PAWTDAWKNA 23:8 - PATHIEN LEKHABU THIENGTHO (BSI)

⁸ Gawlhgukna himhim na lâk ding ahi puoi, thiemlohna neilote chungchâng achun gawlhgukna’n mi mit a sudûk sek hi.

PAWTDAWKNA 23:8 ပူးပေါင်းရင်းမြစ်များ

DAN NIHNA 16:19

Thudik heikawi a vai na hawm dinguh ahi puoh a, kuomah panpih chuom na neih dinguh ahi puoi; gawlhgukna na lak loh hiel dinguh ahi; gawlhgukna chun mipilte mit chuh a sudûk seka, mi dikte thu chuh a heikawi sek ngâla.

ISAI 5:23

Gawlhgukna sum a nek zieka migilo thiemchan sak seka, hihkhelh neilote dikna lâksak sekte haw ngêi chu tawh.

THUCHINGTE 17:23

Vaihawm diklo chun gawlhgukna a la a, thudik a vaihawmna a susie sek hi.

THUCHINGTE 15:27

Diklo taka lawkna chun amah insung a subuoi sek a, himahleh gawlhgukna deihlote vang chuh lawhting in au.

1 SAMUEL 8:3

Himahlele a chapate’n vang a umdan a la puou a, sumlepai lam a delh u a, gawlhgukna haw a lau a, diklo takin vai a hâwm u a.

THUGENPA 7:7

Gimtheihna ziekin mipil chule a ngawl thei a, Gawlhgukna chun lungthim a subuok hi.

THUCHINGTE 17:8

Gawlhgukna hi a piepa mit achun dawi suong tawbang ahi a, thil chengcheng hihthei dingin a gingcha a.

SAM LEHKHABU THE PSALMS 26:10

Amau haw khut a chun ngaihtuohna phalo a um a, A khut changlam u chuh gawlhguk na’n a dim a.

1 SAMUEL 12:3

Ngaiun, zie hin ka um hi: Lalpa leh sathau a nuh pa masang ahin ka phatlohna gen tiem u le; Kuo bâwngchal ka chuh kha? Kuo sabiltung ka chuh kha? Kuo ka dawha bawl kha? Kuo ka pawngbawl kha? Ka mit ei sukdûk sak dingin kuo khut apat gawlhgukna ka la kha? Hun pekit vek ing ka,” a ti a.

DAN NIHNA 10:17

Lalpa na Pathien u hi pathiente Pathien, lalpa te Lalpa, Pathien lopi tak, hât tak, tizat-um tak, deihsak chuom neilo leh gawlhgukna le la khalo ahi ngâla,

MIKA 7:3

Thil gilo hih chuh a thiem chiet u a. Miliente leh thutante chun gawlhgukna a ngek chiet tau ui. A milienteu chun a hinna’n thil phalo a utchak chuh a gendawk u a; tichun, thil a guonggalh khawm tau ui.

AMOS 5:12

Na bawhsietna hawu tam dân leh, na gitlohnau a nasat dân ka he ngâl a: mi diktatte na sugimthei u a, gawlhgukna na lau a, kulhkawtkhak a mi gimtheite chanvo ngêi le pie phal lo te haw.

EZEKIEL 22:12

Na sunga chun thisan suoh dingin gawlhgukna a lau a, a lawk leh a pung na la a, na invengte thil na pawng lak sak a, diklo takin na kisulawk a, kei nei hengilh ta ahi,” Lalpa Pathien chun a tii.

THUCHINGTE 19:4

Sumlepai in guolpha tamtak a siem sek a, himahleh, mi chagahte vang chuh a guolte’n a taihsan sek ui.

HOSEA 4:18

A zu dâwn u chuh a kikhen u a, nawhchizuok in a kisiem u a; a lopinau sangin thil zahchâk um chuh a ngaina zawu a.

ISAI 1:13

“Na thilpiek hun chawih teu leh na thil gimlim chuh kei dingin kihdak-um ahi. Tha thakte, sabbath te, gilo kawma khawmpi guntak neih a kisapkhawm haw maimai chuh ka thuok thei ta puoi.

SAM LEHKHABU THE PSALMS 15:5

A pung delh dinga sum palâk sak khalo chuh, A thiem zaw thiemloh chansak na ding a gawlhgukna le la khalo mi chuh. Zie tawbang mite chuh bang mah tik in kilîng ngei puo’n a.

ISAI 1:23

Na miliente chuh mi kiphin nuom, guchate guolpha ahiu a; mi chengin gawlhgukna sum leh thilpiekte a lau a. Pa neilote a panpih sek puou a, meithaite thugente le a ngaihthak sak puou ui.

ISAI 5:22

Aw nanguh zu dâwn hatte, zu hel tuok thiemte, na chung uh a gik hi!

ISAI 33:15

Kuole thil dik hih a, thudik gente, mi gimtheite min a lawkna deihlo a, gawlhgukna lak sanga a khut thinkhum a; thisan suohna ding thu zak loh na dinga a bil him a; chun, thil phalo en lo dinga a mit vengpha te chuh,