PAWTDAWKNA 24:12 - PATHIEN LEKHABU THIENGTHO (BSI)

¹² Khutichun Lalpa’n Mosi kawmah, “Tang ahin ka kawmah hung to inla, na umsung chun mipite na hilh ding suongpek a dân leh thupiek ka zik chuh hun na pie’ng ka,” a ti a.

PAWTDAWKNA 24:12 ပူးပေါင်းရင်းမြစ်များ

DAN NIHNA 5:22

“Zie thu haw hi tânga khan meikuong haw leh meipi haw leh thim sah tak haw apat in aw ngeih tak in kikhawmte chengcheng kawmah Lalpa’n a gena, a behlap diek ta puoh a. Ziehaw chuh suongpek nih ah a zika, ei pie ta a.

PAWTDAWKNA 31:18

Tichun Sinai tânga Mosi a hopih zawh chun thuthunna Suongpek nih, Pathien khutzung a zik suongpekte chuh Mosi a pie ta a.

HEBRAI 9:4

Zie tak achun gimlim hâlna sana maichâm leh, Thugawlh kawihna Thingkuong, sanati a kiluonkhum leh sana bel. Manna umna leh, Aron tiengkhut hung seldawk leh, suongpek nih, a chunga Thugawlh kizik chuh a um a.

2 KORINTH 3:3

Krista lehkha, eimau haw manga a thak; lehkhatui a zik hilo, Pathien hing Thagau a zik zawk; suong pêk a zik hilo, phehlevo lunggil pêk a zik ahi zawi tih, chien taka latsak ahi ngâl a.

JEREMIA 31:33

Chun, ziehaw zawh nunga Israel inkawte tawh thugawlh thak ka siem ding chuh ziehi ahi, Lalpa’n a tii: A lunggil u ah ka thupiek kawih ing ka ting, a lunggil uh a le zik ing ka. Kei hi a Pathien uh hi’ng ka ting, amau haw chuh ka mite hita’n au.

2 KORINTH 3:7

Dan chuh, suongpek chunga lehkhamal a zik ahi a; zie chuh pieka a um lai in, Pathien lopina chuh a kilak a. Mosi maichang apat-vakna chuh mang hiei hiei mah leh, a hât bêk ziekin, Israel chate’n a mel chuh châng takin a en ngam puou hi. Dan mat a hih laia thihna tuntu mai bawn, zie tawbang taka lopi a a hung chun.

DAN NIHNA 4:14

Zielai chun, chieh galkai a na va luoh dingu gama chuh na zuih ding u a dân haw leh thutanna haw chuh nang uh hun hilh dingin Lalpa’n thu ei pie a.

PAWTDAWKNA 24:18

Chun, Mosi chuh meipi laka tâng achun a va kalto a, chun, Mosi chuh tâng achun ni sawmli leh zan sawmli a va um hi.

PAWTDAWKNA 24:15

Khutichun Mosi chuh tâng achun a va kalto a, chun, meipi’n tâng chuh a khuh ta a.

PAWTDAWKNA 24:2

Chun, Mosi chuh amah mai in Lalpa kawmah hung nai henla, amau haw vang chun hun naih kiu henla, mipite le a kawmah hung to kiu hen” a ti a.

MATTHAI 5:19

Zieziekchun kuole zie thupiek neupen te laka khat mai le bawhsie a, zie banga chuh hih dinga mi sinsak ta chuh, van gam achun mi neupen te hi’n a; amahvang chuh kuole zawpa, zie banga mi sinsak ta chuh van gam ah milien tih hi’n a.

NEHEMIA 9:13

Tichun, Sinai tâng achun na hung kum suk a, van apat in a kawm u ah thu na gena, vaihawmna dikte, dân diktak leh thuguot leh thupiek hawihtak na pie a;

EZRA 7:10

Ezra chun Lalpa Dan chuh he a zawp ding leh Israel kienga a thuguot haw leh vaihawmna sin sak dingin a lungthim a pie ta a.

PAWTDAWKNA 34:1

Lalpa’n Mosi kawmah, “Suongpek nih a masa tawbang khan sêk kit in: chun, suongpek achun a masa a na seh phel suongpek a thu kizik mah khah zik kit ing ka.

DAN NIHNA 5:31

Himahleh, nang vang chuh ka kawmah ding inla, a luoh ding u a gam ka pieka a zuih ding u a na sinsak ding thupiekte chengcheng leh dân haw leh thutanna haw chuh hun hilh ing ka,’ a ti a.

1 LENGTE 19:11

Chun, Lalpa chun, “Va pawt inla, tânga khun Lalpa masangah va dingin,” a ti a. Ngaitie, Lalpa a hung a, huihpi nasa takin a tângte chu a hun mût khi a, Lalpa masang achun suongpite chu a phel lem lum a; himahlele huih achun Lalpa chu a um puoi: chun, huih nun zawh chun lei a hung lîng a; himahlele leilîng achun Lalpa a um diek puoi:

PAWTDAWKNA 19:3

Chun, Mosi chuh tâng achun Pathien hopih dingin a va chieh to a, tichun Lalpa chun tâng apat chun a na hopih a, a kawmah, “Israel chate, Jakob suonte kawm achun thu gen in la, Israel suonte chuh hilh in.

PAWTDAWKNA 32:1

Chun, mipite chun Mosi chuh tâng akipat hungsuk hak a sak bêk phet un Aron kawmah a hung khawm u a, a kawmah, “Khai, ka mau pui dingin pathiente ei siem sak in; zie Mosi Aigupta gama pata ei puidawkpa hi la a chanchin ka he ta puoh ngâl un,” a tiu a.

NEHEMIA 9:14

Chun, na chawlhni thiengtho chuh amau haw na hetsak a; thupiekte thuguot te leh dân te chuh na suok Mosi mang in na pie a.

SAM LEHKHABU THE PSALMS 19:12

Himahleh, kuo a amau thil hihkhelh he thei ding? Gitlohna kisel haw lak ahin ei thielngim in.