PAWTDAWKNA 24:14 - PATHIEN LEKHABU THIENGTHO (BSI)

¹⁴ Mosi chun upate kawm achun, “Na kawm u a ka hungkit masangsieh zie tak ahin ei na ngak zing un; Aron leh Hur na kawm u ah a um u a, kuo’n le thubuoi bang hitaleh na neih u chun a kawm u ahi na chieh sek ding uh ahi,” a ti a.

PAWTDAWKNA 24:14 ပူးပေါင်းရင်းမြစ်များ

PAWTDAWKNA 17:12

Himahlele Mosi bân haw chuh a hung kham ta a; tichun suong a lau a, a nuoi achun a kawih u a, zie chun a chu ta a; chun, Aron leh Hur chun a khut chuh a dawpsak tau a, khatin langkhat a dawm a, khatin langkhat a dawm a, khutichun, ni tum chanin a khuthaw chuh a um ngêi in a um ta a.

PAWTDAWKNA 17:10

Tichun, Mosi gen bang chun Joshua’n a hih a, Amalek te chuh a va do ta a; chun, Mosi leh Aron leh Hur chuh tâng chung ah a va kal u a.

THILSIEMBUL 22:5

Tichun a suok tangvalte kawm achun, “Zie hin sabiltung hi tawh a na um u, kei leh naupang hi zie khun va chieh ing ka ting un, Pathien va ho ing ka ting un, na kawm u ah hungkit ing kau,” a ti a.

1 SAMUEL 10:8

Chun, ka chieh masang in Gilgal ah va chieh inla; chun, ngaitie, keile hâlmang thilpiekte leh chamna thilpiekte pie dingin na kawmah hungsuk ing ka ting: na kawma ka hunga, na hih ding ka hun hilh masang sieh ni sagih na um ding ahi,” a ti a.

PAWTDAWKNA 32:1

Chun, mipite chun Mosi chuh tâng akipat hungsuk hak a sak bêk phet un Aron kawmah a hung khawm u a, a kawmah, “Khai, ka mau pui dingin pathiente ei siem sak in; zie Mosi Aigupta gama pata ei puidawkpa hi la a chanchin ka he ta puoh ngâl un,” a tiu a.

PAWTDAWKNA 18:16

Thubuoi bang ahim a neih u chun ka kawm ahin a hung sek u a; tichun ken aban banin a thuu chuh ka na tan sak sek a, chun, Pathien lemguot leh a dante chuh ka na hetsak sek ahi,” a ti a.