tâng achun Lalpa hungsuk ding ahi.

PAWTDAWKNA 19:9

Chun, Lalpa’n Mosi kawmah, “Ngaitie, ka hun hopih lai tak mipite’n le a hettheih u a, kumkhuo a na thu a ginchak theihna dingun meipi sah tak lak ah na kawmah hung ing ka,” a ti a.

THIEMPUDANTE 9:6

Mosi chun a kawm u ah, “Ziehi ahi, Lalpa’n hih dinga thu a hun piek chuh ti a chuh a lopina vak chuh na lak uh a a hung kilak theihna dingin,” a ti a.

ISAI 4:5

Tichun, Lalpa’n, Zion tâng leh a kikhawmte chung achun, sun in meikhu, zan leh meikuong vak sawl sak ina, Pathien lopina chun khawpi sung chengcheng chuh khuh in vengbit ding ahi ngâl a.